Luca 17:22 - ꞌRe Ihâimana Uꞌâsi Mono Zadawa Wasuꞌu

²² Tawamhã te tãma nharĩ za'ra, tisiré 're inomro mono norĩ ma, ãne: — Niwapsi te za asima iwẽ za'ra wa'wa, bâdâ iwa waptã'ã da, ti'ai ãma dasiré ipodo hã te te dama 're iroti mono zé hã. Ãté ãne te za asima inharĩ za'ra wa'wa: “Misi bâtâ na nherẽ, Wanhib'apito na, wa te wasina waihu'u za'ra neza.” Ãne te za asima inharĩ za'ra wa'wa. Tawamhã a'â asina waihu'u za'ra wa'aba õ di za.

Luca 17:22 ပူးပေါင်းရင်းမြစ်များ

Mateu 9:15

Tawamhã te Zezusi asa hã tãma nharĩ za'ra ãne: — Aibâ hã imrozéb u, sô ihârâ za'ra norĩ sihutu wamhã, e aibâ imro da hã isiré sãmra za'ra ré, te za robzei'õ na hã tihâimana za'ra, ta norĩ hã. Mare di. Ãne hâimana za'ra õ di za. Niwapsi te za bâdâ hã iwa waptãrã, aibâ imro da hã isiwadi norĩ wa'wa hawi, da te tiwi i'âri za'ra zéb da hã. Tawapsi te za tô sai ãna hã, duré tãma za'ra robzei'õ na hã 're si'ubumro za.

Marcu 2:20

Niwapsi te za bâdâ hã iwa waptãrã, aibâ imro da hã isiwadi norĩ wa'wa hawi, da te tiwi i'âri za'ra zéb da hã. Tawapsi te za tô sai ãna 're si'ubumro, robzei'õ na.

Luca 13:35

Tahawa, tinhorõwa hã te za oto tirẽ, 'Re ihâimana u'âsi mono hã, ãma 're i'aiwata za'ra wa'aba mono zé hã. Duré a norĩ wa'wa hã, ĩhâiba 'madâ'â na sahu za'ra wa'aba õ di za a'â. Niwapsi duré ĩhâiba 'madâ'â za'ra wa'aba wa, te za ãne asima ĩwasu'u za'ra wa'wa: “'Re ihâimana u'âsi mono zadawa para we imorĩ ma, 're rowẽ za'ẽtẽ mono di za.” Ãne te za asima ĩwasu'u za'ra wa'wa, ĩhâiba 'madâ'â na duré sahu za'ra wa'aba wa. Ãne na aipẽ'ẽ 're asina ĩwaihu'u za'ra wa'aba wapsi, te za ĩhâiba 'madâ'â na duré isahu za'ra wa'wa.

Luca 5:35

Niwapsi te za bâdâ hã iwa waptãrã, aibâ imro da hã isiwadi norĩ wa'wa hawi, da te tiwi i'âri za'ra zéb da hã. Tawapsi te za tô sai ãna 're si'ubumro, robzei ãna.

Zuwã 12:35

Tawamhã Zezusi hã sõ'awib õ nherẽ, te rowa'a na siwasu'u, ãne: — Rowa'a hã te za suru na aima 're hâimana za'ra wa'wa oto. Tawamhã aima 're ihâimana za'ra wa'aba mono ré, te za 're anomro aba mo, aiwi 're robra za'ra wa'aba mono õ ré hã. Robra na damorĩ wamhã, nimomo damorĩ da hã dama waihu'u õ di.

Zuwã 13:33

Ĩno norĩ, suru na wa za oto ai'rata ĩnhamra 'wa. Ai'rata 're ĩnhamra u'âsi aba mono da, te za asima 're ĩwẽ za'ra wa'aba mo. Tane nherẽ, wa za mo. Nimomo ĩmorĩ wamhã, ãma ĩtẽme 're anomro waihu'u aba mono õ di za a'â. Ãne na hã wa tô dama waihu'u aré.