Luca 19:28 - ꞌRe Ihâimana Uꞌâsi Mono Zadawa Wasuꞌu

²⁸ Tawamhã te te dama rowasu'u pari, te oto danhowa mo, Zeruzalẽ u, Zezusi hã.

Luca 19:28 ပူးပေါင်းရင်းမြစ်များ

Luca 10:30

Tahawa, te Zezusi hã tãma romnhimiré'é, ãne: — Aibâ hã ma tô si'ra Zeruzalẽ hawi, Zerico u morĩ da. Tawamhã morĩ ré, ma tô sô wairé, isipsaihuri norĩ hã. I'uza, ma tô tiwi sani za'ra. Te te siwi 're pré'é. Te aré oto siwi tiwĩ. Te te siwi 're pré'é mono pari, te oto ai'aba'ré.

Luca 12:50

Wa za a'â robzépata za'ẽtẽ. Te robzépata õ ré hã, rosa'rata ahâ di za.

Luca 18:31

Tawamhã Zezusi hã hâiba pisutu ma tô sani za'ra, tisiré 're inomro mono norĩ hã, aibâ 12 na ihâiba za'ra hã. Ãne te tãma nharĩ za'ra: — Ĩwapari pese za'ra wa'aba. Ãhã na, wa Zeruzalẽ u ai'aba'ré ni. Tame te za marĩ hã ĩzô watobro. 'Re ihâimana u'âsi mono zadawa 'mahârâ'wa norĩ hã, dasiré ĩpoto ãma, te te ĩ'ãma irob'ui'éré za'ra zéb zarina, te za marĩ hã ĩzô watobro.

Luca 9:51

Zezusi hã hâiwa u za imorĩzé hã romhuture wa, ma tô sina roti, Zeruzalẽ u morĩ da.

Zuwã 18:11

Tawamhã Zezusi hã te Pedruhu ma tinha, ãne: — Sib'ézé 'wapa hã apâ sẽrẽ. E wa za dawi ĩsisawi, Ĩmama te te ĩ'ãma irotizé hã te ĩsina uwaimrami tõ da. Mare di. Te robzépata da nherẽ, wa za oto ĩsina uwaimra.

Hebreu 12:2

Dawara na 're dasipibu za'ra mono wa, dawara, da te 're i'rãsutu za'ra mono zéb u si, da te 're i'madâ'â za'ra mono ne, wa za Zezusihi ãma si wa te wasina 're rosa'rata u'âsi za'ra. Ta hã Zezusi hã ma tô isãna'rata hawimhã te te 're wa'apawapto, 'Re ihâimana u'âsi mono si wa te wasina 're umnhasi u'âsi za'ra mono da. Tane te za duré te te 're wa'apawaptob u'âsi, 're iwadâ'â za'ra mono zéb u, õhõ si wa te wasina 're umnhasi u'âsi za'ra mono da, tiwi 're wasipizari za'ra mono ãna. Ta hã Cristu hã sihâiba zawi õ di, wedepo'o nhonhi'rãmi na dazada dâ'â tõ da hã, wedepo'o nhonhi'rãmi hã dazada 're ihâimana wasété za'ra mono norĩ pãrĩzép si nherẽ. Taha wa'rãmi, hâiwa ãma to sina 're ihâimana u'âsi mono zé hã za tãma 're ihâimana mono na, te te sina waihu'u siromo wa, tahawa, sihâiba zawi õ di tô, wedepo'o nhonhi'rãmi na dazada dâ'â tõ da hã. Ãhã na hã 'Re ihâimana u'âsi mono nhimire niwĩ, te oto pire uptabi na 're sãmra, isiré 'râwi te te 're da'ab'madâ'â u'âsi mono da oto.

1 Pedru 4:1

Cristu hã ma tô tihâiba na robzépata. Tahawa, te za asina 're asiptete za'ra wa'aba mo, asihâiba zawi ãna, isine 're irobzépata za'ra wa'aba mono zéb da hã. Ãne, da te 're robzépata za'ra mono wamhã, marĩ, da te 're i'manharĩ wasété za'ra mono zé hã, te za oto da te 're rẽme pese za'ra.