Luca 14:28 - ꞌRe Ihâimana Uꞌâsi Mono Zadawa Wasuꞌu

²⁸ — 'Ri'wa na, wa za aima ãma romnhimiré'é za'ra wa'wa. Ãté, a norĩ wa'wa hã te za asima i'mairosa'rata 'wa, asima 'mai'ri wa'aba da, rob'madâ'âzéb da. Tahawa, te za a'â ãma i'mairowa'õtõ wẽ wa'wa, 'ri wa'âbâzéb da, rob'uiprazé hã iwab zô.

Luca 14:28 ပူးပေါင်းရင်းမြစ်များ

Provébiu 24:27

Uimrehẽne asima 'ri tõ, asima rob're pari a'â. Tawamhã a hã i'uwaibaba na te za we i'manha, i'aihâimana mono zéb da hã.

Mateu 10:22

Uburé te za da te 're ai'ruiwapari za'ra wa'wa, ĩzazei'wa 're anomro aba mono wa. Tane nherẽ, asiptete sina õne u'â ĩ'ãma si 're anomro aba mono wamhã, te za asina 're i'uwaimrami za'ra wa'aba mo, asõ'reptu za'ra wa'aba zé hã.

Mateu 8:20

Tawamhã Zezusi te asa tãma tinha ãne: — Wapsã wawẽre ma, te ab're na isõrõwa hã tãma 're hâimana zara. Duré si norĩ te tizasi hã te te sima 're 'manharĩ za'ra, isõrõwa na tãma 're hâimana za'ra mono da. Tazahã, ti'ai ãma Dasiré Ipodo hã sõrõwa õ di, ãma 're iwa'utu mono zéb da hã. Hâiwi si te datẽmemhã 're morĩ u'â.

Luca 14:27

Tiza'ozéb ré, ĩzarina 're inomro mono ne, da te 're uprosi za'ra mono da nherẽ, te za ĩsiré 're nomro. Ãnei õ wamhã, ĩzazei'wa na te 're waihu'u za'ra mono õ di za.

Luca 14:29

Ãnei õ wamhã, ãté õne haré te za isãna'rata si i'mai'manharĩ 'wa. 'Ri 'rãihâ hã 'mai'uprosi aba õ di za. Da te sabu za'ra wamhã, te za ai'ãma 're dawa'ẽ za'ra wa'wa: “Oro te te 'ri 'ru za, te õne haré za.” Ãne te za ai'ãma 're dawa'ẽ za'ra wa'wa. Ãne, 'ri'wa na te aima ãma isimiré'é za'ra wa'aba zé hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 21:13

Tawamhã asa te wama nharĩ za'ra, ãne: — E niha da, te aiwa'õ za'ra wa'wa. Ma tô ãma ĩwi irobzei'õ za'ra wa'wa. Zeruzalẽ u hã ĩmorĩ da si, wa tô ĩsima rowẽ upta. Zezusi hã, Wanhib'apito na te 're sisi mono wa, ãté te za dasiwi ĩnherẽ ni, dazazéb 're. Ãté, wa za dârâ. Tane nherẽ, ĩma hã wẽ di tô, tamomo ĩmorĩ da hã.