Luca 15:15 - ꞌRe Ihâimana Uꞌâsi Mono Zadawa Wasuꞌu

¹⁵ Tahawa, te aibâ u mo, te te tãma 're romhuri mono da, tame. Ãhã wa, ma tô aibâ hã satõ tiburu u, buru ãma uhâbâ te te tãma 're 'madâ'â mono da.

Luca 15:15 ပူးပေါင်းရင်းမြစ်များ

Ezodu 10:3

Tawamhã Mozési norĩ, Arãhã me, Ezitu te apito u neb zahuré wamhã, ma tô ãne tãma rowasu'u zahuré: — Uburé Danhib'apito, hebreu norĩ te 'Re ihâimana u'âsi mono, te we ãne aima tinha: “E momo te za aiwapu na aihâimana da, asima iwẽ'õzé aihâimana na ãma i'uzusi mono zé ĩnho'remhã ti'rãsutu. E niwa te za ĩma aiwairo. Tahawa te za oto ãhã na ĩnhib'a'uwẽ norĩ ma iwaprosi za'ra, ate ti'ai wa'õtõ nho'õmo hawi wairébé da, ĩ'ãma si oto 're wata za'ra mono hâ.

Mateu 7:6

— Duré 'Re ihâimana u'âsi mono 'ruiwapari'wa norĩ ma, iwasu'uwẽ na tãma 're rowasu'u za'ra wa'aba mono õ di za, te te ãma 're iwasété za'ra mono norĩ ma hã. E marĩ wa. Ta norĩ hã wapsã ma, marĩ ise hã da te tãma 're a za'ra mono nherẽ, dazô 're sipizari za'ra mono wa, te te 're idahâzu mono ne, te za ta norĩ hã asada 're hâimana wasété za'ra wa'wa. Uhâbâ norĩ hã marĩ wẽ zô, sima 're sõpré waihu'u mono õ di. Marĩ iwẽ hã wa'âbâ za'ẽtẽ nherẽ, uhâbâi ma, da te 're sãmra mono wa, taré te te 're iwati'i za'ra mono ne, te za ta norĩ hã taré te te 're wapari za'ra, iwasu'uwẽ hã. Tahawa, ta norĩ ma, 're rowasu'u za'ra wa'aba mono õ di za, 'Re ihâimana u'âsi mono 'ruiwapari'wa norĩ ma hã.

Luca 15:13

Ãhã wamhã, ãma ronomro õ ré, te uburé tinhibro hã sima ubumro, darob amo u morĩ da, ino hã. Darob amoi u wisi wamhã, wasété ahâ na te 're mo. Marĩ na si, ma taré tinhibro hã uprosi, imama te te tãma ipo hã.

Luca 15:14

— Tawamhã tinhibro hã ma uburé uprosi pese oto, ai'repudu hã. Tawamhã tame darob ãma 're idasi'ubumroi mono norĩ hã ma tô duré mram na 're dasi'ubumro. Dasai õ di. Tahawa, ma tô ai'repudu hã mra hã dame sépata.

Luca 15:16

Mrap te, ma tô sima wẽ, uhâbâ sa na 're sai mono da. Taha wamhã, mra te te 're sépata mono nherẽ, ai'reputu ma hã, da te 're ai mono õ di.

Roma 6:22

Tane nherẽ, 'Re ihâimana u'âsi mono hã tinhiptetezé hã ma tô te te aima 're sõmri za'ra wa'wa oto, aiwasété ãna ãma 're anomro aba mono da oto. Ma tô duré aima si'apito za'ra wa'wa, taha ma si oto 're romhuri za'ra wa'aba mono da. Tahawa, ma tô, tiwi 're asisawi za'ra wa'aba mono ãna, aihâiba hã tãma 're isõmri za'ra wa'aba mo. Taha wa'rãmi te za rowẽ uptabi na i'rata 're aihâimana u'âsi za'ra wa'aba mono zé hã te te aima 're apisutu 'wa oto.

Titu 3:3

Wa norĩ zama hã, Cereta nhihudu norĩ ne, wanhimiza'rese ãna, wa aré tô 're wanomro. Wapo're'õ u'âsi, wa aré 're wahâimana za'ra. Dazadawa nhipese na ma tô da te wama 're rob'rãmi za'ra. Uburé marĩ hã sipu'u pese na, wa tô aré wa te wasima 're wẽ za'ra, iwẽ newa, ãma wama 're robze za'ra mono da hã. Wa tô duré wa te dama 're rob'manharĩ wasété za'ra. Danhimarĩ na da'ruiwapari hã ma tô aré duré wama 're hâimana za'ra duré. Wawasédé hã wa te 're 'manharĩ za'ra mono 'ru te, ma tô aré da te 're wa'ruiwapari za'ra. Wa norĩ wa norĩ zama asa wa te 're da'ruiwapari za'ra aré.