Luca 19:21 - ꞌRe Ihâimana Uꞌâsi Mono Zadawa Wasuꞌu

²¹ A hã, da'ãma aipẽ'ẽzé õ di. Date hã te dawi asima 're i'apisutu mo, ate da. Duré asimirob're õ nherẽ, te za asima 're irob'rãihâri mo, ate da, danho hã. Ãne na, wa tô aiwaihu'u. Tahawa, aipipa di.”

Luca 19:21 ပူးပေါင်းရင်းမြစ်များ

Luca 19:20

— Tawamhã isãna'remhã, ma we duré itẽme wi. Tinhib'apito ma, te tinha duré ãne ta hã: “Apito, ãhãta rob'uiprazé ate hã, ĩma isõmri hã. Zazahâ na, wa tô ubu, te asô 'madâ'â pese da.

Luca 19:22

— Tawamhã isib'apito te asa tãma tinha, ãne: “A hã ĩma romhuri wasété 'wa, te 're aimo. Aimreme wẽ õ wa, wa za aimreme hã aima sizusi, aimreme zarina te aiwẽ'õ da. Ĩte na, ma tô u, ĩwaihu, da'ãma ĩpẽ'ẽzé õ na. Wa hã wa za date hã te ĩsima 're apisutu, u, ĩte da. Duré wa za, u, te ĩsima te 're a'rãihâri, ĩte da, danho hã. Ãne ma tô ĩma inha.

Roma 8:15

E marĩ da, ma tô 'Re ihâimana u'âsi mono hã Tipẽ'ẽzani te te aima 're sõmri za'ra wa'wa. E isimirob'manharĩzé ma, 're aipahi za'ra wa'aba mono sina, tãma 're romhuri za'ra wa'aba mono da, ma tô te te aima 're sõmri za'ra wa'wa. Mare di. Taha dai õ di. 'Re ihâimana u'âsi mono hã ai'ãma 're 'ra za'ra wa'aba mono da si, ma tô te te aima 're sõmri za'ra wa'wa, Tipẽ'ẽzani hã. Taha nhimipawaptobzéb zarina, wa 'Re ihâimana u'âsi mono hã wa te 're 'mahârâ za'ra, ãne: “Wamama, Wamama.” Ãne wa te 're i'mahârâ za'ra mono zé hã.

Roma 8:7

Ni'wam norĩ hã siwa'ru 'râwi te te sima 're iwẽ za'ra mono zéb zarina si, te te 're rosa'rata wasété u'âsi za'ra mono wamhã, ta norĩ hã te za 'Re ihâimana u'âsi mono nhitob'ru 're hâimana za'ra. Ta norĩ hã 'Re ihâimana u'âsi mono nhimiroti te te 're 'madâ'â za'ra mono õ di. Te te duré 're 'madâ'â waihu'u za'ra mono õ di.

2 Timotiu 1:7

E wasina wapahi sina 're wahâimana za'ra mono da, ma tô 'Re ihâimana u'âsi mono hã Tipẽ'ẽzani hã te te wama 're anhomri. Mare di. Wanhiptete sina ãma 're wahâimana za'ra mono da, duré wanhimizawi pese sina 're wahâimana za'ra mono da, duré wanhimirosa'rata na hã atãma 're wahâimana za'ra mono da, ma tô te te wama 're anhomri, Tipẽ'ẽzani hã.

Tiagu 2:10

Ãté ni'wa hã Wamama nhimiroti, Mozésihi ma te te i'awaihu hã, te za misi ãma tizaihâ. Ãne wa, te za 'Re ihâimana u'âsi mono hã iwasédé hã ãma sa'ra, isimiroti mono bâ te te 're 'madâ'â pese za'ra mono õ wa.

1 Zuwã 4:18

Dazawizé dama 're hâimana za'ra mono wamhã, dapahizé hã hâimana õ di. Dazawizé sena uptabi hã te za sisiti sa'ré, dapahizé hã. Tahawa, ni'wam norĩ ma, ipahi 're hâimana za'ra mono wamhã, tama hâimana õ di, sena na isimizawizé hã. Ta norĩ hã pahi u'âsi 're hâimana za'ra mono wa, te za romhâ ré robzei'õ na 're hâimana za'ra ti'ab ré, 'Re ihâimana u'âsi mono hã za da'ãma isipo'ozéb ãma te te da'ahâ za'ra wa, da te 're irobzépata za'ra mono ne.

Zuda 1:15

Tawamhã te za oto da'awaihu'u, 're idahâimana wasété za'ra mono na, duré 're idahâimana wẽ za'ra mono na zama. Taha zarina te za oto da'ãma arowairébé. Tamep si te za oto 're ihâimana wasété za'ra mono norĩ hã awẽ'õ pese. Uburé marĩ iwasédé hã te te 're 'manharĩ za'ra mono wa, te za awẽ'õ pese, duré mreme wasété na 'Re ihâimana u'âsi mono ãma te te 're wasété za'ra mono wa.”

1 Samuéu 12:20

Tawamhã Samuéu ma ãma tãma wa'rãmi za'ra ãne: — Aipahi za'ra wa'aba tõ. Tô sena ma tô aiwasédé hã i'manharĩ za'ra wa'wa. Tane nherẽ, oto rẽme za'ra wa'aba õ di za, Wanhib'apito ãma 're i'aiwata za'ra wa'aba mono zé hã. Te za oto uburé aipẽ'ẽ na ãma 're anomro aba mo.