Luca 15:21 - ꞌRe Ihâimana Uꞌâsi Mono Zadawa Wasuꞌu

²¹ Tawamhã te timama ma tinha, ai'repudu hã, ãne: “Ĩmama, ĩwasété na, wa tô 're mo. 'Re ihâimana u'âsi mono nhimiroti hã, wa tô upa. Asimiroti zama, wa tô duré upa. Ĩwasété wa, ãté ĩ'ãma 're ai'ra mono õ di za.” Ãne te timama ma tinha, ai'repudu hã.

Luca 15:21 ပူးပေါင်းရင်းမြစ်များ

Salmu 51:4

Aiwi wa tô ĩwasédé hã 'manha, tô aiwi si. Aima iwẽ'õ hã wa tô 'manha. Tahawa, tô ibâre ma tô niha hã ĩ'ãma iwaihu, taha zarina niha na ĩma irob'manharĩ da hã.

Luca 15:20

— Tawamhã aré 're isãmra mono zém hawi te oto mo, timama nhorõwa u. Taha wamhã, zahadu romhâ ré, ma imama hã tisã ti'ra hã. Tahawa, te imama hã itẽme wara, i'ra hã te te sina pẽ'ẽ tari wa. Itẽme wisi wamhã, tinho'utu ma tô ti'â, ti'ra hã. Tob'rata hârâ na, ma duré sawi.

Luca 15:22

— Wasété na 're morĩ nherẽ, te te wẽ'õ õ di, ti'ra hã, imama hã. Tahawa tite romhuri'wa norĩ te oto sa'ẽtẽ 'mahârâ za'ra, zazahâ ihâiwẽ we te te siwi 'mai'âri da, te te siwi ãma uza da. Duré isiptõmohi wasisizé, te te tãma sẽrẽ za'ra da, ma tô 'mahârâ za'ra. Duré ipara'uza zama te te tãma sẽrẽ za'ra da, ma tô duré 'mahârâ za'ra.

Roma 2:4

Ãté te za ãne asima 're inharĩ za'ra wa'aba mo: “'Re ihâimana u'âsi mono hã simizawi pese uptabi di. Dasi'uihâ na dawasédé hã da te 're 'manharĩ u'âsi za'ra mono nherẽ, da'ãma 're wa'a su'u mono õ di. Tahawa, ĩwasédé te 're 'manharĩ mono nherẽ, te te 're ĩ'ahâri su'u mono õ di.” Ãne hã asi'uihâ na asi'ãma 're rosa'rata za'ra wa'aba mono õ di za. 'Re ihâimana u'âsi mono hã aiwasété wi 're aipizari za'ra wa'aba mono da si, te simi'ẽ na te te 're ai'madâ'â za'ra wa'wa, simizawi pese uptabi na. E ãne hã zahadu aima waihu'u za'ra wa'aba õ di bété.

1 Corĩtu 8:12

Ãne hã 're 'manharĩ za'ra wa'aba mono wamhã, asiré isazei'wa norĩ wi, te za aiwasédé hã 're i'manharĩ za'ra wa'aba mo. Taha zarina, ta norĩ hã marĩ hã te te aré siwi 're wẽ'õ za'ra mono nherẽ, te te oto 're 'manharĩ za'ra mono wa, te za 're siwẽ'õ pese za'ra. Ãne na aiwasédé hã tiwi 're 'manharĩ za'ra wa'aba mono wamhã, ta norĩ hâiba siré te za Cristuhu wi zama aiwasédé hã 're i'manharĩ za'ra wa'aba mo.