Luca 12:46 - ꞌRe Ihâimana Uꞌâsi Mono Zadawa Wasuꞌu

⁴⁶ Tawamhã rosa'rese ãna hâimana ré, te za isib'apito hã itẽme wi apâ, sô isimipari õ zém na nimahã na siwa'ru bâtâ na. Tahawa, te za sa'ẽtẽ azâ, tãma iromhuri'wa hã. Sib'ézé 'wa pa na, te za te te wa'õtõ. Tahawa, te za dapo're'õ norĩ zu robzei'õ te te sina 're sõ'õtõ, tãma iromhuri'wa hã.

Luca 12:46 ပူးပေါင်းရင်းမြစ်များ

Salmu 94:14

Uburé Danhib'apito hã tinhib'a'uwẽ te te 're arẽme mono õ di za. Tãma 're ihâimana za'ra mono norĩ hã te te 're ab'madâ'â rẽme mono õ di za.

Mateu 24:50

Tawamhã simisa'rese ãna hâimana ré, te za isib'apito hã itẽme wi apâ, sô isimipari õ zém na siwa'ru, bâtâ na.

Mateu 24:51

Tawamhã sa'ẽtẽ te za azâ, tãma iromhuri'wa hã. Tane ni'wam norĩ hã 'Re ihâimana u'âsi mono nhimiroti te te 're 'madâ'â pese za'ra mono õ wamhã, te za tãma pisutu za'ra, ropipa u 're sisisi mono da, dasiré, isimiroti hã te te 're 'madâ'â pese za'ra mono newa, taré ãma 're dawata za'ra mono da, 're ihâimana wasété za'ra mono norĩ zu. Tame te za oto 're 'ru'ru. Te za duré 're 'wasitete za'ra, te te 're robzépata za'ẽtẽ za'ra mono wa.

Luca 12:40

Tane te za a norĩ wa'wa hã aihâimana nhimiza'rese sina 're asimipari u'âsi za'ra wa'aba mo. Ti'ai ãma Dasiré Ipodo hã te za wei mo apâ, sô asimipari za'ra wa'aba õ zém na, nimahã bâtâ na. Tahawa, te za aihâimana nhimiza'rese sina sô 're asimipari u'âsi za'ra wa'aba mo.

Luca 12:45

Tazahã, tinhib'apito za're'ra, dama 're hâimana wẽ mono õ wamhã, tãma 're rowẽ mono õ di za. Ãté apito za're'ra, te za 'râwi sima tinha, ãne: “Ĩnhib'apito hã simahudu õ di.” Ãté, ãne te za sima tinha. Tahawa, sô rowaptâ'â wẽ te, te za oto tizapari romhuri'wa norĩ hã te te 're ahâ za'ra aibâ norĩ hã, duré pi'õ norĩ zama hã. Ãté, te za taré tisa zô si 're hâimana. Ãté te za âzé hã te te 're hâsi. Õne u'âsi, te te 're hâsi mono wa, te za 'rãi wasété na 're hâimana.

Luca 12:47

— Ãté, ni'wa hã te za waihu'u pese, tinhib'apito nhimiroti hã, tãma iromhuri'wa hã. Tane nherẽ, wa'a te, isimiroti hã te te 're uwaimrami mono õ di za. Tahawa, te za sa'ẽtẽ azâri ni, powawẽ hâiwaré na, apito zadawa para.

Apocalipsi 16:15

Tawamhã ãne danhotõ 'rowim ne, da te 're irosawẽrẽ za'ra mono ne, te azabui mono ré, wa tô Zezusihi mreme hã wapa ĩpo're na, tizazei'wa norĩ te te ipo're pu'uzé hã. Ãne te tinha: “Ma'ãpé, aipo're pu'u za'ra wa'aba. Isimisaihuri zô 're danhimipari za'ra mono õ nherẽ, danhorõwa u 're isisisi mono ne, wa za wei mo apâ. Ãté ni'wa hã tisiwadi zô simipari wamhã, sõtõ ãna te za sô rob'madâ'â u'âsi. Tawamhã i'uza hã te za i'rata nomro 'râwi, isiwadi hã we itẽme wisi wa, si'aba'ré na te te sisada âri da, ãma isi'uzazéb da hã. Tane asimiza'rese sina, ĩzô 're asimipari za'ra wa'aba mono ré, we ĩmorĩ wamhã, aima 're rowẽ uptabi za'ra wa'aba mono di za. Ni'wa hã datõmo nho'a ai'uréiwi 're morĩ wa, 're isisé mono ne, ĩma aséb za'ra wa'aba tõ da, asimiza'rese sina ĩzô 're asimipari za'ra wa'aba mono ré, we ĩmorĩ wamhã, aima 're rowẽ uptabi za'ra wa'aba mono di za.”