Luca 14:18 - ꞌRe Ihâimana Uꞌâsi Mono Zadawa Wasuꞌu

¹⁸ — Tane nherẽ, te nasi aibâ norĩ hã siparabâsi niha tãma nharĩ za'ra, romhuri'wai ma, te te sima wẽ za'ra õ wa. Sô ihârâ 'rada hã te tãma tinha, ãne: “Ãma ĩmorĩ neza. Tane nherẽ, ti'a hã wa 'mai'uipra. Tamomop si wa za mo, te sabu da. Ãne asib'apito ma, ĩzadawa wasu'u na za.” Ãne te tãma iromhuri'wai ma tinha.

Luca 14:18 ပူးပေါင်းရင်းမြစ်များ

Luca 14:17

Sipi pari wamhã, tãma iromhuri'wai ma, te tinha, ãne: “Mo oto aimorĩ dazô, we dasi'aba'ré da. Dasa hã te oto dazô aimasa.” Ãne te tãma tinha. Tahawa, romhuri'wa hã ma tô datẽme mo, dazô hârâ da.

Luca 14:19

— Tawamhã ihâiba amo hã te duré tãma tinha, ãne: “Ãma ĩmorĩ neza. Tane nherẽ, powawẽ hã wa 'mai'uipra, 10 na ihâiba za'ra na. Tamomop si wa za mo, te sabu za'ra da, te te romhuri wẽ za'ra zô. Ãne, asib'apito ma, ĩzadawa wasu'u na za.” Ãne te romhuri'wai ma tinha.

Luca 18:24

Tawamhã Zezusi hã tiwi irobzei'õ na ma tô waihu'u. Tahawa, te ãma simiré'é, ãne: — Isibro pese norĩ hã 'Re ihâimana u'âsi mono, da'ãma 're isib'a'uwẽ mono zéb u 're isisisi mono da hã, pire di. Tãma pire uptabi za'ra di za.

Luca 8:14

Duré amnho hã wab'ru wazari i'a'a mono hã, aimawi a'uwẽ, te wasu'u. Ta norĩ hã ãté te za taré tipo're na te te 're wapari za'ra, isadawa wasu'u hã. Tazahã, marĩ wamhã, õhõ ãma si 're nomro mono õ di za. Ãté, marĩ na si te za te te 're rosa'rata za'ra sima, ãté rob'uiprazém na si, ãté titozém na si. Tawamhã rob'rã i'rã wẽ prã ne, 're hâimana wẽ uptabi za'ra mono õ di za.

Filipu 3:4

Ni'wam norĩ hã te tô 'râwi 're si'madâ'â ze za'ra, marĩ hã si'uihâ na te te 're i'manharĩ za'ra mono zém na hã, taha zarina, 'Re ihâimana u'âsi mono hã ãma 're sib'a'uwẽ za'ra mono da newa. Marĩ hã wasihawi wasi'uihâ na wa te 're i'manharĩ za'ra mono zém na, 'Re ihâimana u'âsi mono hã te te 're wa'anho'reptui mono 'wa'âhã, tô ibâre wa aré wa hã danhipai u 're ĩsi'umnhasi, marĩ hã ĩsihawi te 're i'ab'manharĩ mono zém na hã, taha zarina, ĩsi'uihâ na ĩsisõ'reptuzé hã te ĩsina ãma uwaimrami da.

2 Timotiu 4:10

Demasi hã ĩ'ãma sapa'a õ di oto. Ma tô ĩwi watobro, Tesalonita na 'ri nho'õmo nhisi u morĩ da, marĩ hã te te sima i'awẽ zarina, taha na si oto 're morĩ da. Cresẽti hã ma tô mo, Galasia na danhipti'a nho'õmo nhisi u. Titu hã ma tô duré mo, Damasiza na danhipti'a nho'õmo nhisi u.

2 Timotiu 4:4

Roti tô sena uptabi hã te za da te 're rẽme za'ra, da te 're wapari za'ra mono tõ da, dahi'rata norĩ nhimirob'rãzarõtõ 'rata si rowasu'u senai õ hã, da te 're wapari za'ra mono da oto.

Hebreu 12:16

Duréihã Ezau hã tãma mrab uptabi wa, ma tô tino nhipi hã tiwi waptẽ, Zacoho wi. Tawamhã imama ma ipoto'rata zarina, uburé marĩ hã imama te te tãma ipisudu hã, duré 'Re ihâimana u'âsi mono, iwazéb zahi te te tãma ipisudu hã i'upana inoi ma 're hâimana mono da, ma tô tinoi ma ti'ru, isipi wa'rãmi Ezau hã, taha na sai õ ré. Ãne hã Ezau hã 're ihâimana wasété mono ne, te duré ni'wam norĩ hã asiré 're hâimana wasété za'ra wa'wa. Ta norĩ wi, te za 're asi'madâ'â pese za'ra wa'aba mo, sina 're isipsaihuri za'ra mono norĩ wi, 'Re ihâimana u'âsi mono hâimanazé te te 're iwazéb za'ra mono õ norĩ wi hã.