Luca 15:18 - ꞌRe Ihâimana Uꞌâsi Mono Zadawa Wasuꞌu

¹⁸ Tahawa, wa za oto mo, ĩmama u apâ. Ĩwisi wamhã, wa za ĩmama ma ĩsiwasu'u, ãne: ‘Ĩmama, ĩwasété na wa tô 're mo. 'Re ihâimana u'âsi mono nhimiroti hã, wa tô upa. Asimiroti zama, wa tô duré upa.

Luca 15:18 ပူးပေါင်းရင်းမြစ်များ

Provébiu 23:13

Ai'uté hâimana pese zéb da, ahâri ãna 're hâimana za'ra mono da hã ãma 're arosa'rata mono tõ. Wedehu na i'azâri na hã ãma wĩrĩ dai õ di.

Daniéu 4:26

Tawamhã duré hâiwa ãma romhuri'wa, wede nhana'rada sari ré te te siwi rẽme da, te te iwaihu hã, a hã 'Re ihâimana u'âsi mono uburé danhipai u siptete na te te 're ida'a'madâ'â mono na sazei wapsi, apâ i'asi'apito da hã te wasu'u.

Zona 2:4

Wa tô aré rosa'rata, asisiti ĩzatõrĩzém na hã atõmo nhiti. Duré wa tô aré rosa'rata, asib'ri iwazéb zahi iwẽ uptabi za te i'madâ'â zahu õ na hã apâ.

Zona 3:9

Ãté ãne wamhã, 'Re ihâimana u'âsi mono hã te za tinhimirosa'rata na saprĩ. Ãté isahi hã te za taré tiwi ai'utõ. Ãne wamhã, wasi'utõrĩ õ di za.”

Mateu 3:6

Tahawa, dawasété na sõ'awimhã ma tô 're dasiwẽ'õ za'ra 'râwi, 'Re ihâimana u'âsi mono ma. Dawasété na 're dasiwẽ'õ za'ra mono sidâpâsi, ma tô Zuwã Batista â dawabzuri hã te te dama 're ab'manharĩ, Zodã pa ãma.

Mateu 6:14

Tawamhã ãne te duré tãma roti za'ra: — Dawasédé hã da te ai'ãma 're i'manharĩ za'ra wa'aba mono zé hã asina 're 'madâ'â u'âsi za'ra wa'aba mono wamhã, Aimama 'wa hã te za duré uburé aiwasédé 're i'manharĩ za'ra wa'aba mono zé hã te te ai'ãma 're 'madâ'â u'âsi za'ra wa'wa. Dawasédé hã da te ai'ãma 're 'manharĩ za'ra wa'aba mono nherẽ, asina 're 'madâ'â za'ra wa'aba mono õ wamhã, tawapsi, aiwasété 'wa hã te te ai'ãma 're 'madâ'â za'ra wa'aba mono õ di za Aimama 'wa, hâiwa ãma 're isãmra mono hã.

Mateu 6:9

Ãhã zarina si te za 're aimreme zusi aba mo, 'Re ihâimana u'âsi mono ma: “Wamama, hâiwa ãma 're asãmra mono hã, asisi wẽ na uburé da te 're aiwaihu'u za'ra mono da, wa da'ãma aima 're ĩmreme.

Mateu 7:11

Tane duré, a norĩ wa'wa hã 're anomro wẽ uptabi aba mono õ nherẽ, te marĩ iwẽ si tô ai'ra norĩ ma, 're isõmri za'ra wa'aba mo. E tawamhã Aimama 'wa hã hâiwa ãma 're isãmra mono hã wẽ uptabi na 're hâimana mono nherẽ, e ai'ra norĩ ma 're asõprub za'ra wa'aba mono zém nhipai u, te te aima 're sõmri za'ra wa'aba mono õ di za bété, tinhoprubzé iwẽ hã. Te za tô isipai u te te aima 're sõmri za'ra wa'wa iwẽ hã, tiwi 're iwaptẽrẽ za'ra wa'aba mono zéb uwaibaba.

Luca 11:2

Tahawa, ma tô Zezusi hã asa tãma nharĩ za'ra, ãne: — Ãne te za 're aimreme zusi aba mo, 'Re ihâimana u'âsi mono ma: “Wamama, asisi wẽ na uburé da te 're aiwaihu'u za'ra mono da, wa aima da'ãma 're ĩmreme. Uburé da'ãma 're asib'a'uwẽ mono da, wa duré da'ãma 're ĩmreme.

Luca 15:17

Tahawa, ma tô sima tinha ãne: “Ĩmama ma, romhuri'wa norĩ hã ahâ nherẽ, ma tô dasa hã 're si'azahâri. Wa hã wa ãme mra hã te 're sépata za'ẽtẽ.

Luca 15:19

Ĩwasété wa, ãté ĩ'ãma 're ai'ra mono õ di za oto. Aima romhuri'wa da, oto 're ĩmorĩ da, te za ĩma ipisu.’ ” Ãne ma tô rosa'rada hã sima 'manha, ai'repudu hã.

Luca 15:21

Tawamhã te timama ma tinha, ai'repudu hã, ãne: “Ĩmama, ĩwasété na, wa tô 're mo. 'Re ihâimana u'âsi mono nhimiroti hã, wa tô upa. Asimiroti zama, wa tô duré upa. Ĩwasété wa, ãté ĩ'ãma 're ai'ra mono õ di za.” Ãne te timama ma tinha, ai'repudu hã.

Luca 18:13

— Tanei õ di, rob'uiprazé arĩ ubumroi'wa hã. Hâiwi te za, romhâ na. Te ti'rã po. 'Râwi siwẽ'õ wa, 'rãi wahutu õ di. Ãne te tãma siwasu'u: “'Re ihâimana u'âsi mono, wa hã ĩwasétére di. Ĩwasété wa, ĩ'ãma aipẽ'ẽzé na, ĩwasédé hã ĩma pari da.”