Luca 17:12 - ꞌRe Ihâimana Uꞌâsi Mono Zadawa Wasuꞌu

¹² 'Ri wa'õtõ u sihutu õ ré, ma tô aibâ norĩ me si'uzusi za'ra. Aibâ norĩ hã i'wa're ré hã, 10 na ihâiba za'ra hã. Romhâ prã na ma tô tãma 'mazahâri za'ra.

Luca 17:12 ပူးပေါင်းရင်းမြစ်များ

Ezodu 4:7

Tawamhã Uburé Danhib'apito, 'Re ihâimana u'âsi mono te duré tãma tinha ãne: — Asib'rada hã ma'ãpé apâ sẽrẽ, asõ'utu 'remhã. Tawamhã Mozési ma tô apâ tinho'utu 're tinhib'rada hã tisẽ. Tawamhã tinhib'rada tinho'utu hawi apâ te te wazere wamhã, ma tô i'wa're aré ãma iwairébé mono hã tãma aimani za'ra õne haré. Tahawa apâ hã oto sib'rata wẽ di, uburé ihâiba hã wẽ na tãma ihâimana ne.

Luca 18:13

— Tanei õ di, rob'uiprazé arĩ ubumroi'wa hã. Hâiwi te za, romhâ na. Te ti'rã po. 'Râwi siwẽ'õ wa, 'rãi wahutu õ di. Ãne te tãma siwasu'u: “'Re ihâimana u'âsi mono, wa hã ĩwasétére di. Ĩwasété wa, ĩ'ãma aipẽ'ẽzé na, ĩwasédé hã ĩma pari da.”

Luca 5:12

Tawamhã Zezusi hã te nhamra, 'ri nho'õmo ãma. Tame te aibâ hã 're sãmra, i'wa're ré hã. Uburé ihâiba na i'wa're ãma iwairébé mono hã. Tawamhã Zezusi te te sõpẽtẽ wamhã, hi'rãtitõ ma aime, Zezusihi papara. Ti'ai u, ma tô duré ti'ubu na ropto. Tawamhã Zezusihi ma, te tinha, ãne: — Apito, ĩma aiwaihu'u pese di, asimipese waihu'u pese na hã. Tahawa, te za ĩpe, asima ĩwẽ wamhã.