Luca 16:14 - ꞌRe Ihâimana Uꞌâsi Mono Zadawa Wasuꞌu

¹⁴ Tawamhã farizeu norĩ hã ma tô Zezusihi mreme hã wapari za'ra. Tawamhã rob'uiprazé wẽ 'wa, 're nomro mono wa, ma tô Zezusihi ma nharĩ za'ra, ãne.

Luca 16:14 ပူးပေါင်းရင်းမြစ်များ

Salmu 119:51

'Râwi 're isi'madâ'â ze za'ra mono norĩ, te bâtâ bâre ĩ'ãma 're wa'ẽi u'âsi za'ra. Tane nherẽ, asimiroti wi hã 're ĩza'o hâ mono õ di.

Mateu 23:13

— Farizeu norĩ, duré dama rowahutu'wa norĩ, aihâimana uptabi õ na dama 're aihâimana za'ra wa'aba mono wa, aima 're ropipa uptabi za'ra wa'aba mono di za. 'Ridawa hã 're danhisisi tõ mono da, da te dawi 're isitob za'ra mono ne, te a norĩ wa'wa hã dawi 're isawi za'ra wa'aba mo, 'Re ihâimana u'âsi mono, da'ãma 're isib'a'uwẽ mono zéb u 're danomro tõ mono da hã. A norĩ wa'aba zama te 'Re ihâimana u'âsi mono wi 're asihâiba zawi za'ra wa'aba mo, ai'ãma 're sib'a'uwẽ za'ra wa'aba mono tõ da.

Mateu 9:24

Tawamhã ãne te dama tinha: — Mo oto aiwairébé aba. Azarudu hã dâ'â õ di. Taré te nhono. Tawamhã ma tô ãma tato za'ra ni, dâ'â uptabi nherẽ, taré isõtõ na te te waihu'u wa, Zezusi hã.

Luca 12:15

Tawamhã te uburé dama tinha, ãne: — Ma'ãpé, ĩwapari pese za'ra wa'aba. 'Râwi te za 're asi'madâ'â za'ra wa'aba mo, asimarĩ ahâ zô, 're rob'ruiwapari za'ra wa'aba mono tõ da. Danhimarĩ ahâ uptabi nherẽ, robze u'âsi, ãma 're danomro mono õ di za, rowẽzéb õ wa, ta hã.

Luca 20:47

Rowahutu'wa zahã, te za pi'õi mrotõ norĩ wi, isibro hã te te tiwi 're uprosi za'ra. Tane nherẽ, te ta norĩ hã danho'a 'Re ihâimana u'âsi mono ma, 're mreme zusi hâ, 're hâimana wẽ uptabi za'ra mono newa. Tahawa, te te dama 're i'arob'manharĩ mono zém nhipai u, te za 'Re ihâimana u'âsi mono hã te te tãma 're rob'manharĩ za'ẽtẽ za'ra.

Luca 23:35

Zezusi norĩ hã simnhatã ré, te zudeu norĩ hã i'rata asimro, te te 'madâ'â za'ra da. Tahawa, te roti'wa norĩ hã sima nharĩ za'ra, ãne: — Ma tô te te 're da'anho'reptu aré. Tô sena Danho'reptui'wa da, 'Re ihâimana u'âsi mono te te pisutu wamhã, ma'ãpé sisõ'reptu.

Luca 8:53

Tawamhã asa te tãma nharĩ za'ra ni: — Oro taré sõtõ za, te pẽ'ẽzani ãna nomro. Idâ'âzém na, ma tô waihu'u za'ra ni. Tahawa, ma tô ãne tãma nharĩ za'ra ni.

2 Timotiu 3:2

Ãne dahâimanazé hã za: Dasima si te za marĩ zô 're danhopré. Duré rob'uiprazéb zô si te za da te dasima 're rob'ruiwapari za'ra. Duré 'râwi dapẽ'ẽ na, te za marĩ na dasina 're dawata za'ra. Duré te za da te dasima 're nharĩ wasété za'ra. Duré marĩ na dama 're danhoprub za'ra mono nherẽ, danhoprum na da'ãma 're dawata za'ra mono õ di za. Duré damama norĩ nhimiroti hã da te 're wapari za'ra mono õ di za. Duré 'Re ihâimana u'âsi mono nhimiroti hã da te 're wazéb za'ra mono õ di za.

Hebreu 11:36

Ni'wam norĩ ãma, ma tô duré 're dawa'ẽ za'ra. Powawẽ hâiwaré 'manharĩ na ma tô da te dasiwi 're hâ za'ra. Duré ni'wam norĩ hã ma tô da te 're pawasisi za'ra, isi'uwazi nhorõ rutu na, dazazéb 're, da te 're séme mono da hã.