Luca 17:7 - ꞌRe Ihâimana Uꞌâsi Mono Zadawa Wasuꞌu

⁷ Ma duré tãma waihu'u za'ra, ãne: — Ãté aima romhuri'wa hã te 're 'manhamra, ãté buru na te te aima 're iromhuri mono hã, ãté pone'ẽrebâ 'madâ'â'wa hã. Tawamhã bâtâ na te za atẽme wi, romhuri hawimhã. 'Ri para u sébré wamhã, e te za ãne tãma inha: “We oto asãmra, asa da.” E ãne, te za tãma inha.

Luca 17:7 ပူးပေါင်းရင်းမြစ်များ

Mateu 12:11

Tawamhã asa te ãne Zezusi hã tãma nharĩ za'ra: — Pone'ẽrebâ aima i'maihâimana za'ra wa'wa, ab're 'rehâ wa, aiwi i'maiwaptã'ã 'wa hã, e aré asiwi 'maiwazere aba õ di, 'manho'reptui aba da hã. Te aré tô asiwi i'maiwazere 'wa, romhuri zahârizém na 'maiwaptã'ã nherẽ.

Luca 13:15

Tawamhã Wanhib'apito te tãma tinha, ãne: — Oro sabadu na te dapese wa, ĩma nharĩ za, te za powawẽ hã awaru po'repore zama, 're iwasihu za'ra wa'aba mo, âi ba, 're simroi wa'aba mono da, te te 're âhuri mono da. Ãhãta pi'õ hã, Abra'ãhã nhihudu hã. Satanasi hã te te 're pibui mono ré hã, ma tô 18 na ãma tiwahu. Sabadu na nherẽ, wa tô pese, hâzé ãna oto 're hâimana mono da. E niha bâ bété, aima wẽ za'ra wa'aba õ di, sabadu na te ipesezé hã rowẽ na pi'õ hã oto 're imorĩ da hã.

Luca 14:5

Tawamhã aibâ za'u si, te tãma nharĩ za'ra, ãne: — Ãté ai'ra hã te za aiwi ti'maiwaptã'ã 'wa, â zô ab're u, ãté powawẽ hã. Tawamhã e â zô ab're hawimhã asiwi wazere aba õ di za, romhuri zahârizém na nherẽ.

Luca 17:26

Tawamhã sô 're idanhimipari za'ra mono õ zém na, te za wei mo apâ. Apâ we imorĩzéb u hã Nowé 're hâimana mono ré, 're idahâimana za'ra mono ne, te za 're dahâimana za'ra za.

Luca 17:6

Tahawa, te Zezusi hã asa tãma ãma romnhimiré'é za'ra, ãne: — Mostada nhamare hã surure nherẽ, da te 're wa, oto poto wamhã, wede za'ẽtẽ uptabi di. Tane, a norĩ wa'wa hã asina 're ĩ'umnhasi za'ra wa'aba mono zé hã, surure na nherẽ, aima 're hâimana za'ra wa'aba mono wamhã, te aré figuera wede ma inharĩ za'ra wa'wa, ãne: “Ma'ãpé asi'uihâ na asisa'o'o, â 're, asi'uihâ na asi're da.” Tawamhã te aré asadawa zamarĩ za'ra wa'wa, figuera wede hã.

Luca 17:8

Mare di. Ãne si te za tãma inha: “A'â ĩma asipi na. Asipi parip si, te za zazahâi wa'õtõ na asi'usi, ĩsa hã we ĩma iré âri da, duré â hã. Ĩsai parip si, te za asa. Te za duré ihâ'rẽ.” Ãne si te za tãma inha. Tawamhã te za aima ãma uwaimra, tãma i'ru zarina. Asiminhimi'ru hã te te ãma aima uwaimrami wa, e te za sô amnhasi, ãma aiwata zô hã. Mare di. Sô simnhasi õ di za.