Luca 19:2 - ꞌRe Ihâimana Uꞌâsi Mono Zadawa Wasuꞌu

² Zerico ãma, te aibâ isibro pe hã 're hâimana, Zaqueu na isisi hã. Danhib'apito ma, rob'uiprazé arĩ ubumroi'wa norĩ 'madâ'â'wa, Zaqueu hã.

Luca 19:2 ပူးပေါင်းရင်းမြစ်များ

Mateu 10:3

Duré Filipi, duré Batolomeu, duré Tome, duré Mateu. Ta hã rob'uiprazé arĩ ubumroi'wa aré. Duré Tiagu, Afeuhu 'ra. Duré Tadeu, duré Sima ihâiba amo. Ta hã ma tô aré dame 're hâimana, romanu norĩ zada, tirom hawi apâ te te 're satõrĩ za'ra mono da. Duré Zuda Icarioti, Zezusi te te dama ihâiba nhomri'wa da hã.

Luca 19:1

Tawamhã Zezusi hã Zerico u, ma tô wi. Wisi wamhã, 'ri nho'õmo wa'wai baba, ma ro'razâ.

Luca 19:3

Ta hã ma tô sima wẽ, Zezusi hã te te 'madâ'â da, duré te te hâiba pibu da. Tane nherẽ, da'ahâ uptabi wamhã, te te 'madâ'â waihu'u õ di Zezusi hã, sapore wa, Zaqueu hã.

Luca 19:5

Tawamhã Zezusi wede u oto wisi wamhã, hâimo te 'mazawẽ. Ãhã wamhã, ma tô 'mahâ Zaqueu hã, ãne: — Zaqueu, ai'aba'ré na we si'ra na. Ã bâtâ na hã asõrõwa ãma ĩhâimana da hã wa ĩsima wẽ.