Luca 18:11 - ꞌRe Ihâimana Uꞌâsi Mono Zadawa Wasuꞌu

¹¹ Zasi wamhã, hâiwi te oto za, farizeu hã, rob'uiprazé arĩ ubumroi'wa nhiti. Ãne ma tô mre: “'Re ihâimana u'âsi mono, ãhã na, wa za ai'ãma ĩwata. E marĩ wa. Wa hã ĩsiré aibâ norĩ ne, ĩwasété na 're ĩmorĩ õ di. Danhibrob zô, te 're rob'ruiwapari mono õ di. Wa hã rob'uiprazém na, dawi 're ĩnhipsaihuri mono õ di. Duré pi'õ na zama, dawi 're ĩnhipsaihuri mono õ di. Tahawa, wa za duré ai'ãma ĩwata, õhõ ne, rob'uiprazé arĩ ubumroi'wa ne, 're ĩmorĩ õ wa.

Luca 18:11 ပူးပေါင်းရင်းမြစ်များ

Provébiu 20:6

Da'ahâ na te dasiwaihu i'umnhasi na 're dasiwasu'u za'ra. Tane nherẽ, e 'wa dasiwaihu umnhasi uptabi na 're ihâimana mono, da te isõpẽtẽ da bâ. Waihu'u õ di.

Provébiu 30:12

Ni'wam norĩ hã te tiwẽ na 're ihâimana za'ra mono na te te sina 're rosa'rata za'ra. Tane nherẽ, zahadu 're isi'uptob za'ra mono pari zé hã tãma 're hâimana za'ra mono õ di, ipẽ'ẽ 'remhã.

Mateu 10:3

Duré Filipi, duré Batolomeu, duré Tome, duré Mateu. Ta hã rob'uiprazé arĩ ubumroi'wa aré. Duré Tiagu, Afeuhu 'ra. Duré Tadeu, duré Sima ihâiba amo. Ta hã ma tô aré dame 're hâimana, romanu norĩ zada, tirom hawi apâ te te 're satõrĩ za'ra mono da. Duré Zuda Icarioti, Zezusi te te dama ihâiba nhomri'wa da hã.

Mateu 5:20

Ãne wa za duré aima waihu'u za'ra wa'wa. Farizeu norĩ hâimanazém nhipai u, duré 'Re ihâimana u'âsi mono nhimiroti na rob'ui'éré na dama rowahutu'wa norĩ hâimanazém nhipai u, Wamama te te sima 're i'aiwẽ za'ra wa'aba mono zéb zarina si, 're aihâimana wẽ za'ra wa'aba mono wamhã, tawapsi, te za dame 're asisisi aba mo, 'Re ihâimana u'âsi mono, da'ãma 're isib'a'uwẽ mono zéb u hã.

Mateu 6:5

— Duré ni'wam norĩ hã te te sima 're iwẽ za'ra mono zéb zarina, te danho'a 're mreme zusi, 'Re ihâimana u'âsi mono ma. Hâiwi 're simasa mono sina, te 'Re ihâimana u'âsi mono ãma 're idawata za'ra mono zéb ãma, 're mreme zusi, 're hâimana wẽ za'ra mono newa, da te 're 'madâ'â wẽ za'ra mono da. 'Ri nhi'riti wa, bâdâdi sitob ãma, te duré ãne 're mreme zusi, da'ahâ norĩ nho'a. Tawamhã da te 're 'madâ'â wẽ za'ra mono wa, ãma 're dawata za'ra mono wamhã, taha na si te za tô ãma 're hâimana za'ra. Nimahã na hã 'Re ihâimana u'âsi mono nhoprubzé hã tãma 're ihâimana za'ra mono da hã, mare uptabi di za, ta norĩ ma hã. Tô sena wa ãne na aima waihu'u siromo za'ra wa'wa.

Marcu 11:25

'Re ihâimana u'âsi mono ma, 're aimreme zusi aba mono da wamhã, te za a'â aiwi 're da'ru simani za'ra wa'wa. Dawasédé hã da'ãma 're 'madâ'â za'ra wa'aba mono õ di za oto. Tawamhã Aimama 'wa hã hâiwa ãma 're isãmra mono hã te te duré ai'ãma 're 'madâ'â za'ra wa'aba mono õ di za oto, aiwasété 'wa hã.

Luca 20:47

Rowahutu'wa zahã, te za pi'õi mrotõ norĩ wi, isibro hã te te tiwi 're uprosi za'ra. Tane nherẽ, te ta norĩ hã danho'a 'Re ihâimana u'âsi mono ma, 're mreme zusi hâ, 're hâimana wẽ uptabi za'ra mono newa. Tahawa, te te dama 're i'arob'manharĩ mono zém nhipai u, te za 'Re ihâimana u'âsi mono hã te te tãma 're rob'manharĩ za'ẽtẽ za'ra.

Luca 22:41

Tawamhã isiti za'ra te mo, siwaprosi sãmra da, romhâ prã na. Tame ma hi'rãtitõ nhamra, Timama ma, mreme da.

Galata 3:10

Tane nherẽ, isimiroti na rob'ui'éré 'rata zarina, da te 're irob'manharĩ za'ra mono zém na 're danhopré mono wamhã, taha zarina, 'Re ihâimana u'âsi mono te te 're da'anho'reptui mono da newa, e niha te za tawamhã dama 're romhâimana za'ra. Õne haré, isimiroti mono bâ da te dasina tãma ãma 're uwaimrami za'ra mono õ wa, te za tô te te siwi 're da'awẽ'õ, 'Re ihâimana u'âsi mono hã. Duréihã ma tô ãne na rob'ui'éré ni: “'Re ihâimana u'âsi mono nhimiroti mono bâ, taha na rob'ui'éré hã te ibaihâ na dama 're hâimana, da te dasina tãma ãma 're uwaimrami za'ra mono da. Ãne zarina, isimiroti mono bâ, da te dasina tãma ãma 're uwaimrami za'ra mono õ wamhã, te za te te siwi 're da'awẽ'õ, 'Re ihâimana u'âsi mono hã.”

Filipu 3:6

Wasiré zudeu norĩ hâimanazém na, 'Re ihâimana u'âsi mono ma, 're ĩhâimana mono da, wa tô 're ĩsiwasutu u'âsi aré. Tahawa, Zezusihi zazei'wa norĩ ma, wa tô te tãma 're rob'manharĩ wasété za'ra, Zezusi hã 'Re ihâimana u'âsi mono 'ra õ newa, ta norĩ hã te 're i'ruiwapari za'ra mono zéb zarina, te te 're robzépata za'ra mono da. Uburé 'Re ihâimana u'âsi mono nhimiroti 'rada hã wa tô duré te 're 'madâ'â pese tô, taha zarina 'Re ihâimana u'âsi mono te te ĩwẽsãmri da newa. Tahawa, nima hã isimiroti te ãma i'upa na da te dasiwi ĩwaihu'u õ di.

Apocalipsi 3:17

“Ãne te duré 'râwi asima 're inharĩ za'ra wa'aba mo: ‘Wa norĩ hã wanhibro pese za'ra di. Marĩ zô wawi 're ro'wanhi'riti waihu'u za'ra mono õ di.’ Ãne te asima 're inharĩ za'ra wa'aba mo. Tane nherẽ, robzei'õ na si te 're aihâimana za'ra wa'aba mo. Ãne na 'râwi 're asiwaihu'u za'ra wa'aba mono õ di. Tahawa, wa ai'ãma 're ĩpẽ'ẽzé za'ra wa'wa. Asibrob ahâ na 're aihâimana za'ra wa'aba mono nherẽ, asibrob'õ ne, te ĩma 're aihâimana za'ra wa'aba mo, aipẽ'ẽ 're wa'aba hã. Duré da'uza õ na 're idahâimana za'ra mono ne, te 're aihâimana za'ra wa'aba mo, ai'uréiwi. Datob'a na 're idahâimana za'ra mono ne, te duré 're anomro aba mo.