Luca 16:5 - ꞌRe Ihâimana Uꞌâsi Mono Zadawa Wasuꞌu

⁵ — Tawamhã te sô hã, apito ma, marĩ te te iwa'âbâ za'ra õ norĩ zô. Tawamhã itẽme iwisi 'rada hã te sadanha, ãne: “E niha tãma iwa'âbâ'õ hã zahadu, marĩ wa'rãmimhã.”

Luca 16:5 ပူးပေါင်းရင်းမြစ်များ

Mateu 18:24

Tawamhã te te ãma sãna'rata wi, ma tô itẽme saprõni ni aibâ hã, isapari rob'madâ'â'wa hã. Ta hã ma tô rob'uiprazé hã tinhib'apito wi te te 're awaptẽrẽ, sa'ẽtẽ uptabi na. Sa'ẽtẽ uptabi wa, niwa isõwa're're te te tãma isõmri da hã waihu'u õ di.

Mateu 18:28

Tawamhã ta hã aibâ te oto mo. Morĩ wamhã, ma tô tisiré romhuri'wa hã sõpẽtẽ. Taha wi, ma tô duréihã rob'uiprazé misi bâtâ na dapawa'âbâzé hã waptẽ suru na, apito hawi imorĩ wi. Tawamhã isõwa're're te te tãma sõmri õ wa, ma tô ti'â, ibutu na awa'awi. Ibutu na te te tété sina, ma tô tiwi waptẽ, ãne: “Ma'ãpé ãhã na ĩma sõmri, zahadu ĩma iwa'âbâ õ hã.” Ãne te tiwi waptẽ.

Mateu 6:12

Dawasédé hã da te wa'ãma 're 'manharĩ za'ra mono wa, wa te wasina 're i'madâ'â za'ra mono õ ne, a hã duré wa'ãma 're ab'madâ'â mono õ di za, wawasédé hã.

Luca 16:4

Hã, wa tô po're puru oto, marĩ te i'manharĩ da hã, ĩ'ãma 're dasiwadi za'ra mono da. Tawamhã apito te te ĩmei wamhã, ãté ĩsiwadi norĩ hã te za te te siwi 're ĩmrami, tinhorõwa u, isiré 're ĩsa za'ra mono da.” — Ãne te 'râwi sima tinha.

Luca 16:6

— “Piza'a, 100 na ihâiba za'ra hã, azeitona 'rãi wa'ui wab ré hã.” — Ãne te tãma siwasu'u. — Tahawa, te asa tãma tinha, ãne: “Ãhãta iwa'âbâ'õ na, rob'ui'éré hã. Asãmra. 50 na ãma rob'ui'éré, rowa'rãmimhã, tãma wa'âbâ da.” — Ãne te aibâ ma ti'ru, rob'madâ'â'wa hã. Tahawa, te te tãma i'ru zarina, ma tô ahâ prã na ãma rob'ui'éré.