Luca 12:53 - ꞌRe Ihâimana Uꞌâsi Mono Zadawa Wasuꞌu

⁵³ Ãté, damama hã te za ti'ra norĩ hã wẽ'õ za'ra, ĩzazei'wa 're hâimana za'ra mono wa, i'ra si'aibâ hã. Ãté, da'ra norĩ hã te za timama hã siwi wẽ'õ za'ra, ĩzazei'wa, 're hâimana mono wa, imama za'ra hã. Ãté, dana hã te za ti'ra norĩ hã wẽ'õ za'ra, ĩzazei'wa, 're hâimana za'ra mono wa, i'ra sipi'õ norĩ hã. Ãté, pi'õ norĩ hã te za tina hã siwi wẽ'õ, ĩzazei'wa, 're hâimana mono wa, ina za'ra hã. Ãté, damaprewa hã te za tisani'aba norĩ hã wẽ'õ za'ra, ĩzazei'wa 're hâimana za'ra mono wa, isani'aba norĩ hã. Ãté, pi'õ norĩ hã te za timaprebaba norĩ hã wẽ'õ za'ra, ĩzazei'wa, 're hâimana za'ra mono wa, imaprebaba norĩ hã.

Luca 12:53 ပူးပေါင်းရင်းမြစ်များ

Mateu 10:35

Ti'ai u we ĩmorĩ wa, te za da'ra si'aibâ norĩ hã timama ãma 're sitob'ru za'ra. Da'ra sipi'õ norĩ hã te za duré tina ãma 're sitob'ru za'ra. Duré dasani'aba norĩ hã te za timaprebaba sipi'õi ãma hã 're sitob'ru za'ra.

Mateu 24:10

Ãne na daré 're romhâimana mono ré, te za ĩzazei'wa norĩ hã te te 're ĩzazei utõrĩ za'ra, ahâ na. 'Râwim nherẽ, te za duré dama 're sihâiba nhomri za'ra, da te 're i'ruiwapari za'ra mono zéb zarina, da te 're waibui mono da. Ĩzazei'wai wa, tisisãnawã na sima 're hâimana za'ra mono nherẽ, te za oto duré 're si'ruiwapari za'ra, 'râwim nherẽ.

Luca 12:52

Ãté, 5 na ihâiba hã te 'ri ãma siré 're si'ubumro. Ta norĩ hã te za rosa'rata na ĩ'ãma sima aipo'o za'ra. Ãté, si'ubdatõ te za ĩwẽ'wa, 're hâimana za'ra. Ãté maparane te za ĩwẽ'õ'wa, 're hâimana zahuré. Ãté, maparane te za ĩwẽ'wa hã 're hâimana zahuré. Ãté duré si'ubdatõ te za ĩwẽ'õ'wa hã 're hâimana za'ra.