Luca 14:7 - ꞌRe Ihâimana Uꞌâsi Mono Zadawa Wasuꞌu

⁷ Tawamhã wedeza na dasi'ubumroi wamhã, ma tô ni'wam norĩ hã dama ipire norĩ te na ai'ubumro, dame sô idahârâ za'ra norĩ hã. Ãne ma tô ãma da'madâ, Zezusi hã. Tahawa, ma tô tãma ãma romnhimiré'é za'ra, ãne:

Luca 14:7 ပူးပေါင်းရင်းမြစ်များ

Provébiu 25:7

Wẽ uptabi di aré, dama ipire hã ãne te te aima inharĩ da hã: “We ĩzababa asãmra hâ.” Tane nherẽ, wasété di aré, õ hã uburé ipire norĩ nho'a te te aima rowazé wazere wamhã.

Provébiu 8:1

Asiwi wapari aba! Rowaihu iwẽ hã te hârâ 'rãihâ na te te 're da'a'mahârâ, duré i'rãi waihu'u pese zama hã.

Mateu 13:34

Marĩ na te te dama ãma 're romnhimiré'é mono nherẽ, te te dama ãma 're arowasu'u mono õ di, Zezusi hã. Romnhimiré'é na si ma tô te te dama ãma 're rowasu'u.

Mateu 23:6

Te duré te te sima 're pisutu za'ra, dama ipire norĩ simasisizém na si 're si'ubumroi mono da, dasa da te 're huri mono sidâpâsi, duré rowahutuzé mono bâ, 'ri hã 're isimasa mono zéb 'remhã.

Luca 11:43

— Farizeu norĩ, ai'ãma ĩpẽ'ẽzé za'ra wa'aba di. Aima 're ropipa uptabi za'ra wa'aba mono di za. Dama ipire norĩ simasisizém na, 're asimro zei wa'aba mono di, rowahutuzéb ãma. Duré 'ri nhi'riti wa, da te dasina 're i'ubumroi mono zéb ãma asisi pire na, da te 're asawi za'ra wa'aba mono wamhã, asina 're dawapari ze za'ra wa'aba mono di. Tahawa, niwapsi aima 're robze za'ra wa'aba mono õ di za.

Luca 20:46

— Ma'ãpé, rowahutu'wa norĩ hã waihu'u za'ra wa'aba, ihâimanazém na hã. Ta norĩ hã uza pa ré, 're nomro mono da si, tãma iwẽ za'ra hã. Duré 'ri nhi'riti wa, da te dasina 're i'ubumroi mono zéb ãma dama pire wa, da te 're wazéb za'ra mono da, ma tô te te sima 're wẽ za'ra. Duré dama ipire norĩ simasisizém na 're isi'ubumroi mono da si, tãma iwẽ za'ra hã, rowahutuzéb ãma duré 'ri para dasiré 're idasaihuri mono zéb ãma hã.

Filipu 2:3

'Râwi asima si 're irosa'rata za'ra wa'aba mono zéb zarina, marĩ hã asima 're 'manharĩ za'ra wa'aba mono õ di za. Duré aipire na dama 're aihâimana za'ra wa'aba mono newa, taré asina 're aiwata za'ra wa'aba mono da, marĩ hã asima 're 'manharĩ za'ra wa'aba mono õ di za. Duré dama aipire na 're asi'madâ'â ze za'ra wa'aba mono õ di za. Taha wa'rãmi te za iwẽ na si 're idahâimana wazéb za'ra wa'aba mo, aima dapire na da'ãma 're irosa'rata za'ra wa'aba mono zéb zarina.

3 Zuwã 1:9

Ãne wa za duré ãma aima waihu'u. Ĩnhimi'ui'éré hã tamomo wa tô ãma tisõ isurure hã, isazei'wa norĩ hã asiré 're isi'rã'õtõ mono norĩ ma. Tane nherẽ, te ni'wa hã tame 're sãmra, ĩwẽ'õ'wa hã, Diutrefesi na isisi hã. Ta hã uburé asiré isazei'wa norĩ ma, si'apito da si te te sina 're rob'ruiwapari u'âsi mono wa, ĩnhimiroti hã te te 're wapari mono õ di, isipai u da'madâ'â'wa na 're ĩhâimana mono 'ru te.

Zuize 14:12

Tawamhã ãne te Sãsã tãma nharĩ za'ra: — Marĩ sõ'awib'õ hã te ĩma tihâiba, te aima wasu'u za'ra wa'aba wa, pé ãma ĩwi uwaimrami za'ra wa'aba da, aimreme na hã. Tawamhã dato isa'ẽne dasina damrozém na bâdâ hã 7 na si'utõrĩ õ ré, i'uwaibaba na ãma ĩzada'âbâ za'ra wa'aba wamhã, wa hã wa za aima sõmri za'ra wa'wa za, 30 na da'uza ihâi wẽ hã, duré 30 na da'uza hâpa ihâi baihâire na hã, aihâiba mono bâ wa'aba.