Luca 15:13 - ꞌRe Ihâimana Uꞌâsi Mono Zadawa Wasuꞌu

¹³ Ãhã wamhã, ãma ronomro õ ré, te uburé tinhibro hã sima ubumro, darob amo u morĩ da, ino hã. Darob amoi u wisi wamhã, wasété ahâ na te 're mo. Marĩ na si, ma taré tinhibro hã uprosi, imama te te tãma ipo hã.

Luca 15:13 ပူးပေါင်းရင်းမြစ်များ

Provébiu 18:9

Ni'wa isimiromhuri 'wamnha'a hã aiwa dawi marĩ wamnarĩ'wa ne hã te 're hâimana.

Provébiu 21:17

Ni'wa te te sima irowẽ da si niha na tihâimanazé ma, 're sisõmri mono wamhã, te za marĩ zô tiwi sô 're ro'wanhi'riti. Ni'wa duré uwa 'rãi wa'u isé, duré dasa iwẽ te te sima 're sawi mono wamhã, niwamhã simarĩ pese na 're ihâimana mono da hã mare di.

Provébiu 21:20

I'rãi waihu'u wẽ norĩ, te tinhimarĩ na ibâ na si 're hâimana za'ra, dasa norĩ iwahuré na si. Tanei õ di, isimiza'rese'õ norĩ hã. Ta norĩ hã te taré uburé tinhimarĩ marĩ na si te te 're uprosi za'ra.

Provébiu 27:8

Ni'wa, tinhorõwa nhiti romhâ na 're ihâimana mono hã, aiwa sire tizasi nhiti sina 're ipahâ za'ra mono ne hã te 're hâimana.

Provébiu 28:7

Ai'repudu, 'Re ihâimana u'âsi mono nhimiroti te te 're iwapari pese mono hã, ta hã 'rãiwaihu'u pese di. Tane nherẽ, iwasété uptabi norĩ siré 're imorĩ pe hã te za timama ma rowazé hã te te sina 're sani.

Provébiu 29:3

Aibâ ti'rãiwaihu'u wẽ te te sima 're isawi mono na, te za timama ma hã te te ãma tãma 're rowẽ zani. Tane nherẽ, ni'wa pi'õi wasété ãma si 're morĩ wamhã, te za tinhimarĩ hã taré pese te te siwi ãma 're a'uprosi.

Provébiu 6:26

Pi'õ iwa'âbâ zô 're isisõmri mono wa'â hã, i'u'ẽtẽ wapu wẽ'ẽi wa'âbâ ne hã. Tazahã pi'õ mro ré nherẽ, aibâ te te âri wamhã, te za 'râwi tihâimanazé hã siwi uprosi.

Luca 15:12

Tawamhã te bâtâ na ino hã timama wi waptẽ, tinhibrom na ãma tãma siwanhizari zahuré da. — Tahawa, ma imama hã ãma tãma aipo'o zahuré.

Luca 15:14

— Tawamhã tinhibro hã ma uburé uprosi pese oto, ai'repudu hã. Tawamhã tame darob ãma 're idasi'ubumroi mono norĩ hã ma tô duré mram na 're dasi'ubumro. Dasai õ di. Tahawa, ma tô ai'repudu hã mra hã dame sépata.

Luca 15:30

Ãhã na ai'ra hã ma tô wi. Asibro hã tãma ipo hã ma tô pi'õ na si hã uprosi. Tane nherẽ, ma tô wisi wi, dama i'ru, powawẽ ihâipe hã da te tãma 'maiwĩrĩ da.” Ãne te timama ma tinha, idub'rada hã.

Luca 16:1

Zezusi hã te duré ãne tãma rowasu'u za'ra, tisiré 're inomro mono norĩ ma: — Aibâ hã te 're hâimana, isibrob ahâ hã. Tãma iromhuri'wa hã te duré 're sãmra, tãma rob'madâ'â'wa hã. Tawamhã ma tô tãma 'mairowasu'u ni, ãne: “Rob'uiprazé hã te te aiwi 're anhimini, aima rob'madâ'â'wa hã.” Ãne te tãma 'mairowasu'u ni.

Luca 16:19

Tawamhã Zezusi hã te duré tãma rowasu'u za'ra, farizeu norĩ ma, ãne: — Aibâ hã te 're mo, isibro pe hã. Zazahâ iwa'âbâ za'ẽtẽ na si, te 're si'uza. Duré dasa iwẽ uptabi na si, te 're sa.

Éfézu 2:13

Tane nherẽ, dasisiti 're idahâimana za'ra mono ne, 'Re ihâimana u'âsi mono nhiti, romhâ na 're aihâimana za'ra wa'aba mono õ di oto, asimirosa'rata aba na. Cristu hã wazada idâ'âzéb zarina, ma tô Wamama hã sitẽme ai'ãwisi za'ra wa'wa, Cristu Zezusihi ãma oto 're anomro aba mono da, 'râwi i'rata 're aihâimana za'ra wa'aba mono da oto, asimirosa'rata aba na hã.

Éfézu 2:17

Cristu hã ti'ai u wei morĩ wa, ma tô rowasu'uwẽ na te te 're da'apo're pu'u, rowẽ na 're idahâimana za'ra mono zém na hã, 'Re ihâimana u'âsi mono oto te te 're ida'awẽsãmri mono zéb zarina. E marĩ da. Zudeu'õ norĩ hã rowẽ na ãma 're aihâimana za'ra wa'aba mono da, 'Re ihâimana u'âsi mono nhimiroti ré, 're anomro aba mono õ norĩ hã, duré zudeu norĩ, rowẽ na ãma 're wahâimana za'ra mono da, 'Re ihâimana u'âsi mono nhimiroti ré, 're iwanomro mono norĩ hã.