Luca 15:19 - ꞌRe Ihâimana Uꞌâsi Mono Zadawa Wasuꞌu

¹⁹ Ĩwasété wa, ãté ĩ'ãma 're ai'ra mono õ di za oto. Aima romhuri'wa da, oto 're ĩmorĩ da, te za ĩma ipisu.’ ” Ãne ma tô rosa'rada hã sima 'manha, ai'repudu hã.

Luca 15:19 ပူးပေါင်းရင်းမြစ်များ

Zenezi 32:10

Wa hã asib'a'uwẽ, tarére na 're ĩhâimana mono nherẽ, ĩma asimizawi pese zé hã duré ai'umnhasi u'âsi wa, ĩ'ãma 're aiwamri mono zé hã aré tô ĩma hã ibâi õ di. Panho'u Zodã pa na te saprĩ wamhã, ĩsiwazusizéb ré si wa tô saprĩ. Tane nherẽ, ãhã na awa'awi na hã wa oto maparane dawa'õtõ na abaze norĩ ré hã apâ ĩsina siri.

Luca 15:18

Tahawa, wa za oto mo, ĩmama u apâ. Ĩwisi wamhã, wa za ĩmama ma ĩsiwasu'u, ãne: ‘Ĩmama, ĩwasété na wa tô 're mo. 'Re ihâimana u'âsi mono nhimiroti hã, wa tô upa. Asimiroti zama, wa tô duré upa.

Luca 15:20

— Tawamhã aré 're isãmra mono zém hawi te oto mo, timama nhorõwa u. Taha wamhã, zahadu romhâ ré, ma imama hã tisã ti'ra hã. Tahawa, te imama hã itẽme wara, i'ra hã te te sina pẽ'ẽ tari wa. Itẽme wisi wamhã, tinho'utu ma tô ti'â, ti'ra hã. Tob'rata hârâ na, ma duré sawi.

Luca 5:8

Tebe ahâ na te te awaibui wamhã, ma tô ãma titob'uzu za'ra. Tiagu norĩ zama, ma tô ãma titob'uzu zahuré, Zuwãhã me. Ta norĩ hã Zebedehe 'ra zahuré. Isiré tepe na, te te 're romhuri zahuré, Simahã siré hã. Tawamhã hi'rãtitõ, ma aime Zezusihi papara, Sima Pedru hã, tebe ahâ na te te 'madâ'â wa. Ãne te Zezusihi ma tinha: — Ĩ'rata asãmra õ di za. Te za oto aimo, ĩnhiti. Wa hã ĩwasétére di. Tawamhã Zezusi te asa tãma tinha, ãne: — Asina aipahi õ di za. Tepe na 're iromhuri mono ne, te za oto ĩma 're ida'awaibui wẽ mo.

1 Corĩtu 15:9

Wa hã uburé ĩsiré Zezusihi zadawa wasu'u'wa norĩ zapari, wa 're ĩhâimana, tãma ĩwapu za'ra na. E marĩ wa. Te sazei õ ré, wa tô 'Re ihâimana u'âsi mono nhib'a'uwẽ ma, te tãma 're rob'manharĩ wasété u'âsi za'ra. Tahawa, ibâi õ di aré, isadawa wasu'u'wa na, da te 're ĩwaptẽrẽ za'ra mono zé hã.

1 Pedru 5:6

Ãhã wa, te za Wamama ma 'râwi aiwapu na 're asi'madâ'â za'ra wa'aba mo, taha si waihu'u pese uptabi na 're hâimana mono wa. Ãne wamhã, bâdâ te te ai'ãma sima ipisutu za'ra wa'aba zém na, te za ai'ãma uwaimrami za'ra wa'wa, aipire na oto dama 're i'aihâimana za'ra wa'aba mono zéb da hã.