Luca 16:16 - ꞌRe Ihâimana Uꞌâsi Mono Zadawa Wasuꞌu

¹⁶ — Uburé marĩ hã Mozési te te dama 're i'apisutu mono hã, da te 're 'madâ'â za'ra mono da, duré 'Re ihâimana u'âsi mono zadawa 'mahârâ 'rata 'wa norĩ nhimiroti hã ma tô dasipara bâ si, da te 're pese za'ra, Zuwã Batista datẽme morĩ õ ré. Tawamhã iwasu'uwẽ hã te oto da te 're wapari za'ra, 'Re ihâimana u'âsi mono hã, da'ãma 're isib'a'uwẽ mono zé wasu'u hã. Tahawa, marĩ zô dasima iwẽzéb uwaibaba, da te 're irob'ruiwapari za'ra mono ne, te za oto da te dasima 're rob'ruiwapari za'ra, itẽme 're dasihutu mono da.

Luca 16:16 ပူးပေါင်းရင်းမြစ်များ

Mateu 10:7

Ãne te za dama 're irowahutu za'ra wa'aba mo: “'Re ihâimana u'âsi mono, da'ãma 're isib'a'uwẽ mono zéb u hã romhuture di oto.”

Mateu 15:11

Uburé marĩ na 're dasaihuri mono wa, dapẽ'ẽ 're, 're isisisi mono na 'râwi dapẽ'ẽ 'remhã 're dasiwasété za'ra mono õ di za. Dapẽ'ẽ hawim na danhimirosa'rata wasété zarina, da te dasima 're nharĩ wasété za'ra mono wapsi, te za 'râwi dapẽ'ẽ 'remhã 're dasiwasété za'ra.

Mateu 21:32

Zuwã Batista hã ma tô aré atẽme timorĩ za'ra wa'wa, 'Re ihâimana u'âsi mono te te sima 're i'aiwẽ za'ra wa'aba mono zéb zarina 're anomro wẽ wa'aba mono zéb da hã, te te aima 're wasu'u za'ra wa'aba mono da. Tane nherẽ, isimirowasu'u na hã ãma 're saze za'ra wa'aba mono õ di. Rob'uiprazé arĩ ubumroi'wa norĩ si ma tô ãma saze za'ra isimirowasu'u na hã, pi'õ hã aibâ zô si siwa'ru 're ihâimana za'ra mono norĩ zama. Tawamhã ta norĩ hã atõmo na 're 'madâ'â za'ra wa'aba mono nherẽ, a norĩ wa'aba zama asimirosa'rata na 're saprĩ za'ra wa'aba mono õ di, isimirowasu'u na ãma 're isaze za'ra wa'aba mono zéb da hã.

Mateu 3:2

Taha wamhã, te ãne dama rowasu'u: — Ma'ãpé, aiwasété wi aipizari za'ra wa'aba. 'Re ihâimana u'âsi mono, da'ãma 're isib'a'uwẽ mono zéb u hã romhuture di oto. — Ãne te dama rowahutu, Zuwã Batista hã.

Mateu 4:17

Tawamhã ta hawim haré ma oto romhuri na sãna'rata Zezusi hã, Timama zadawa wasu'u na. Ãne ma tinhimirowasu'u na dama ãma sãna'rata: — Aiwasété wi te za oto 're aipizari za'ra wa'aba mo. Ãhã na bâdâ hã ma tô oto iwa waptãrã, 'Re ihâimana u'âsi mono da'ãma 're isib'a'uwẽ mono zéb da hã.

Mateu 4:23

Tawamhã daza'rui mono bâ te 're mo Zezusi hã, Galiléa ãma hã. zudeu norĩ te, rowahutuzé mono bâ, ma tô te te dama 're rowahutu. 'Re ihâimana u'âsi mono, da'ãma 're isib'a'uwẽ mono zé wasu'u na te duré te te dama 're rowasu'u, iwasu'uwẽ na. Duré dahâzé da te 're isépata za'ra mono bâ hã ma da'apese. Hâzé u'âsi wa, sib'uware na 're inomro mono norĩ zama ma duré apese, Zezusi hã.

Marcu 1:14

Tawamhã Zezusi hã te mo, Galiléa u. Zuwã Batista hã dazazéb 're, da te dasiwi sẽrẽ pari, te Zezusi hã mo. Tawamhã rowasu'u wẽ hã, 'Re ihâimana u'âsi mono te te tãma isõmri na, te Zezusi hã te te dama 're rowasu'u oto.

Marcu 1:45

Tazahã aibâ hã rowasu'u wẽ na ma tô ãma ropé. Tahawa, sõ'awi 'ri ahâ u hã datẽme 're ne waihu'u mono õ di, Zezusi hã. Tahawa, a'ubuni wi te a'â 're hâimana, danhiti. Tame 're hâimana mono ré, te itẽme 're dasihutu, daro mono bâ, da te 're sabu za'ra mono da.

Luca 10:9

Tame 're ai'ubumroi wa'aba mono ré, te za 're idapese za'ra wa'aba mo. Duré te za ãne dama 're irowasu'u za'ra wa'aba mo: “Ãhã na bâdâ hã ma tô oto iwa waptãrã, 'Re ihâimana u'âsi mono hã da'ãma 're isib'a'uwẽ mono zéb da hã.” Ãne te za dama 're irowasu'u za'ra wa'aba mo.

Luca 16:29

— Tahawa, ma tô duré Abra'ã hã asa tãma tinha, ãne: “'Re ihâimana u'âsi mono nhimiroti na Mozési te te ãma irob'ui'éré hã te nomro, ano norĩ 'ratamhã. 'Re ihâimana u'âsi mono zadawa 'mahârâ 'rata 'wa norĩ nhimi'ui'éré zama, te i'rata tinomro za'ra. Ta hã te za te te 're wapari za'ra za, ti'ai ãma ré.”

Luca 16:31

— Tawamhã Abra'ã hã te duré asa tãma tinha, ãne: “Ano norĩ hã Mozésihi nhimiroti hã te te saze za'ra õ di. Duré 'Re ihâimana u'âsi mono zadawa 'mahârâ'wa norĩ nhimiroti zama, te te saze za'ra õ di. Ãne wamhã, ni'wa hã dâ'â nherẽ, apâ hâiwa'utu wamhã, e te aré bété ãma saze za'ra. Te te ãma saze za'ra õ di aré, isimirowasu'u na hã.”

Luca 9:2

Tawamhã ma tô duré satõrĩ za'ra, iwasu'uwẽ na te te 're dapo're pu'u za'ra mono da, 'Re ihâimana u'âsi mono, da'ãma 're isib'a'uwẽ mono zé wasu'u na. Taha wasu'u na te te 're dapo're pu'u za'ra mono da hã, ma tô satõrĩ za'ra. Duré te te 're dapese za'ra mono da, ma tô datẽme satõrĩ za'ra.

Zuwã 1:45

Tawamhã Filipi te Natãnaéhé zô hã rĩtĩ. Te te oto sõpẽtẽ wamhã, ãne te tãma tinha: — Aibâ hã wa tô wasiwi 'madâ'â ni, wahi'rada Mozési te te ãma irob'ui'éré siro hã romhâ ré, 'Re ihâimana u'âsi mono zadawa 'mahârâ 'rata 'wa norĩ zama isa'u te te ãma irob'ui'éré za'ra hã. Ta hã Zezusi, Nazaré hawi we imorĩ, Zuzéhé 'ra hã.

Zuwã 11:48

Marĩ, wa te tãma 'manharĩ za'ra õ wamhã, aihĩni te za da te 're saze za'ra, 'Re ihâimana u'âsi mono te te ipisutu na Danho'reptui'wa da. Tawamhã romanu norĩ hã te za wei wazô aihutu. Taha wamhã, 'Re ihâimana u'âsi mono nhorõwa 'ri hã te za duré wawi sãmra za'ra. Te za duré siwi wa'uprosi za, uburé wasiré zudeu norĩ zu.

Zuwã 12:19

Tawamhã da'ahâ na da te uzusi za'ra da, itẽme dasi'aba'réi wamhã, ãne te sima rowasu'u za'ra, farizeu norĩ hã: — Marĩ hã wa te 'manharĩ waihu'u za'ra õ di. Ma'ãpé 'madâ'â za'ra wa'aba. Õhõta te nemo isiré dasi'ré. Taré, wa nasi ãma wasima roti u'âsi za'ra ni.

Zezusihi zadawa wasuꞌuꞌwa norĩ nhimiromhuri na robꞌuiꞌéré 3:18

Taha zarina, ma tô 'Re ihâimana u'âsi mono hã timreme hã ãma uwaimra, duréihã isadawa 'mahârâ'wa norĩ hã wahi'rata norĩ ma, te te ãma 're i'awaihu'u siromo mono zéb zarina, Cristu hã za te te irobzépatazém na hã, Danho'reptui'wa da, te te ipisudu hã.