Luca 18:39 - ꞌRe Ihâimana Uꞌâsi Mono Zadawa Wasuꞌu

³⁹ Tawamhã danhowa isi'aba'ré, te tãma nharĩ za'ra, ari'iwi sãmra da. Tazahã, te te wapari za'ra õ di. Tahawa, te nasi 'mahâ, ãne: — Dawihi nhihudu, ĩ'ãma aipẽ'ẽzé na.

Luca 18:39 ပူးပေါင်းရင်းမြစ်များ

Mateu 7:7

— 'Re ihâimana u'âsi mono wi, te za iwẽ hã 're iwaptẽrẽ za'ra wa'aba mo. Tawamhã te za tô te te aima 're anhomri 'wa. Iwẽ zô si te za duré asima 're asõpré u'âsi aba mo. Tawamhã taha zarina te za tô te te aima ãma 're a'uwaimrami 'wa, 'Re ihâimana u'âsi mono hã, 'râwi aima 're hâimana za'ra wa'aba mono da. Duré ni'wa hã 'ri tede'wa zô te te 're i'ridawa ta'a mono ne, te za iwẽ hã tiwi 're iwaptẽrẽ za'ra wa'aba mo. Tawamhã 'ri tede'wa te te tãma i'ridawa ne, te za tô 'Re ihâimana u'âsi mono iwẽ hã te te aima 're anhomri 'wa, si'uihâ na.

Mateu 8:26

Tawamhã Zezusi te tãma nharĩ za'ra ãne: — E marĩ da, ma aipahi za'ra wa'wa. E ĩ'umnhasi za'ra wa'aba ãna. Tawamhã ma tô wahudu, Zezusi hã. Wahutu wamhã, ma tô rowa'u'u ma, duré â sisasisi ma zama hã tinha, te te sazâri da hã. Taha wamhã, ma tô sazâ, rowa'u hã. Ma tô duré oto ti'âtu.

Mateu 9:27

Tawamhã 'ri para hawi watobro wamhã, morĩ ré, ma tô aibâ norĩ hã isarina tineb zahuré, itob'a zahuré hã. Tawamhã te 'mahârâ zahuré, ãne: — Dawihi nhihudu, ma'ãpé wa'ãma aipẽ'ẽzé na.

Luca 11:52

— Rowahutu'wa norĩ, a norĩ wa'aba ma, aima 're ropipa uptabi za'ra wa'aba mono di za. E marĩ wa. Wa za ãma romnhimiré'é, ãne: Ãté, aibâ hã te za 'manhamra, 'ridawa tétézéb ré. Ta hã 're zasi mono õ di, 'ri para u hã. Duré, 'ri para u 're danhisisi mono õ di, te te dawi 're azawi mono wa, 'ridawa tétézé hã. Tane, a norĩ wa'wa hã 're 'madâ'â pese za'ra wa'aba mono õ di, 'Re ihâimana u'âsi mono nhimiroti hã. Ma tô duré dawi 're isawi za'ra wa'aba mo, isimiroti mono bâ, da te 're waihu'u za'ra mono tõ da.

Luca 18:1

Tawamhã Zezusi hã ma tô tãma ãma romnhimiré'é za'ra, tisiré 're inomro mono norĩ ma, wa'a ãna 'Re ihâimana u'âsi mono wi, te te tô 're rowaptẽrẽ u'âsi za'ra mono da, te te 're pawaptob u'âsi za'ra mono da hã. Ãne te tawamhã ãma simiré'é:

Luca 18:15

Taha pari, ma duré ni'wam norĩ hã ai'uté hã ãwisi za'ra, Zezusihi u, ai'uté ãma mreme da, iwẽ hã te te tãma 're anhomri mono da, ai'uté ma. Tawamhã isiré 're inomro mono norĩ hã te te da'madâ'â za'ra wamhã, ma tô tãma nharĩ za'ra.

Luca 18:38

Tawamhã te itob'a hã nasi 'mahâ, ãne: — Zezusi, Dawihi nhihudu, ma'ãpé ĩ'ãma aipẽ'ẽzé na.

Luca 18:40

Tahawa, ma tô Zezusi hã mazazâ. Te dama ti'ru, itob'a hã da te dasiwi saprõni da, itẽme. Itẽme da te saprõni wamhã, Zezusi te sadanha, ãne:

Luca 19:39

Tahawa, farizeu norĩ hã dawa'wa isi'aba'ré hã, te Zezusihi ma nharĩ za'ra, ãne: — Rowahutu'wa, ma'ãpé asazei'wa norĩ hã sadawa uwati za'ra na, ari'iwi si'aba'ré da.

Luca 8:49

Tawamhã pi'õi ma, te te rowasu'u ré, ma tô ãma wi, aibâ hã. Zairuhu u, ma wi. Isõrõwa hawi, ma itẽme wi, rowahutuzéb ãma 're da'anhimi'rui mono 'wai u hã. Tawamhã te Zairuhu ma rowasu'u aibâ hã, ãne: — Ai'ra hã ma tô aiwi dârâ, azaruture hã. Rowahutu'wai wi, ro'wa'ré da nherẽ, simiromhuri nherẽ.

2 Corĩtu 12:8

Tahawa, wa tô si'ubdatõ Wanhib'apito wi hã ĩsi'ãma rowaptẽ, tô õhõ na te 're irobzépata mono zém na hã ta hã simisaré te te ĩ'ãma sizâri da, te ãma 're robzépata zahu tõ mono da.