Luca 18:38 - ꞌRe Ihâimana Uꞌâsi Mono Zadawa Wasuꞌu

³⁸ Tawamhã te itob'a hã nasi 'mahâ, ãne: — Zezusi, Dawihi nhihudu, ma'ãpé ĩ'ãma aipẽ'ẽzé na.

Luca 18:38 ပူးပေါင်းရင်းမြစ်များ

Mateu 12:23

Tawamhã da'ahâ na ma ãma tatob'uzu za'ra ni. Tahawa, te dasima nharĩ za'ra ni, ãne: — Ãté õ hã apito Dawihi nhihudu, sô 're iwanhimipari za'ra mono.

Mateu 15:22

Tame sãmra ré, ma tô pi'õ zudeu'õ hã itẽme wi, cananeu norĩ siré, ta niwĩ 're isãmra mono hã. Itẽme wisi wamhã, ma tô 'mahâ, ãne: — Apito, Dawihi nhihudu, ma'ãpé ĩ'ãma aipẽ'ẽzé na. Ĩ'ra sipi'õ, wa'uburé ré 're hâimana u'âsi mono wa, ma tô te te 're robzépata za'ẽtẽ u'âsi.

Mateu 21:15

Tawamhã ai'uté norĩ hã ma tô nasi sima 'mahârâ za'ra, ãne: “Apito Dawihi nhihudu ãma, 're wawata za'ra wa'aba mono.” Ãne te nasi sima 'mahârâ za'ra, 'ri 'wawi wa'ra 're, sãmra ré. Tawamhã 'Re ihâimana u'âsi mono ma, da'ãma romhuri'wa norĩ ma, ipire norĩ hã tisiré ma, duré isimiroti na rob'ui'éré 'rata na dama rowahutu'wa norĩ hã, ai'uté norĩ te te nasi sima i'mahârâ za'ra zé hã te te wapari za'ra wamhã, duré tinhimiromhõsi na Zezusi te te 're ida'apawapto mono zé te te 'madâ'â za'ra wamhã, ma tô sada tizahi za'ra, Zezusihi zada.

Mateu 21:9

Tawamhã Zezusihi nhowa idasi'aba'ré norĩ hã duré isarina idasi'aba'ré norĩ zama te nasi dasima 'mahârâ za'ra ni, ãne: — Apito Dawihi nhihudu ãma, 're wawata za'ra wa'aba mono. Wanhib'apito zadawa para, te we oto mo. 'Re ihâimana u'âsi mono hã iwẽ si te te tãma 're pisutu u'âsi mono neza. 'Re ihâimana u'âsi mono ãma zama duré 're wawata za'ra wa'aba mono, hâiwa ãma 're isãmra mono ãma, wei watẽme te te satõrĩ wẽ te.

Mateu 9:27

Tawamhã 'ri para hawi watobro wamhã, morĩ ré, ma tô aibâ norĩ hã isarina tineb zahuré, itob'a zahuré hã. Tawamhã te 'mahârâ zahuré, ãne: — Dawihi nhihudu, ma'ãpé wa'ãma aipẽ'ẽzé na.

Luca 18:37

Tahawa, te asa tãma rowasu'u za'ra ni, ãne: — Zezusi, Nazaré hawi we imorĩ, ma ro'razâ.

Luca 18:39

Tawamhã danhowa isi'aba'ré, te tãma nharĩ za'ra, ari'iwi sãmra da. Tazahã, te te wapari za'ra õ di. Tahawa, te nasi 'mahâ, ãne: — Dawihi nhihudu, ĩ'ãma aipẽ'ẽzé na.

Roma 1:3

E 'wai wasu'uwẽ, ã hã. 'Re ihâimana u'âsi mono 'ra, Wanhib'apito Zezu Cristuhu wasu'uwẽ. Ta hã Zezusi hã ti'ai ãma dahâiba na dasine 're ihâimana mono na, wama waihu'u pese za'ra di, apito Dawihi nhihudu 're morĩ wa.

Apocalipsi 22:16

Tawamhã Zezusihi mreme hã wa tô duré wapa. Ãne te ĩma tinha: — Wa hã Zezusi, wa tô hâiwa ãma ĩma romhuri'wa hã we atẽme satõ, ã hã te i'awaihu'u mono hã te te aima awaihu'u mono da, 'ri nho'õmo mono bâ ĩzazei'wa norĩ, siré 're isi'rã'õtõ u'âsi mono norĩ ma, awaihu'u mono da, isipai u. Wa hã apito Dawihi nhihudu, za isine ĩpire na te 're ida'ab'madâ'â mono. Wa hã awẽ u, wasi wawẽ 're ro'o pese mono ré, da'ãma 're i'awẽ za'ra mono ne, wa za romhâimanazép té, te dama 're apisutu, Ĩmama nhib'a'uwẽ norĩ ma.