Luca 19:22 - ꞌRe Ihâimana Uꞌâsi Mono Zadawa Wasuꞌu

²² — Tawamhã isib'apito te asa tãma tinha, ãne: “A hã ĩma romhuri wasété 'wa, te 're aimo. Aimreme wẽ õ wa, wa za aimreme hã aima sizusi, aimreme zarina te aiwẽ'õ da. Ĩte na, ma tô u, ĩwaihu, da'ãma ĩpẽ'ẽzé õ na. Wa hã wa za date hã te ĩsima 're apisutu, u, ĩte da. Duré wa za, u, te ĩsima te 're a'rãihâri, ĩte da, danho hã. Ãne ma tô ĩma inha.

Luca 19:22 ပူးပေါင်းရင်းမြစ်များ

Mateu 12:37

Tahawa, ti'ab ré uburé marĩ na 're i'aimreme zusi aba mono zéb zarina, te za 'Re ihâimana u'âsi mono hã aima rowairébé za'ra wa'wa, za da'ãma isipo'ozéb ãma hã. Ti'ab ré, marĩ iwẽ na 're i'aimreme zusi aba mono zéb zarina si, te za aiwẽsãmri za'ra wa'wa. Duré, marĩ iwasété na 're i'aimreme zusi aba mono zéb zarina si, te za siwi aiwẽ'õ za'ra wa'wa, 'Re ihâimana u'âsi mono hã. — Ãne ma tô Zezusi hã tãma waihu'u siromo za'ra, farizeu norĩ ma.

Mateu 22:12

Tawamhã ãne te sadanha, apito hã: “Ĩsiwaihu, e niha bâ ma we tane ré asé, dasina damro wa, da'uzazé hã we dame asima sẽrẽ ãna.” — Tawamhã aibâ hã te ari'iwi za, niha te te tãma nharĩ waihu'u õ wa asa hã, te te duré tãma ãma upai wa.

Luca 19:21

A hã, da'ãma aipẽ'ẽzé õ di. Date hã te dawi asima 're i'apisutu mo, ate da. Duré asimirob're õ nherẽ, te za asima 're irob'rãihâri mo, ate da, danho hã. Ãne na, wa tô aiwaihu'u. Tahawa, aipipa di.”

Luca 19:23

Ãne na 're ĩhâimana mono wamhã, e marĩ wa bété rob'uiprazé hã ĩzô sẽrẽ õ di, wedehâpâ 're. Ãne we apâ ĩmorĩ wapsi, te aima isõmri nhipai u, wa aré ĩsima waze, ĩzô sina hâ'â wa.”

Roma 3:19

Duréihã 'Re ihâimana u'âsi mono nhimiroti na ma tô Mozési hã rob'ui'éré, zudeu norĩ ma, õhõ na si ãma 're hâimana za'ra mono da. Tahawa, 'Re ihâimana u'âsi mono nhimiroti 'rata na rob'ui'éré hã 're hâimana siromo mono wa, ni'wa hã tiwẽ na 're imorĩ wasété õ na dama 're siwasu'u waihu'u mono õ di. Uburé dawasété na 're dasisãmri za'ra mono da si, te dama 're hâimana, rob'ui'éré 'rada hã, duré 'Re ihâimana u'âsi mono, dawasété na te te 're ida'awẽ'õ mono zé hã da te dasina 're waihu'u za'ra mono da.