Luca 15:6 - ꞌRe Ihâimana Uꞌâsi Mono Zadawa Wasuꞌu

⁶ 'Ri tẽme ãwisi wamhã, te za sô aihârâ za'ra, asiwadi norĩ zô. 'Râwi ai'rata 're isõrõwa za'ra mono norĩ zô zama, te za sô aihârâ za'ra. Tawamhã te za tãma irowasu'u za'ra, ãne: “Ãhã na ĩma rowẽ di. Ĩnhimizama hã wa tô tisã, ĩwi isimani hã. Ĩzabâdâ te za 're ato za'ra wa'aba mo.” Ãne te za tãma irowasu'u za'ra.

Luca 15:6 ပူးပေါင်းရင်းမြစ်များ

Luca 1:58

Poto wamhã, i'rata 're isõrõwa za'ra mono norĩ hã ma tô iwasu'u hã wapari za'ra. Isisãnawã norĩ zama, ma tô iwasu'u hã wapari za'ra, 'Re ihâimana u'âsi mono hã iwẽ te te tãma isõmri na hã. Tahawa, te uburé isabâdâ 're to za'ra.

Luca 15:10

— Tane duré, ni'wa hã siwa'ru 're imorĩ hã, tiwasédé hã te te oto rẽme pese wamhã, hâiwa ãma 'Re ihâimana u'âsi mono ma romhuri'wa norĩ hã te za ãma 're to za'ra, tiwasédé hã te te rẽme pese wẽ te, misi nherẽ.

Luca 15:24

E marĩ wa. Ĩ'ra hã dâ'â newa. Tane nherẽ, dâ'â õ di. Ma tô aré ãma ropsisa'rese'õ. Tane nherẽ, ma tô we apâ wi. Tahawa, wasa hã wa za oto wasiré huri ni, rowẽ te.” Ãne imama te tãma nharĩ za'ra, te te tãma 're iromhuri za'ra mono norĩ ma. Taha na ma tô dasa hã dama 'manha.

Luca 15:5

Tawamhã aiwi isimani hã oto sãmri wamhã, atoi uptabi di za. Tahawa, te za asisé we i'â apâ, sãmri wẽ te.

Luca 15:7

— Tane duré, ni'wa hã siwa'ru 're imorĩ hã tiwasédé hã te te oto rẽme pese wamhã, hâiwa ãma 're isi'ubumroi mono norĩ hã te za tãma 're to za'ra, misi nherẽ. Õhõ ãma si, te za 're toi uptabi za'ra, 're inomro wẽ mono norĩ nhipai u hã, 99 na ihâiba za'ra nhipai u hã. Ta norĩ hã 're nomro wẽ mono wa, tiwasété na 're isiwẽ'õ za'ra mono da hã, mare di.

Zuwã 15:14

Ĩnhimiroti si 're 'madâ'â pese uptabi za'ra wa'aba mono wamhã, ĩzawi pese 'wa, te za 're anomro aba mo.

Zuwã 3:29

Dasina 're damro za'ra mono wamhã, aibâ hã oto mro wa, isiwadi hã tãma toi uptabi di. Aibâ hã imro hã tito na siwasu'u wamhã, toi uptabi di, isiwadi hã. Tane duré wa hã, ĩtoi uptabi di. E marĩ wa. Da'ahâ na oto 're danomro mono wa, Zezusihi u.

Zezusihi zadawa wasuꞌuꞌwa norĩ nhimiromhuri na robꞌuiꞌéré 11:23

Tamomo wisi wamhã, ma tô waihu'u, 'Re ihâimana u'âsi mono hã iwẽ na dama 're isõpru mono zém na hã tame. Tahawa, toi uptabi di, Banabé hã. Tawamhã ma tô dama roti, ãne: — Aihĩni, aipẽ'ẽ na sada 're asimi'ẽ za'ra wa'aba mono, Wanhib'apito niwĩp si 're aihâimana u'âsi za'ra wa'aba mono da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 15:3

Tawamhã isazei'wa norĩ hã siré 're isi'rã'õtõ mono norĩ hã ma tô ãma ana, isi'aba'rézém na hã. Ma tô si'mazatõrĩ za'ra, ime 'masi'aba'réi hutu da. Tawamhã Paulu norĩ hã Zeruzalẽ u si'aba'réi ré, Penisiza na danhipti'a nho'õmo nhisi wa'wai baba, te ai'aba'ré, duré Samaria na danhipti'a nho'õmo nhisi wa'wai baba. Taha wa'wai baba, si'aba'réi ré, ma tô isazei'wa norĩ ma, te te rowasu'u za'ra, zudeu'õ norĩ hã 'Re ihâimana u'âsi mono u, 're isipizari za'ra mono na hã. Tawamhã aihĩni ma tô dama ãma rowẽ zani za'ra, tame isazei'wa norĩ ma.

Filipu 1:4

Duré 'Re ihâimana u'âsi mono ma, ai'ãma 're ĩmreme za'ra wa'aba mono sidâpâsi, wa ãma aima 're ĩtoi u'âsi za'ra wa'wa, aihâiba mono bâ wa'aba.

Filipu 2:17

Sasedoti norĩ hã 'Re ihâimana u'âsi mono ma, da'ãma romhuri'wa norĩ hã danhimizama na tãma danhoprubzé te te tãma 're izata za'ra mono ne, ma tô a norĩ wa'wa hã tãma 're asisõmri u'âsi za'ra wa'aba mo, tiwi 're asisawi za'ra wa'aba mono ãna, asina 're i'umnhasi za'ra wa'aba mono zéb zarina. Duré sasedoti norĩ hã uwa 'rãi wa'u isé hã, 'Re ihâimana u'âsi mono ma danhoprubzé, danhimizama te te tãma 're izata za'ra mono nhisiwi, te te 're isa'wari za'ra mono ne, ãté ĩwapru hã wa za sa'wa, sena na za da te dasiwi ĩwĩrĩ wamhã, ĩdâ'âzém na 'Re ihâimana u'âsi mono ma, ĩsina ĩnhoprubzéb da. Ãne na za ĩma romhâimana nherẽ, ĩma rowẽ uptabi di za. Duré aima ĩtoi uptabi za'ra wa'aba di za, ãne na ĩma romhâimana nherẽ.

Filipu 4:1

Tahawa, ĩsisãnawã norĩ, ĩma asawi pese za'ra wa'aba norĩ hã, ma'ãpé Wanhib'apito ãma asiptete sina 're aihâimana u'âsi za'ra wa'aba mono za. Ai'ãma ĩpẽ'ẽzé uptabi za'ra wa'aba wa, 'râwi te asabu za'ra wa'aba neza. Romhâ na nherẽ, te asina ĩma 're irowẽ zani za'ra wa'aba mo. Tahawa, wa tô te dama 're aiwasu'u wẽ za'ra wa'wa, ĩto sina. Ãne wa, te za asiptete sina õhõ ãma si 're aihâimana u'âsi za'ra wa'aba mo.

1 Tesalonita 2:19

Tane tô. Ni'wam norĩ me asõwa're'reb za'ra wa'aba, wasisõpẽtẽ za'ra õ di za, Wanhib'apito Zezusi apâ wei morĩ wamhã. Ni'wam norĩ hã, asõwa're'reb za'ra wa'aba, te te wama 're rowẽ zani za'ra mono õ di za. Wanhib'apito wei morĩ wamhã, ni'wam norĩ hã asõwa're'reb za'ra wa'aba, te te dama wawaihu'u za'ra õ di za, tô sena aima za'ra wa'aba, wa te 're isadawa wasu'u za'ra mono zém na hã.

1 Pedru 2:10

A norĩ wa'wa hã 'Re ihâimana u'âsi mono nhib'a'uwẽ 're anomro aba mono õ di aré. Ãhã na te oto isib'a'uwẽ tãma 're aihâimana za'ra wa'aba mo. Duré da'ãma 're ipẽ'ẽzé mono zé hã asina 're waihu'u za'ra wa'aba mono õ di aré. Ãhã na ma tô oto asina iwaihu'u za'ra wa'wa, da'ãma 're ipẽ'ẽzé mono zé hã.

1 Pedru 2:25

Rowẽ na 're aihâimana za'ra wa'aba mono õ di aré, pone'ẽrebâ, bâdâdi nhiti 're isipa za'ra mono ne, 're anomro aba mono wa aré. Ãhã na ma tô apâ aipizari za'ra wa'wa, Da'madâ'â wẽ 'wai u, isarina si oto 're anomro aba mono da, rowẽ na.