Luca 19:27 - ꞌRe Ihâimana Uꞌâsi Mono Zadawa Wasuꞌu

²⁷ Oto ĩ'rui'wa norĩ hã we ĩtẽme ãwisi za'ra wa'aba. Ma tô siwi ĩwẽ'õ za'ra, tãma ĩsi'apito za'ra tõ da. Tahawa, te za ĩnho'a asiwi isimroi wa'wa.”

Luca 19:27 ပူးပေါင်းရင်းမြစ်များ

Salmu 2:9

Tawamhã isi'uwazi waré na te za ta norĩ hã 're i'anhi'ẽi'rare mo, zé'a na ub'rẽ da te 're iprub za'ra mono ne.’ ”

Mateu 22:7

Tawamhã apito hã tãma iromhuri'wa norĩ, da te i'uprosi wasu'u te te wapari wamhã, ma tô ab'rui pese. Tahawa, tãma da'wapéi'wa norĩ hã ma tô itẽme satõrĩ za'ra, tãma iromhuri'wa norĩ, da te tiwi i'uprosi za'ra u. Tawamhã da'wapéi'wa norĩ hã ma tô siwi uprosi, ta norĩ hã. Ma tô duré ta norĩ nhorõwa hã te te siwi 'ri su, 'ri nho'õmo wa, aré tãma 're isimasa mono hã.

Luca 19:14

— Dama si'apito da nherẽ, irob 're, 're idahâimana za'ra mono hã te siwi 'ruiwapa, dama si'apito tõ da. Tahawa, te isarina siwi da'mazatõ, isib'apito ma, te te ãma dazadawa wasu'u za'ra da.

Luca 20:16

Te za sô timorĩ za'ra, uburé te te uprosi da. Tawamhã te za duré aimawi da'maipisutu, tiburu 'madâ'â'wa da hã. Tawamhã isimirowasu'u hã da te wapari za'ra wamhã, te nharĩ za'ra ni, ãne: — Rowasédé hã watobro õ neza.

Luca 21:22

'Re ihâimana u'âsi mono te te dama 're arob'manharĩ mono wa, te za rowasété si a'â 're sa'wari. Taha ré, te za marĩ hã uburé dazô pusi, romhâ ré, 'Re ihâimana u'âsi mono zadawa 'mahârâ'wa norĩ hã te te ãma irob'ui'éré za'ra zéb zarina.

Luca 21:24

Sib'ézé 'wapa na hã da'ahâ na te za tadâ'â za'ra ni. Duré, ni'wam norĩ hã daro mono bâ, te za da te simro. Te za da te ãma ropé, daro mono bâ. 'Re ihâimana u'âsi mono zazei'õ'wa norĩ hã sahi sina te za a'â te te dama 're roti za'ra, Zeruzalẽ ãma, zudeu'õ norĩ hã. Bâdâ hã iwa tãma iwaptã'ã za'ra zéb u, te za da'madâ'â 'rãsutu za'ra.

Hebreu 10:13

Tame te oto Cristu hã sô 're simipari u'âsi, 'Re ihâimana u'âsi mono hã tinhitob'ru norĩ nhiptetezé hã te te tiwi i'uprosi za'ra zéb zô hã, tãma sib'uwa uptabire na 're hâimana za'ra mono da oto, ta norĩ hã.

1 Samuéu 11:12

Tawamhã Izaraéu nhihudu norĩ hã te Samuéu ma nharĩ za'ra ãne: — E mahãta aibâ norĩ, Sau wama si'apito za'ra tõ da, te te inharĩ za'ra hã. We simroi aba mono ãwa, wa te wasiwi simro da.