Luca 13:9 - ꞌRe Ihâimana Uꞌâsi Mono Zadawa Wasuꞌu

⁹ Wahub amo na 'rãi wamhã, wẽ di za. Duré ãne nherẽ 'rãi õ wapsi, te za ĩma i'ru, te sizâri da oto.” Ãne, te romhuri'wa hã tinha, buru tede'wai ma.

Luca 13:9 ပူးပေါင်းရင်းမြစ်များ

Luca 13:10

Tawamhã romhuri zahârizém na ma tô dama rowasu'u Zezusi hã, zudeu norĩ te, rowahutuzéb ãma.

Luca 13:8

Tawamhã romhuri'wa hã te asa tãma tinha, ãne: “Apito, misi ãma wahu a'â. Wa hã wa za a'â ti'a zu, ti'ai wazarizém na te ãma uirĩ da, wẽ na sab da.

Zuwã 15:2

Uwa 'ru panhipti sisa'ridi hã wẽ õ di, 're i'rã za'ra mono õ hã. Tahawa, uwa 'ru 'madâ'â'wa hã te za ipanhipti hã te te 're anhihâri i'rãi'õ hã, te te 're anhamra mono da. Tane te za Ĩmama hã ĩzazei'õ'wa norĩ hã te te 're azatõrĩ, ĩnhiti 're hâimana za'ra mono da. Uwa 'ru panhipti sisa'riti amo hã wẽ di, 're 'rã za'ra mono wa, ta norĩ hã. Tahawa, wa za 're i'rã za'ra mono na simiré'é, ĩzazei'wa norĩ ãma 're nomro wẽ mono wa. I'wanhipré te te 're i'anhihâri mono hã, wa za ãma simiré'é, ĩzazei'wa norĩ te te 're i'manharĩ wasété za'ra mono zém na. 'Re i'rã za'ra mono hã ipanhipti wãi wa, i'wanhipré ahâ wamhã, te za misi si te te 're anhihâri i'madâ'â'wa hã, 're 'rãi pese za'ra mono da. Tane te za Ĩmama hã ĩzazei'wa norĩ wi iwasédé hã te te 're anhihâri, 're nomro wẽ uptabi mono da oto.

1 Tesalonita 2:15

Duréihã, zudeu norĩ hã ma tô te te 're simro, 'Re ihâimana u'âsi mono zadawa 'mahârâ 'rata 'wa norĩ hã. Duré, ãhã na zama isihudu norĩ hã ihi'rata norĩ hã te te 're irob'manharĩ za'ra mono zéb zarina, ma tô siwi tiwĩ, Wanhib'apito Zezusi hã. Ma tô duré te te wa'ãma 're rowasété za'ra, iwasu'uwẽ hã wa te dama 're wasu'u za'ra mono tõ da. Ma tô sisiti siwi wazatõrĩ za'ra, isiti wasi'aba'ré da. Ma tô duré uburé da'ãma tinhitob'ru za'ra. Tahawa, 'Re ihâimana u'âsi mono ma, wẽ õ di, 're ihâimana za'ra mono zé hã.

Hebreu 6:8

Tazahã, ro'wa si duré wab'ru zama, ãma 're poto za'ra mono wamhã, marĩ dai õ di, ti'a hã. Tahawa, ãté te za 'Re ihâimana u'âsi mono hã siwi wẽ'õ pese. Ãne wamhã, unhama ro'o na te za uprosi, ti'a hã. Ãne 're idahâimana za'ra mono zém na romnhimiré hã.