Luca 15:14 - ꞌRe Ihâimana Uꞌâsi Mono Zadawa Wasuꞌu

¹⁴ — Tawamhã tinhibro hã ma uburé uprosi pese oto, ai'repudu hã. Tawamhã tame darob ãma 're idasi'ubumroi mono norĩ hã ma tô duré mram na 're dasi'ubumro. Dasai õ di. Tahawa, ma tô ai'repudu hã mra hã dame sépata.

Luca 15:14 ပူးပေါင်းရင်းမြစ်များ

Provébiu 13:25

Sena na 're ihâimana za'ra mono norĩ hã te tisa hã te te 're 'mahâpãrĩ u'âsi za'ra. Tanei õ di, iwasété na 're ihâimana za'ra mono norĩ hã. Te za mra hã te te 're sépata u'âsi za'ra, ta norĩ hã.

Luca 15:13

Ãhã wamhã, ãma ronomro õ ré, te uburé tinhibro hã sima ubumro, darob amo u morĩ da, ino hã. Darob amoi u wisi wamhã, wasété ahâ na te 're mo. Marĩ na si, ma taré tinhibro hã uprosi, imama te te tãma ipo hã.

Luca 15:15

Tahawa, te aibâ u mo, te te tãma 're romhuri mono da, tame. Ãhã wa, ma tô aibâ hã satõ tiburu u, buru ãma uhâbâ te te tãma 're 'madâ'â mono da.