Luca 14:25 - ꞌRe Ihâimana Uꞌâsi Mono Zadawa Wasuꞌu

²⁵ Tawamhã Zezusi norĩ hã si'aba'réi ré, te da'ahâ na isarina ai'aba'ré ni. Tawamhã ma tô Zezusi hã datẽme aipi'ra. Ãne te dama tinha:

Luca 14:25 ပူးပေါင်းရင်းမြစ်များ

Luca 12:1

Tawamhã ma tô dasina tahâ'â ni. Tahawa, da'ahâ uptabi di oto. Da'ahâ uptabi wa, ma tô 're dasipara wati'i za'ra. Ãhã wa, te Zezusi hã a'â tãma nharĩ za'ra, tisiré 're inomro mono norĩ ma, ãne: — Farizeu norĩ hâimanazé hã, tô senai õ di. Tahawa, te za tiwi 're asi'madâ'â pese za'ra wa'aba mo, i'u'ẽtẽ wapuzém nhiti 're anomro aba mono da, farizeu norĩ nhimi'manharĩzém nhiti. Wa za ãma simiré'é, ãne: Ãté te za marĩ hã da te dawi 're sahâri za'ra, da te 're waihu'u tõ za'ra mono da, danhimirowasu'uzé hã, danhimi'manharĩzé hã. Tane nherẽ, te za niwapsi waihu'u za'ra ni. Tane bara na, aihâiba pisutu dama asimirowasu'uzé hã te za rowa'a ré dama asimirowasu'u za'ra wa'aba zém na aiwasu'u za'ra wa'aba ni. Duré 'ri nhitob ré, aihâiba pisutu dama asimirowasu'u za'ra wa'aba zé hã, te za sõ'awi dama asimirowasu'uzém na aiwasu'u za'ra wa'aba ni. Tahawa, te za 'râwi 're asi'madâ'â za'ra wa'aba mo, farizeu norĩ hâimanazéb zarina, 're aihâimana za'ra wa'aba mono tõ da, tô senai õ wa, ta norĩ 're ihâimana za'ra mono zé hã.

Luca 14:24

Tô sena, wa aima waihu'u za'ra wa'wa. Sô ĩhârâ 'rata norĩ hã, ĩsa na saihuri õ di za.” Ãne te isib'apito hã tãma tinha.

Luca 14:26

— Ãté, ni'wam norĩ hã te za we ĩtẽme ai'aba'ré, ĩzazei'wa, 're nomro mono da. Tawamhã te za te te 're ĩzawi pese za'ra, timama zawi nhipai u, duré tina zawi nhipai u, duré timro zawi nhipai u, duré ti'ra norĩ zawi nhipai u, duré tisisãnawã norĩ zawi nhipai u, duré tihâimanazém nhipai u.