Luca 13:8 - ꞌRe Ihâimana Uꞌâsi Mono Zadawa Wasuꞌu

⁸ Tawamhã romhuri'wa hã te asa tãma tinha, ãne: “Apito, misi ãma wahu a'â. Wa hã wa za a'â ti'a zu, ti'ai wazarizém na te ãma uirĩ da, wẽ na sab da.

Luca 13:8 ပူးပေါင်းရင်းမြစ်များ

Ezodu 34:9

Tahawa, te ãne tinha: — Ĩnhib'apito, sena na ĩzabâdâ aima rowẽ wamhã, wa za aiwi waptẽ, ãma wasiré aimorĩ za'ra da hã. Ã hã a'uwẽ norĩ hã pẽ'ẽ tete siroptub za'ra nherẽ, wawasédé hã, duré marĩ wa te 're i'manharĩ wasété za'ra mono zé hã wa'ãma 'madâ'â za'ra õ di za. Duré asib'a'uwẽ na aima 're wahâimana za'ra mono da, asima wawẽ za'ra na.

Zuéu 2:17

Sasedoti norĩ, a norĩ wa'wa hã 'Re ihâimana u'âsi mono nhorõwa 'ri zahâpâ, tãma 're iromhuri za'ra wa'aba mono hã te za ai'ru'ru wa'wa. Te za duré tãma aimreme zusi 'wa ãne: “'Re ihâimana u'âsi mono, rob'manharĩ tõ, asib'a'uwẽ norĩ ma hã. Wasiré a'uwẽ'õ norĩ nho'remhã wanhiséb za'ra tõ da, waza'ré za'ra tõ, wa'ãma wa'ẽ za'ra sina, te te duré wazada nharĩ za'ra tõ da ãne: ‘E mahã, ate za'ra wa'wa 'Re ihâimana u'âsi mono.’ ”

Luca 13:7

Tahawa, te buru 'madâ'â'wai ma tinha, ãne: “Si'ubdatõ, ma tô ĩ'ãma tiwahu oto, taré nasi we sô ĩneb ré hã, figuera 'rã zô. Wa tô 'madâ'â wa'a. Te za isizâ. E marĩ da, te za taré 're sab u'âsi, 're 'rãi mono õ nherẽ.” Ãne te romhuri'wai ma tinha.

Luca 13:9

Wahub amo na 'rãi wamhã, wẽ di za. Duré ãne nherẽ 'rãi õ wapsi, te za ĩma i'ru, te sizâri da oto.” Ãne, te romhuri'wa hã tinha, buru tede'wai ma.

Luca 14:35

Sei õ wamhã, ti'a hã wẽ da, ti'ai wa, da te 're sa'wari za'ra mono õ di za. Duré powawẽ nhana ubumro nhisiwi, da te 're sa'wari za'ra mono õ di za. Taré, te za rob u, da te 're sa'wari za'ra, marĩ dai õ wa oto. Ãne romnhimiré'ézé hã. Asimipari pese za'ra wa'aba wamhã, ma'ãpé ĩwapari pese za'ra wa'aba ãma.

Roma 10:1

Ĩsisãnawã norĩ, 'Re ihâimana u'âsi mono te te 're ida'anho'reptui mono zé hã, uburé ĩsiré zudeu norĩ hã te te sina tãma 're uwaimrami za'ra mono da, wa tô ĩsima wẽ uptabi za'ra. Taha da, wa ta norĩ ãma 're ĩmreme u'âsi za'ra, 'Re ihâimana u'âsi mono ma.

Roma 11:14

Wa hã te aima 're romhuri za'ra wa'aba mono wa, ĩsiré zudeu norĩ hã te te ãma 're ai'ruiwapari za'ra wa'aba mono da, wa tô ta norĩ si te ĩsima 're wẽ za'ra, ni'wam norĩ hã apâ 'Re ihâimana u'âsi mono u 're sipizari za'ra mono wa, te te 're anho'reptui mono da.

2 Pedru 3:9

Wanhib'apito hã wa'a õ di, iwẽ na te te dama iropisutuzém na, te te dama ãma 're i'a'uwaimrami mono da hã. Ai'ãma wa'a su'u za'ra wa'aba õ di, te te i'aihâ za'ra wa'aba da hã. E marĩ wa. Te te ida'uprosi da hã tãma wẽ õ wa. Uburé dawasété na 're idasiwẽ'õ za'ra mono da si, tãma iwẽ hã.