Luca 14:1 - ꞌRe Ihâimana Uꞌâsi Mono Zadawa Wasuꞌu

¹ Zudeu norĩ te, romhuri zahârizém na ma tô Zezusi hã ãzé, aibâ nhorõwa u, isiré sa da. Aibâ hã, farizeu. Isiré farizeu norĩ ma, pire di, aibâ hã. Tawamhã tame 'ri para, isi'ubumro norĩ hã ma tô Zezusi hã 'madâ'â za'ra.

Luca 14:1 ပူးပေါင်းရင်းမြစ်များ

Salmu 41:6

Ta norĩ hawi te te ĩ'mazabu da, wẽ ĩtẽme 'maimorĩ wamhã, sena na hã te te ĩma 're 'mairobzanhamri mono õ di. Te duré ĩhâiba na si romreme hã taré te te sima 're a'ubumro, apâ ĩhawi 're pusi mono wa, te te ãma sima 're ropé za'ra mono da hã.

Provébiu 23:7

Te za nasi aima tinha, ãne: “Suru na, nasi asi na”. Tane nherẽ, sena na hã te te nasi aima nharĩ õ di.

Mateu 12:12

Duré, 'Re ihâimana u'âsi mono hã pone'ẽrebâ te te 're azawi pese mono nherẽ, pone'ẽrebâ zawi nhipai u, tãma hã dazawi uptabi di. Tahawa, sabadu na romhuri zahârizém na ni'wam norĩ marĩ te te dama 're 'manharĩ wẽ za'ra mono wamhã, duréi 'Re ihâimana u'âsi mono nhimiroti 'rada ihâimana zarina hã, te za tô te te dama 're 'manharĩ za'ra, te te ãma 're upa za'ra mono ãna, ta norĩ hã.

Marcu 3:2

Tame te ni'wam norĩ hã Zezusi hã siwi 'madâ, zudeu norĩ te, romhuri zahârizém na, aibâ hã te te pese zô. E marĩ wa. Sabadu na te te pese wa, te te siwi wẽ'õ da, romhuri zahârizém na roti, te te i'madâ'â õ para.

Luca 11:37

Tawamhã tame te te dama rowasu'u pari, ma tô aibâ hã tãma tinha, isõrõwa u morĩ da, isiré sa da. Aibâ hã, farizeu. Tahawa, ma tô Zezusi hã ãma saze. Tawamhã 'ri para u sébré wamhã, te nhamra, sa da.

Luca 14:2

Tame sãmra ré, ma aibâ ihâzé ré hã itẽme wi, Zezusihi u. Hâzé wa, te dupto zahuré di. Duré, paihi dupto zahuré di.

Luca 17:20

Tawamhã farizeu norĩ hã ma tô Zezusi hã siwi sadanha, ãne: — E niwa te za bâdâ hã iwa waptãrã, 'Re ihâimana u'âsi mono, da'ãma 're isib'a'uwẽ mono zéb da hã. Tahawa, Zezusi te asa tãma nharĩ za'ra, ãne: — 'Re ihâimana u'âsi mono, da'ãma 're sib'a'uwẽ mono wapsi, marĩ hã datõmo na a'â, da te 're 'madâ'â za'ra mono õ di za.

Luca 20:20

Tahawa, ma tô taré a'â ãma 're sõpré. Ãne te aibâ norĩ ma tãma ãma roti za'ra: — Zezusihi u te za ai'aba'réi wa'wa, marĩ na asiwi sadanharĩ za'ra wa'aba da, tô sena, marĩ asiwi waihu'u za'ra wa'aba dai õ nherẽ, isimirowasu'u na hã. Tawapsi te za asiwi isadanharĩ za'ra wa'wa, tinhimirowasu'u na te te ãma upa zô, te te ãma upai wa, wanhib'apito u, wa te wasiwi saprõni da, marĩ te te tãma 'manharĩ wasété da. Tawamhã ma tô rob'uiprazém na tãma wa'âbâ za'ra, Zezusi za te te siwi isadanharĩ'wa norĩ ma.

Luca 6:7

Tawamhã 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ hã ma tô siwi 'madâ Zezusi hã, sabadu na te te pese zô, romhuri zahârizém na. Farizeu norĩ me, te simiza'rese sina 'madâ'â za'ra. Mozésihi nhimiroti te te 'madâ'â õ wa, te te siwi wẽ'õ da, te 'madâ'â pese za'ra.

Zuwã 3:1

Aibâ hã te 're hâimana farizeu, Nicodemosi na isisi hã. Ta hã roti'wa, wasiré zudeu. Farizeu na, wa tô wa te 're sisi za'ra, wahi'rata norĩ nhimiroti, farizeu norĩ siré te te 're 'madâ'â pese mono wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:34

Tane nherẽ, aibâ iwẽ hã Gamaliéu na isisi hã ma tô hâiwi za. Ta hã farizeu norĩ niwĩ te 're mo, dama iwazé pe hã. 'Re ihâimana u'âsi mono nhimiroti na dama rowahutu'wa, te 're hâimana. Tawamhã ta hã ma tô oto dama 'ru za'ra, Zezusihi zadawa wasu'u'wa norĩ hã da te sani za'ra da, dama ipire norĩ nhiti si'ubumro da, suru na.