Luca 16:3 - ꞌRe Ihâimana Uꞌâsi Mono Zadawa Wasuꞌu

³ — Tawamhã te 'râwi sima tinha, tãma irob'madâ'â'wa hã, ãne: “Ĩnhib'apito, ma tô ĩma tinha, te tãma 're romhuri mono tõ da oto. E marĩ, wa za oto te 're 'manharĩ. Ĩnhiptete uptabi õ di, buru na te dama 're iromhuri mono zéb da hã. Duré ĩnhiséb di za, rob'uiprazém na te 're da'awari mono wamhã.

Luca 16:3 ပူးပေါင်းရင်းမြစ်များ

Provébiu 13:4

Iwa'a hã marĩ te te sima 're 'ruiwapari u'âsi mono nherẽ, marĩ hã te te sima iwazere da hã mare di. Taré te za te te 're ro'wapé. Tane nherẽ, ni'wa simi'ẽ na siptete sina marĩ te te 're 'manharĩ mono wamhã, te za tô te te sima 're iwẽ mono hã te te sima ãma 're a'uwaimrami.

Provébiu 15:19

Iwa'a norĩ 're inomro mono zé bâdâdi na hã 'wabzéré hã ahâ di. Tane nherẽ, sena na 're ihâimana za'ra mono norĩ nhibâdâdi hã iharé na si.

Provébiu 18:9

Ni'wa isimiromhuri 'wamnha'a hã aiwa dawi marĩ wamnarĩ'wa ne hã te 're hâimana.

Provébiu 19:15

Dawa'a hã te za aptâ'â si te te dama 're sõmri za'ra. Duré iwa'a hã te za mra hã te te 're sépata.

Provébiu 20:4

Rob're'wa iwa'a hã, rob'rezé uwaibaba te te iti'ai hâipo'o mono õ hã, te te dame 're iroptehâri mono da hã mare di.

Provébiu 29:21

Dama romhuri'wa ai'uté na hâimana ré ihâ'â zarina marĩ zô 're isiti'ru mono, siwa'ru marĩ da te tãma 're i'manharĩ wẽ u'âsi mono hã te za nimahã na hã sima wẽ, uburé marĩ tede'wa na oto 're hâimana mono da.

Mateu 20:8

— Tawamhã mara simei wamhã, tãma iromhuri'wa norĩ 'madâ'â'wai ma, te tinha ãne, buru tede'wa hã: “Ma'ãpé, uburé ĩma romhuri'wa norĩ zô aihârâ za'ra na, pawa'âbâ za'ra da oto. Tawamhã daza'u romhuri na te te isãna'rata za'ra norĩ, uimrehẽne te za ipawa'âbâ na'rata za'ra. Taha parip si te za duré romhuri na isãna'rata'wa norĩ hã ipawa'âbâ za'ra.” Ãne ma tô tãma waihu'u, buru tede'wa hã.

Marcu 10:46

Tawamhã Zezusi norĩ hã ma tô oto aihutu, Zerico na 'ri nho'õmo nhisi u. Zerico hawi duré si'aba'réi wamhã, da'ahâ uptabi na te isiré ai'aba'ré ni. Si'aba'réi ré, ma tô aibâ hã sõpẽtẽ za'ra itob'a hã, bâdâdi zababa isãmra hã. Itob'a hã Batimeu na isisi hã, Timezuhu 'ra. Rob'uiprazém na te nasi da'awa, da te tãma a za'ra da.

Luca 16:2

Tahawa, te sô hâ, tãma irob'madâ'â'wa zô. Taha wamhã, te tãma tinha, ãne: “Aiwasu'u hã wa tô wapa. Ĩma 're irob'madâ'â mono zé hã, tâibâ za oto. Te za rob'ui'éré hã oto ĩma isõ, uburé ĩnhimarĩ na 're irob'ui'éré mono zé hã.” Ãne te tãma tinha, tite rob'madâ'â'wai ma.

Luca 16:20

Tawamhã aibâ ihâiba amo hã te 're sãmra, isibrob'õ hã, i'wa're ré hã, Lazaru na isisi hã. Isiwadi norĩ hã te te siwi 're mrami, isibro pese nhorõwa u, te te siwi 're simizusi mono da, 'ridawa u.

Luca 16:22

Tawamhã ma tô oto dârâ, isibrob'õ hã. Dâ'â wamhã, hâiwa u ma tô siwi ti'â, 'Re ihâimana u'âsi mono ma, romhuri'wa norĩ hã. Abra'ãhã 'rata, te oto 're sãmra, dame 're sai mono da. Isibro pe hã ma tô duré dârâ. Dâ'â wamhã, ma tô dasiwi sẽrẽ ni, ab're 're.

Luca 16:4

Hã, wa tô po're puru oto, marĩ te i'manharĩ da hã, ĩ'ãma 're dasiwadi za'ra mono da. Tawamhã apito te te ĩmei wamhã, ãté ĩsiwadi norĩ hã te za te te siwi 're ĩmrami, tinhorõwa u, isiré 're ĩsa za'ra mono da.” — Ãne te 'râwi sima tinha.

Luca 18:4

— Tane nherẽ, duréi nherẽ, te te pawaptob õ di. Tawamhã itẽme 're neb u'âsi mono wa, te oto 'râwi sima tinha, da'ãma rowairébé'wa hã, ãne: “Wa hã 'Re ihâimana u'âsi mono nhimiroti, te 'madâ'â õ nherẽ, duré danhimiroti na ĩnhimiwazéb õ nherẽ, te te sina ĩwa'a wa, wa za oto tãma rowairébé, marĩ te te sima iwẽ na. Te tãma rowairébé õ wamhã, ĩtẽme 're neb u'âsi mono wamhã, te za te te 're ĩwasutu u'âsi, timreme na. Ãne õ'umnhasite, wa za oto pawapto.” Ãne te sima tinha, tipẽ'ẽ na.

Zuwã 9:8

Tawamhã da te 'madâ'â za'ra wamhã, te ãne dasima wasu'u za'ra ni, aibâ hã: — E õ hã rob'uiprazém na te te 're da'awari mono da, 're isãmra mono. — Ãne te dasima wasu'u za'ra ni, isõrõwa 'rata 're idahâimana za'ra mono norĩ hã. Tob'a ré, te te siwi 're i'madâ'â za'ra mono norĩ me, te ãne sima wasu'u za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 3:2

Tame te aibâ hã nhamra, hi'ré siromo ipodo hã. “I'madâ'â ze” na 'ridawa nhisi u te ta hã nasi dasiwi mrami ni, rob'uiprazém na te te 're da'awari mono da, 're danhisisi mono sidâpâsi.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:6

Ma'ãpé ãhã na aiwahutu, 'ri nho'õmo u aimorĩ da. Tame te za ni'wa hã aima tinha za, marĩ 'manharĩ da hã.

2 Tesalonita 3:11

Ni'wam norĩ hã asiré wa'aba 're isi'ubumroi mono norĩ hã, isazei'wa nherẽ, taré te, u, 're hâimana za'ra. Te te 're romhuri za'ra mono õ di, u. Taré te, u, te te dawi 're ro'wa'rutu za'ra, da te 're iromhuri pese za'ra mono norĩ wi. Ãne wa, wa aima ãma sahu za'ra wa'aba ni, wanhimiroti na hã.