Luca 17:35 - ꞌRe Ihâimana Uꞌâsi Mono Zadawa Wasuꞌu

³⁵ Ãté, pi'õ norĩ hã te za siré ti'ru'u zahuré. Siré 'ru'u zahuré ré, te za ti'â, ihâiba amo hã. Ihâiba amo si te za tirẽ, 'Re ihâimana u'âsi mono hã. Tô sena, wa aima waihu'u za'ra wa'wa.

Luca 17:35 ပူးပေါင်းရင်းမြစ်များ

Ezodu 11:5

Tawamhã we 're ĩmorĩ 'remhã, ti'ai wa'õtõ nho'u Ezitu ãma uburé daza'rui mono bâ te za da'ra dama 're ipoto 'rata za'ra mono hã dawi si'utõrĩ, apito 'ra, timama uirĩ na za dama pire na 're ihâimana mono tẽme, pi'õ, pawa'âbâ ãna marĩ zum na te te 're iromhuri za'ra mono norĩ 'ra u. Tawamhã duré danhimizama da te 're itébré za'ra mono norĩ 'ra zama aibâ na 're ipoto 'rata za'ra mono hã te za dawi si'utõrĩ.

Mateu 24:41

Ãté pi'õ norĩ hã siré 'ru'u zahuré ré, te za duré tiwi ti'â, ihâiba amo hã. Tawamhã ihâiba amo si ãté te za duré tirẽ za, 'Re ihâimana u'âsi mono hã.

Luca 17:34

Taha bara na te za ni'wam norĩ hã siré tinhotõ zahuré, ãté. Siré sõtõ zahuré ré, ihâiba amo hã te za 'Re ihâimana u'âsi mono hã ti'â, hâiwa u. Ihâiba amo si te za tirẽ.

Zuize 16:21

Tawamhã filisteu norĩ ma tô oto siwi ti'â. Te te siwi âri wamhã, ma tô siwi topu'u zahuré. Tahawa, duré oto Gaza u te te siwi saprõni wamhã, ma tô ẽtẽ topsada brõzi nhorõ rutu na te te siwi wasisi. Tawamhã dazazéb 're amnho zubzém na te te nasi ãma isa'oto mono na te te 're romhuri mono da hã, ma tô siwi tisẽ.