Luca 13:11 - ꞌRe Ihâimana Uꞌâsi Mono Zadawa Wasuꞌu

¹¹ Tame te pi'õ hã ihâzé ré hã dame nhamra. Hâzé ré ma tô ãma tiwahub ahâ, 18 na, wa'uburé te te 're upi u'âsi mono wa. Sihâpâ u'âsi, te tahawa 're mo, wãi wahutu ãna.

Luca 13:11 ပူးပေါင်းရင်းမြစ်များ

Mateu 4:23

Tawamhã daza'rui mono bâ te 're mo Zezusi hã, Galiléa ãma hã. zudeu norĩ te, rowahutuzé mono bâ, ma tô te te dama 're rowahutu. 'Re ihâimana u'âsi mono, da'ãma 're isib'a'uwẽ mono zé wasu'u na te duré te te dama 're rowasu'u, iwasu'uwẽ na. Duré dahâzé da te 're isépata za'ra mono bâ hã ma da'apese. Hâzé u'âsi wa, sib'uware na 're inomro mono norĩ zama ma duré apese, Zezusi hã.

Marcu 9:21

Tawamhã Zezusi hã te imama hã ãma sadanha, ãne: — E niha ma tô ãma tiwahu, ai'ra iré 're hâimana mono ré hã. — Ĩ'ra hã sapore ré, ma tô 're siwamnarĩ.

Luca 13:12

Tawamhã Zezusi te te 'madâ'â wamhã, te 'mahâ, ãne: — Pi'õ, aihâzé hã te za oto aima apa.

Luca 21:28

Ãne wana ré, marĩ hã pusi mono wamhã, te za asiptete na 're aihâimana u'âsi za'ra wa'aba mo. Duré 're ai'rãiwahutu za'ra wa'aba mono. E marĩ wa. Romhutu na te za asõ'reptu za'ra wa'aba zé hã asina i'uwaimrami za'ra wa'wa.

Luca 8:2

Pi'õ norĩ zama, te isiré 're nomro, wa'uburé, te te tãma 're i'anhamra mono norĩ hã. Duré, ihâzé hã te te tãma 're i'apari mono norĩ zama, te isiré 're nomro. Pi'õ nhisi hã, Maria Madaréna na isisi hã, wa'uburé hã, 7 na ihâiba za'ra hã te te tãma isãmra za'ra hã.

Luca 8:27

Tawamhã uba're hawi, ma tô watobro, Zezusi hã. Watobro wamhã, ma tô aibâ hã itẽme wi, wa'uburé ré 're imorĩ hã. 'Re si'uza mono õ di oto, aibâ hã. Ai'uréiwi, te oto 're mo. Duré 'ri 're, 're sãmra mono õ di oto. Adâ'â 'ru ãma si te oto 're sãmra, ẽtẽ wa, ab're siromo ãma. Tame 're hâimana mono ré hã, ma tô ãma tironomro pese.

Luca 8:43

Tawamhã bâdâdi na morĩ ré, ma tô pi'õ hã wi, Zezusihi u, ihâzé ré hã, marĩ te te 're i'manharĩ mono hã. Hâzé ré, ma tô ãma tiwahub ahâ, 12 na ãma iwahubzé hã. Dawede'wa norĩ ma, ma tô uburé tinhibro hã uprosi, tisiwa'âbâzém na. Tazahã, dawede'wa norĩ hã iwede na hã te te siwi hõsi õ di. Tawamhã pi'õ hã, Zezusihi babarã niwĩ ma tô saprĩ. I'uza 'rãsudu hã ma tô tiwi upi. Tahawa, ma awa'awi séptârâ. Tâibâ oto ihâzé hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 3:2

Tame te aibâ hã nhamra, hi'ré siromo ipodo hã. “I'madâ'â ze” na 'ridawa nhisi u te ta hã nasi dasiwi mrami ni, rob'uiprazém na te te 're da'awari mono da, 're danhisisi mono sidâpâsi.