Luca 14:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã te za aima tinha, 'ri tede'wa hã, õ niwĩ asãmra da, asãmrazém na sãmra da, aima ipire hã. Tahawa, te te aima inharĩ ma hã, asiséb di za. Da'rãsutu u, te za tô oto asã.

Luca 14:9 ပူးပေါင်းရင်းမြစ်များ

Provébiu 11:2

'Râwi 're isi'madâ'â ze za'ra mono norĩ hã te za waptu na 're siwazéb za'ra. Tane nherẽ, wapu na 're isi'madâ'â za'ra mono norĩ hã te za rowaihu iwẽ ré hã 're hâimana za'ra.

Provébiu 16:18

'Râwi 're idasi'madâ'â ze za'ra mono zé hã, te za da'uprosizéb u te te 're da'ãwisi za'ra. Duré dasina 're idawata za'ra mono zé hã, te za dahâimanazém na 're idarere'e mono zé hã dama 're hâimana za'ra.

Provébiu 3:35

Isimiza'rese wẽ norĩ hã te za da te 're iwazéb za'ra mono zé hã te te sina tãma 're hâimo za'ra. Tane nherẽ, duré niha na simiza'rese ãna 're ihâimana za'ra mono norĩ ãma, te za sidâpâsi isisé hã da te ãma 're sa'ra.

Luca 13:17

Tawamhã Zezusihi mreme hã te te wapari za'ra wamhã, ma tô iwẽ'õ'wa norĩ hã aséb za'ra, Zezusihi mreme ma. Iwẽ'wa norĩ ma, rowẽ za'ra di. Marĩ hã te te dama 're ab'manharĩ wẽ mono wa, te 're to za'ra, tipẽ'ẽ na.

Luca 3:8

Sena na aiwasédé hã irẽme za'ra wa'aba zém na, da te 're aiwaihu'u za'ra wa'aba mono da, te za oto 're anomro wẽ wa'aba mo. Duré Abra'ãhã nhihudu wẽ te, asina 're rosa'rata za'ra wa'aba mono õ di za, 'Re ihâimana u'âsi mono te te 're i'aihâ za'ra wa'aba mono õ na hã. 'Re ihâimana u'âsi mono ma, waihu'u pese di, ã ẽtẽ norĩ ma, te te nharĩ da, tãma si'a'uwẽ za'ra da, Abra'ãhã nhihudu oto 're nomro mono da oto, ẽne hã.