Luca 18:24 - ꞌRe Ihâimana Uꞌâsi Mono Zadawa Wasuꞌu

²⁴ Tawamhã Zezusi hã tiwi irobzei'õ na ma tô waihu'u. Tahawa, te ãma simiré'é, ãne: — Isibro pese norĩ hã 'Re ihâimana u'âsi mono, da'ãma 're isib'a'uwẽ mono zéb u 're isisisi mono da hã, pire di. Tãma pire uptabi za'ra di za.

Luca 18:24 ပူးပေါင်းရင်းမြစ်များ

Salmu 10:3

Iwasété norĩ hã te mreme nhiséb ãna marĩ iwasété si te te sima 're i'ruiwapari za'ra mono na 're mreme zusi, isi'madâ'â ze zéb zarina. Duré danhimarĩ zô hâimana nhipese sina te te sima 're ida'wani za'ra mono norĩ hã, te Uburé Danhib'apito ãma te te 're wasété za'ra.

Provébiu 11:28

Ni'wa, tinhimarĩ te te 're i'umnhasi mono hã te za 're waptã'ã. Tane nherẽ, sena na 're ihâimana za'ra mono norĩ si te za wesuirã isu tém ne rowẽzé hã te te sina tãma 're hâimo za'ra.

Provébiu 18:11

Isimarĩ pese norĩ hã te te 're rosa'rata za'ra, isimarĩ i'wawib za'ra 're isimapa za'ra mono na hã, aiwa 'ri nho'õmo 'wawi wa'ra 'rãihâ isiptede 're ihâimana za'ra mono ne.

Provébiu 30:9

'Re ĩnhimarĩ pese mono 'wa'âhã, wa aré ai'udâ. Wa aré airẽ. Ãne wa aré duré tinha: “Uburé Danhib'apito, te ai'ãma irosa'rata da hã mare di, marĩ dai õ wa.” Duré ĩnhimarĩ ãna 're ĩhâimana mono 'wa'âhã, wa aré 're ĩnhimisaihuri mono da hã 're ĩne. Tawamhã taha zarina wa aré asisi hã te 're upto, ĩte 'Re ihâimana u'âsi mono nhisi hã.

Marcu 6:26

Tawamhã ma tô tiwi tirobzei'õ, apito Erodihi wi. Tane nherẽ, uburé sô idahârâ norĩ nho'a, te te azarutu ma ropisutu wa, ma tô tãma ãma uwaimra, te te tiwi iwaptẽrẽzéb uwaibaba.

Luca 18:23

Ãne aibâ ma, te te roti wamhã, sibrob ahâ uptabi wa, ma tô tiwi tirobzei'õ, tinhibrob zawi te.