Luca 17:21 - ꞌRe Ihâimana Uꞌâsi Mono Zadawa Wasuꞌu

²¹ Tahawa, ãne da te 're romnhoré za'ra mono õ di za: “Ãhãta, da'ãma 're isib'a'uwẽ mono zé hã. Õhõta, da'ãma 're isib'a'uwẽ mono zé hã.” Ãne, da te 're romnhoré za'ra mono õ di za. E marĩ wa. Dapẽ'ẽ 're, 're hâimana mono wa, da'ãma 're isib'a'uwẽ mono zé hã.

Luca 17:21 ပူးပေါင်းရင်းမြစ်များ

Mateu 12:28

'Re ihâimana u'âsi mono pẽ'ẽzani zadawa parap si, wa tô te dama 're anhamra, wa'uburé hã. Taha zarina si, te za oto iwaihu'u za'ra wa'wa, tô sena 'Re ihâimana u'âsi mono, ai'ãma 're isib'a'uwẽ za'ra wa'aba mono zéb da, te te ãma isãna'ratazém na hã.

Marcu 13:21

— Marĩ hã wa za duré aima waihu'u za'ra wa'wa. Ãté ni'wam norĩ hã te za taré te te aima 're rowasu'u za'ra wa'wa, ãne: “Ãhãta danho'reptui'wa da, 'Re ihâimana u'âsi mono te te ipisudu hã te nhamra. Õhõta te nhamra.” Ãne wamhã, ãma 're dazaze za'ra wa'aba mono õ di za, damreme na hã.

Luca 17:23

Ĩzadawa para õ nherẽ, te za ni'wam norĩ hã te te aima 're romnhoré za'ra wa'wa, taré: “Ãhãta ti'ai ãma dasiré ipodo hã te nhamra. Õhõta, te nhamra.” Ãne te za te te aima 're romnhoré za'ra wa'wa, taré. Ãne wamhã, danhimirowasu'u zarina, ĩzô 're rob'madâ'â za'ra wa'aba mono õ di za.

Luca 21:8

Tahawa, te Zezusi hã asa tãma nharĩ za'ra, ãne: — Ni'wam norĩ hã te za sadawa nhipese na sisarina datẽme 're nomro, ahâ na. Wa hã newa, te za taré ĩnhisi na dama 're siwasu'u za'ra, danho'reptui'wa na. Taré te za duré te te dama 're rowasu'u za'ra, ãne: “Bâdâ te za oto iwa waptãrã, 'Re ihâimana u'âsi mono te te ipisudu hã.” Ãne te za taré te te dama 're rowasu'u za'ra. Tahawa, te za aihâimana nhimiza'rese tiwi 're aihâimana za'ra wa'aba mo, sadawa nhipese sina datẽme 're inomro mono norĩ ãma, 're sasõmri za'ra wa'aba mono tõ da.

Zuwã 1:26

Tawamhã Zuwã te asa tãma nharĩ za'ra, ãne: — Â na si, wa tô â dawabzuri hã te dama 're ab'manharĩ. Tane nherẽ, ĩza'u si we imorĩ hã 'Re ihâimana u'âsi mono te te dama 're sadawa wasu'u mono da, ma tô wei wi. Zahadu sa'rese za'ra wa'aba õ di, a norĩ wa'wa hã. Ta hã ĩma pire wa, ipara'uza wasisizé te tãma wasihu waihu'u õ di.

Zuwã 18:36

Tawamhã ma tô Zezusi hã asa tãma siwasu'u, ãne: — Wa hã ti'ai ãma danhib'apito na 're ĩhâimana mono õ di. Danhib'apito na 're ĩhâimana mono 'wa'âhã, wa aré ĩnhib'a'uwẽ norĩ hã wada'uri za'ra, te te da'wapé za'ra da, da te dasiwi ĩhâiba nhomri tõ da, dama ipire norĩ u. Wa hã ti'ai ãma danhib'apito na 're ĩhâimana mono õ di.

Roma 14:17

E marĩ wa. 'Re ihâimana u'âsi mono hã isazei'wa norĩ ãma 're isib'a'uwẽ mono zé hã, dasa hã da te 're iwẽ'õ za'ra mono zé, te te wasu'u õ di. Uburé marĩ hã da te 're i'âhuri mono zéb zama te te wasu'u õ di duré. E marĩ te wasu'u tawamhã, 'Re ihâimana u'âsi mono, da'ãma 're isib'a'uwẽ mono zé hã. Ta hã 'Re ihâimana u'âsi mono nhimiroti zarina 're idanomro wẽ mono zé, te wasu'u. Duré 'Re ihâimana u'âsi mono, Tipẽ'ẽzani na te te 're ida'apawapto mono zéb zarina, rowẽ uptabi na 're idanomro mono zé, te wasu'u, dato sina.

Colosu 1:27

'Re ihâimana u'âsi mono hã ma tô sima ãma roti, ãhã wasu'u hã iwẽ uptabi hã aré da te 're iwaihu'u za'ra mono õ hã te te oto dama awasu'u hâi'ré da sõ'awi, dapoto mono bâ da te oto 're waihu'u za'ra mono da, zudeu'õ norĩ zama. Ãhã wasu'u hã aré da te 're iwaihu'u za'ra mono õ hã, ãne: Cristu hã te oto aipẽ'ẽ 're, 're sãmra za'ra wa'wa. Tahawa, te za tô taha zô si 're asimipari za'ra wa'aba mo, 'Re ihâimana u'âsi mono, iwẽ uptabi hã za te te wama 're i'apisutu mono zô si. Ãne 'Re ihâimana u'âsi mono wasu'u hã, ã hã aré da te 're iwaihu'u za'ra mono õ.