Luca 13:17 - ꞌRe Ihâimana Uꞌâsi Mono Zadawa Wasuꞌu

¹⁷ Tawamhã Zezusihi mreme hã te te wapari za'ra wamhã, ma tô iwẽ'õ'wa norĩ hã aséb za'ra, Zezusihi mreme ma. Iwẽ'wa norĩ ma, rowẽ za'ra di. Marĩ hã te te dama 're ab'manharĩ wẽ mono wa, te 're to za'ra, tipẽ'ẽ na.

Luca 13:17 ပူးပေါင်းရင်းမြစ်များ

Salmu 132:18

Wa za isitob'ru norĩ ma rowazé hã tãma hiri za'ra. Tane nherẽ, te za õ hã te te 're rowa'a u'âsi, pire na te te 're ida'a'madâ'â mono zém na hã.”

Salmu 40:14

Te te siwi ĩwĩrĩ da, te te sima iwẽ za'ra norĩ hã da te ãma i'ai'uté za'ra da si, duré rowazé tãma ihâimana za'ra da si, ibâre hã. Duré ĩma ropire wa, te te ĩ'ãma sima irowẽ za'ra norĩ hã rowazép te, apâ ĩma isipizari za'ra da si, ĩma iwẽ hã.

Ezodu 15:11

Uburé Danhib'apito, ni'wa asine hã hâimana õ di, ãma 're idawata za'ra mono hã! E 'wa te asine ipire uptabi hã 're hâimana, iwasété'õ hã. E 'wa hã te za duré dama iwaihu'u'õ hã te te 're ab'manharĩ, a hã marĩ 're i'ab'manharĩ mono ne.

Luca 14:6

Tazahã taha wamhã asa te te ãma sada'âbâ waihu'u za'ra õ di.

Luca 18:43

Tawamhã awa'awi ma tô rob'madâ'â wẽ, aibâ hã. Zezusihi siré te oto mo, 'Re ihâimana u'âsi mono ãma, wata sina. Uburé, ãma i'madâ'â'wa norĩ zama, te 'Re ihâimana u'âsi mono ãma tiwata za'ra. Ãne Zezusi, itob'a te te ito pesezé wasu'u hã.

Luca 19:48

Tane nherẽ, Zezusi te te siwi wĩrĩ da nherẽ, te te siwi wĩrĩ õ di. E marĩ wa. Te te 're iwapari za'ra mono norĩ hã ahâ wa, te te siwi wĩrĩ waihu'u õ di.

Luca 20:40

Tahawa, ma tô roti wẽ na sõwada za'ra, saduseu norĩ hã. Tahawa, marĩ na te te siwi sadanharĩ waihu'u õ di oto, te te sina mreme wazéb za'ra wa, ta norĩ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:21

Aibâ ihi'ré hã pese õ ré hã, 40 na ma tô ãma tiwahu. Tahawa, aihĩni 'Re ihâimana u'âsi mono ãma te tawata za'ra ni, aibâ ihi'ré hã morĩ wẽ wa oto. Tahawa, da te dasiwi ahâri da, te te dama 'ru waihu'u za'ra õ di, zudeu norĩ ma roti'wa norĩ hã. Tahawa, te taré duré tãma amhâzépa zahuré ni, Pedru norĩ ma, Zuwãhã me, te te dama rowasu'u zahuré tõ da oto, Zezusihi wasu'u na. Taha parimhã, ma tô duré oto tãma rob'ru zahuré ni, neb zahuré da.

2 Timotiu 3:9

Zanesi norĩ hã Zãbrihi me, ma tô dasiwi waihu'u zahuré ni, isimiza'rese'õ na. Tane te za duré oto isimiza'rese'õ za'ra na hã dasiwi waihu'u za'ra ni, senai'õ na dama rowasu'u'wa norĩ hã. Tawamhã ta norĩ nhimirowasu'u hã da te 're wapari hâ za'ra mono õ di za oto.

Titu 2:8

Iwasu'u uwaibaba si, te za dama 're irowahutu mo, da te aima 're nharĩ za'ra mono tõ da, taré da te aima 're nharĩ za'ra mono wa, timreme niwĩ wawẽ'õ'wa norĩ hã 're siséb za'ra mono da.

1 Pedru 3:16

Aiwaimri te za 're asiwasu'u za'ra wa'aba mo, aimreme wasété ãna. Aihâimana wẽ na te za dama 're aihâimana za'ra wa'aba mo, asimirosa'rata wasété na 'râwi 're asiwẽ'õ za'ra wa'aba mono tõ da. Tawamhã dama 're aihâimana wẽ za'ra wa'aba mono wamhã, Cristuhu zazei'wa 're aihâimana za'ra wa'aba mono 'ru te, taré da te aima 're inharĩ wasété za'ra wa'aba mono niwĩ, te za dasimreme ma 'râwi 're danhiséb za'ra.