Luca 15:2 - ꞌRe Ihâimana Uꞌâsi Mono Zadawa Wasuꞌu

² Tawamhã farizeu norĩ hã te ãne tãma nharĩ za'ra, 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ me: — Õ hã ma tô ãma 're siwadi za'ra, siwa'ru 're inomro mono ãma hã. Ta norĩ siré, te nasi tisa.

Luca 15:2 ပူးပေါင်းရင်းမြစ်များ

Mateu 11:19

Duré ti'ai ãma Dasiré Ipodo hã te to sina dasiré 're sa, mram na. Uwa 'rãi wa'u isé hã te duré dame te te 're hâsi. Tahawa, ma tô ãne na da te tãma 're nharĩ wasété za'ra: “Ma'ãpé 'madâ'â za'ra wa'aba. Õhõta te aibâ hã sa za'ẽtẽ na 're sai u'âsi. Ta hã uwa 'rãi wa'u zei'wa duré. Rob'uiprazé arĩ ubumroi'wa norĩ siwadi ta hã, uburé siwa'ru 're idanomro mono norĩ siwadi.” Ãne ma tô da te tãma 're nharĩ wasété za'ra. Ni'wam norĩ hã 'Re ihâimana u'âsi mono nhimiroti zarina 're nomro mono wamhã, te za marĩ iwẽ si te te 're 'manharĩ u'âsi za'ra. Ãne wa, te za iwaihu'u pese za'ra wa'wa, tô sena 'Re ihâimana u'âsi mono nhimiroti iwẽ uptabi na hã.

Mateu 9:11

Tawamhã farizeu norĩ hã ãne hã te te 'madâ'â za'ra wamhã, ma tô Zezusihi siré 're inomro mono norĩ hã sadanharĩ za'ra, ãne: — E niha bâ, te asib'apito za'ra wa'wa hã rob'uiprazé arĩ ubumroi'wa norĩ siré tisa, dawasété na 're idahâimana za'ra mono norĩ siré zama.

Luca 15:3

Tahawa, Zezusi hã ma tô tãma ãma romnhimiré'é za'ra, ãne:

Luca 19:7

Tawamhã isõrõwa u sébré wamhã, te dasima nharĩ za'ra ni, Zezusihi za'u, ãne: — Zapre, ma bété isõrõwa u ãzé, aibâ iwasété nhorõwa u.

Luca 5:30

Tawamhã saihuri da, si'ubumroi ré, ma tô 'madâ'â za'ra farizeu norĩ hã, rowahutu'wa norĩ me. Tahawa, te ãne tãma nharĩ za'ra, Zezusihi siré 're inomro mono norĩ ma: — E niha bâ, te bété dawazari asaihuri 'wa, rob'uiprazé arĩ ubumroi'wa norĩ siré, dawasété na 're idanomro mono norĩ siré zama.

Luca 7:34

Ti'ai ãma Dasiré Ipodo hã te dasazém na 're sa. Uwa 'rãi wa'u isé hã te duré te te dame 're hâsi. Tazahã, sa za'ẽtẽ na 're isai mono na, duré uwa 'rãi wa'u isé zei 'wa na, ma tô tãma 're inharĩ wasété za'ra wa'aba mo. Duré siwa'ru 're idanomro mono norĩ siwadi na, ma tô tãma 're inharĩ wasété za'ra wa'aba mo.

Luca 7:39

Tawamhã farizeu te te 'madâ'â wamhã, ma tô tipẽ'ẽ na tãma tinha, Zezusihi ma, ãne: — Tô sena, 'Re ihâimana u'âsi mono zadawa wasu'u'wai 'wa'âhã, te aré iwasété na ãma waihu'u, pi'õi ãma hã. Tawamhã te aré tiwi sisawi, te te upi tõ da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 11:3

Tahawa, ma tô tãma nharĩ za'ra, Pedruhu ma, ãne: — Zudeu'õ norĩ ãma te nasi asõ, isihâiwata nhihâri'õ norĩ nhorõwa ãma. Ma tô duré nasi isiré asa za'ra.

1 Timotiu 1:15

Ti'ai u ma tô wei mo, Cristu Zezusi hã, 're idanomro wasété mono hawi te te 're da'anho'reptui mono da. Ãne te dasima da te 're rowasu'u za'ra. Danhimirowasu'u hã tô sena wamhã, aihĩni ãma 're idasisaze za'ra mono da hã, ĩma wẽ di. Wa hã dawasété nhipai u, ĩwasédé hã sa'ẽtẽ uptabi di.