Luca 19:20 - ꞌRe Ihâimana Uꞌâsi Mono Zadawa Wasuꞌu

²⁰ — Tawamhã isãna'remhã, ma we duré itẽme wi. Tinhib'apito ma, te tinha duré ãne ta hã: “Apito, ãhãta rob'uiprazé ate hã, ĩma isõmri hã. Zazahâ na, wa tô ubu, te asô 'madâ'â pese da.

Luca 19:20 ပူးပေါင်းရင်းမြစ်များ

Mateu 25:24

— Tawamhã romhuri'wa hã miu na rob'uiprazé te te aré i'âri hã ma tô duré itẽme ãzé, tinhib'apito u. Tawamhã ãne te tãma tinha, ta hã senai õ na hã: “Apito, ĩma aiwaihu'u pese di. A hã da'ãma 're aipẽ'ẽzé mono õ. Ni'wa hã te te dame 're rob're mono õ nherẽ, danho hã tite da, te te dawi sima 're i'a'rãihâri mono ne, te danhimarĩ hã dawi asima 're i'awaibui mo, ate da.

Luca 19:13

Tahawa, te morĩ õ ré, sitẽme sô tihârâ za'ra, tãma iromhuri'wa norĩ zô, 10 na ihâiba za'ra norĩ zô. Misi si, ma tô te te tãma sõmri, rob'uiprazé isapotore hã, ẽtẽ waipo pré oru 'manharĩ hã. Tawamhã te ãne tãma 'ru za'ra: “Marĩ hã te za 're i'manharĩ za'ra wa'aba mo, rob'uiprazém na ãma atob za'ra wa'aba da, apâ we ĩmorĩ õ ré.” Taha pari, te oto tiwi timorĩ za'ra.

Luca 19:19

— Tahawa, te isib'apito hã asa tãma tinha, ãne: “Tane tô. 'Ri ahâ hã imrotõ na, wa za aima pisutu za'ra, tame 're da'ab'madâ'â mono da.”

Luca 19:21

A hã, da'ãma aipẽ'ẽzé õ di. Date hã te dawi asima 're i'apisutu mo, ate da. Duré asimirob're õ nherẽ, te za asima 're irob'rãihâri mo, ate da, danho hã. Ãne na, wa tô aiwaihu'u. Tahawa, aipipa di.”

Luca 3:9

Hâtâra hã ma tô ni'wa hã sarõtõ oto, wede te te ãma sari nhihâri da. Uburé wede hã 're i'rãi pese za'ra mono õ hã te za te te ãma 're anhihâri. Tawamhã unhama u te za te te 're anhamra.

Luca 6:46

— E marĩ da, ma tô Asib'apito na asiwi 're ĩnhisi za'ra wa'aba mo, ĩnhimiroti hã 're 'madâ'â pese za'ra wa'aba mono õ nherẽ.

Zuwã 11:44

Tawamhã sô hârâ pari, ma tô watobro, dâ'â nherẽ, sib'rata ubu ré, duré para ubu ré, duré 'rã ubu ré. Tawamhã ma tô Zezusi hã dama ti'ru, ãne: — I'ubuzé hã asiwi wasihui wa'aba, morĩ da. Tahawa, ma tô siwi wasihu, i'ubuzé hã.

Zuwã 20:7

Romhâ na te i'ubuzém nhiti i'rã ubuzé hã nomro, hâ nhinhai haré.

Tiagu 4:17

Tahawa, wa za ãne aima waihu'u za'ra wa'wa. Marĩ iwẽ na da te dama ãma 're i'uwaimrami za'ra mono da hã, wẽ di. Tane nherẽ, taha wasu'u hã dama waihu'u pese za'ra nherẽ, marĩ iwẽ na da te dama ãma 're uwaimrami za'ra mono õ wamhã, ta hã duré dawasédé.