Luca 18:42 - ꞌRe Ihâimana Uꞌâsi Mono Zadawa Wasuꞌu

⁴² Tawamhã te Zezusi hã tãma tinha, ãne: — Rob'madâ'â. Asina ĩ'umnhasi wa, ma ato pe.

Luca 18:42 ပူးပေါင်းရင်းမြစ်များ

Mateu 15:28

Tawamhã pi'õi mreme te te wapari wamhã, te tãma tinha ãne, Zezusi hã: — Pi'õ, wa tô aiwaihu'u, aima ĩ'umnhasi za'ẽtẽ wa, ĩwi iwaptẽrẽzéb zarina te aima i'manharĩ da hã. Tahawa, wa za aima ãma uwaimra, tô. Tawamhã ãne te te tãma nharĩ wi, ma tô wa'uburé hã i'ra sipi'õi hawi watobro. Ãhã wamhã, i'ra hã ma tô tipese oto.

Mateu 8:3

Tawamhã Zezusi ma tô tinhib'rada hã wahutu, te te ãma upi da. Te te upi wamhã, te ãne tãma tinha: — Tane tô. Wa tô ĩsima aiwẽ tô, te aipese da hã. Tahawa tâibâ oto aihâzé hã. Taha wamhã, awa'awi ma tô i'wa're hã tãma ai'utõ.

Mateu 9:22

Tawamhã pi'õ, i'uza te te upi wamhã, ma tô Zezusi hã sô aipi'ra. Sipi'rai wamhã, ma tô pi'õ hã 'madâ. Ãne te tãma tinha: — Ĩsiwadi, aiwi robzei'õ tõ. Za te i'aipesezém na, ĩ'umnhasi wa, ma tô aihâzé hã aima apa. Tawamhã awa'awi ma tô pi'õ hã séptârâ.

Luca 17:19

Tawamhã Zezusi hã te aibâ ma tinha, ãne: — Hâiwi asa na, asõrõwa u aimorĩ da oto. A hã ma tô ĩzaze, te aipesezém na. Tahawa, ma tô aséptâ, ĩzazei wa.

Luca 18:41

— E marĩ te asima ĩwẽ, te aima 'manharĩ da hã. — Apito, ĩto pese da, wa ĩsima aiwẽ, apâ te 're rob'madâ'â mono da. — Ãne te asa tãma tinha, itob'a hã.

Luca 7:50

Tawamhã Zezusi te duré pi'õi ma tinha, ãne: — Ĩzazei wa, wa tô aipawapto, aiwasédé hã rẽme pese da. Rowẽ na te za oto 're aimo.

Luca 8:48

Tawamhã Zezusi te tãma tinha, ãne: — Ĩhidiba, za te aipesezém na ĩ'umnhasi wa, ma tô aihâzé hã aima apa. Rowẽ na te za oto 're aimo.