Luca 12:52 - ꞌRe Ihâimana Uꞌâsi Mono Zadawa Wasuꞌu

⁵² Ãté, 5 na ihâiba hã te 'ri ãma siré 're si'ubumro. Ta norĩ hã te za rosa'rata na ĩ'ãma sima aipo'o za'ra. Ãté, si'ubdatõ te za ĩwẽ'wa, 're hâimana za'ra. Ãté maparane te za ĩwẽ'õ'wa, 're hâimana zahuré. Ãté, maparane te za ĩwẽ'wa hã 're hâimana zahuré. Ãté duré si'ubdatõ te za ĩwẽ'õ'wa hã 're hâimana za'ra.

Luca 12:52 ပူးပေါင်းရင်းမြစ်များ

Salmu 41:9

Ĩsiwaihu iwẽ te 're i'umnhasi mono hã, ma tô taha zama ĩzada hã 'rãihaiwamna, ĩsiré 're isai u'âsi mono hã.

Luca 12:51

E datẽme we ĩmorĩ wa, te za ti'ab ré rowẽ na si dasiré 're dahâimana za'ra, simisutu. Mare di. Ãne hã ĩ'ãma 're rosa'rata za'ra wa'aba mono õ di za. Rosa'rata na te za ĩ'ãma dasima aipo'o za'ra ni.

Luca 12:53

Ãté, damama hã te za ti'ra norĩ hã wẽ'õ za'ra, ĩzazei'wa 're hâimana za'ra mono wa, i'ra si'aibâ hã. Ãté, da'ra norĩ hã te za timama hã siwi wẽ'õ za'ra, ĩzazei'wa, 're hâimana mono wa, imama za'ra hã. Ãté, dana hã te za ti'ra norĩ hã wẽ'õ za'ra, ĩzazei'wa, 're hâimana za'ra mono wa, i'ra sipi'õ norĩ hã. Ãté, pi'õ norĩ hã te za tina hã siwi wẽ'õ, ĩzazei'wa, 're hâimana mono wa, ina za'ra hã. Ãté, damaprewa hã te za tisani'aba norĩ hã wẽ'õ za'ra, ĩzazei'wa 're hâimana za'ra mono wa, isani'aba norĩ hã. Ãté, pi'õ norĩ hã te za timaprebaba norĩ hã wẽ'õ za'ra, ĩzazei'wa, 're hâimana za'ra mono wa, imaprebaba norĩ hã.

Zuwã 16:2

Dama ipire norĩ hã te za aiwi te te 're rosawi za'ra wa'wa, rowahutuzéb u dame 're asisisi aba mono tõ da. Duré 'Re ihâimana u'âsi mono te te tãma pisutu za'ra newa, te za ai'uprosi aba ni.

Zuwã 9:16

Tawamhã ni'wam norĩ si, te Zezusihi ma nharĩ za'ra, farizeu norĩ hã: — Õ hã sabadu na te te pese nherẽ, te te 'madâ'â pese õ di, romhuri zahârizém na roti hã. 'Re ihâimana u'âsi mono hã we te te satõrĩ õ di. We te te satõrĩ 'wa'âhã, te aré te te 're 'madâ'â pese, isimiroti hã. Tawamhã ihâiba amo norĩ hã te rowasu'u za'ra duré: — 'Re morĩ wasété 'wa'âhã, aré waihu'u pese õ di, marĩ dama i'manharĩ waihu'u'õ hã te te dama 'manharĩ da hã. — Ãne Zezusihi ãma ma tô tasisada 'rãmi za'ra ni.

Zezusihi zadawa wasuꞌuꞌwa norĩ nhimiromhuri na robꞌuiꞌéré 28:24

Tawamhã imreme da te wapari za'ra wamhã, ni'wam norĩ hã ma tô saze za'ra. Aimawi norĩ hã te te ãma saze za'ra õ di.