Luca 19:29 - ꞌRe Ihâimana Uꞌâsi Mono Zadawa Wasuꞌu

^29-30 'Ri wa'õtõ u, ma tô rob'umhutu oto, Befazé u hã, duré Betãnha u hã. Oriwera na ẽtẽ 'rãihâ nhisi 'rata, 'ri wa'õno hã. Tisiré 're inomro mono norĩ hã ma tô sisõwa satõrĩ zahuré, maparane. Ãne te tãma rob'ru zahuré, Zezusi hã: — Õwa te za datẽme ane wa'wa, 'ri wa'õtõ u, asõ're uwaibaba wa'aba. Aimasisi aba wi, te za awaru po'repore isãmri 'wa, iprédupté hã, zahadu ni'wa ãma imorĩ'õ hã. Butu wazi na te za, da te ãma wasisi haré. Tawamhã te za iwasihui wa'wa, we saprõni aba da.

Luca 19:29 ပူးပေါင်းရင်းမြစ်များ

Mateu 21:17

Tawamhã Zezusi hã te oto ihawi timorĩ za'ra, Betãnha na 'ri wa'õtõ nhisi u, tame a'â sõtõ da.

Luca 19:37

Tawamhã ma tô rob'umhutu, Zeruzalẽ u hã. Oriwera na te za oto si'ra, Zeruzalẽ u wisi da. Tamomo, te da'ahâ na Zezusihi zarina ai'aba'ré ni, isazei'wa norĩ hã. Ma tô te te ãma 're 'madâ'â za'ra aré, Zezusi te te 're ida'apawapto mono zém na, tiwaihu'u pese uptabi na. Tahawa, te oto damreme 'rãihâ na dasima nharĩ za'ra ni, ãne: — Uburé Danhib'apito te we oto mo, 'Re ihâimana u'âsi mono zadawa para. Tãma 're rowẽ za'ẽtẽ mono di za. Rowẽ hã hâiwa ãma 're isa'wari u'âsi mono da si, wa wasima wẽ za'ra ni.

Luca 21:37

Tawamhã Zezusi hã bâtâ sidâpâsi, te nasi dama rowasu'u, 'ri 'wawi wa'ra 're, 'Re ihâimana u'âsi mono nhorõwa 'ri ãma. Bara na hã te nasi ne, Oriwera na ẽtẽ 'rãihâ nhisi u. Tame ma tô nasi ãma ti'awẽ.

Luca 22:39

Tawamhã Zezusi hã ma oto rob u watobro, ẽtẽ 'rãihâ u morĩ da, Oriwera u. Tamomo 're ine mono zéb u te duré mo, Oriwera u. Isiré 're inomro mono norĩ hã te ime ai'aba'ré.

Luca 24:50

Tawamhã Zezusi hã ma tô tisiré 're inomro mono norĩ hã te te simro, 'ri ahâ nhiti, Betãnha na 'ri wa'õtõ nhisi u. Tamomo te te rob'umhutu za'ra wamhã, ma tô tinhib'rada hã wahutu, tisi hawimhã, iwẽ hã te te tãma sõmri za'ra da, Zezusi hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:12

Tawamhã Zezusihi zadawa wasu'u'wa norĩ hã te oto apâ ai'aba'ré, Oriwera na ẽtẽ 'rãihâ nhisi hawi, Zeruzalẽ u. Ta hawimhã, Zeruzalẽ u hã misi na ti'ai pibuzé hã.