Luca 12:45 - ꞌRe Ihâimana Uꞌâsi Mono Zadawa Wasuꞌu

⁴⁵ Tazahã, tinhib'apito za're'ra, dama 're hâimana wẽ mono õ wamhã, tãma 're rowẽ mono õ di za. Ãté apito za're'ra, te za 'râwi sima tinha, ãne: “Ĩnhib'apito hã simahudu õ di.” Ãté, ãne te za sima tinha. Tahawa, sô rowaptâ'â wẽ te, te za oto tizapari romhuri'wa norĩ hã te te 're ahâ za'ra aibâ norĩ hã, duré pi'õ norĩ zama hã. Ãté, te za taré tisa zô si 're hâimana. Ãté te za âzé hã te te 're hâsi. Õne u'âsi, te te 're hâsi mono wa, te za 'rãi wasété na 're hâimana.

Luca 12:45 ပူးပေါင်းရင်းမြစ်များ

Mateu 22:6

Ni'wam norĩ hã ma tô apito ma romhuri'wa norĩ hã siwi waibu. Duré te te siwi waibui parimhã, ma tô niha tãma rob'manharĩ wasété za'ra. Taha pari, ma tô duré uburé siwi uprosi.

Luca 12:46

Tawamhã rosa'rese ãna hâimana ré, te za isib'apito hã itẽme wi apâ, sô isimipari õ zém na nimahã na siwa'ru bâtâ na. Tahawa, te za sa'ẽtẽ azâ, tãma iromhuri'wa hã. Sib'ézé 'wa pa na, te za te te wa'õtõ. Tahawa, te za dapo're'õ norĩ zu robzei'õ te te sina 're sõ'õtõ, tãma iromhuri'wa hã.

Luca 21:34

Tawamhã Zezusi hã tinhimiroti na ma tô tãma 'rãsutu za'ra, ãne: — Asimiza'rese sina, te za 're aihâimana za'ra wa'aba mo. Datoi u hã âsipãrĩ na 're asapa'a za'ra wa'aba mono õ di za. Marĩ na si 're rosa'rata za'ra wa'aba mono õ di za. E marĩ wa. Rosa'rese õ ré, bâdâ ipire, iwa waptã'ã õ'umnhasite. Rosa'rese õ ré, te robzari hã itede'wa hã te te 're waibu, wedenhorõ na. Tane, duré rosa'rese õ ré, te za bâdâ ipire hã iwa waptãrã, uburé ti'ai ãma hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:18

Ĩma romhuri'wa norĩ ma, wa za Ĩpẽ'ẽzani hã te tãma ãma 're aropé, aibâ norĩ ma, duré pi'õ norĩ ma zama. Tawamhã te za te te dama 're ĩzadawa wasu'u za'ra.

Roma 16:18

Ta norĩ hã Wanhib'apito Cristuhu ma, te te 're romhuri za'ra mono õ di. Te te sima 're iwẽ za'ra mono zéb zarina si, te marĩ iwasétére zô si hã sima 're sõpré. Ta norĩ hã sadawa nhipese nherẽ, te isimiroti hã sena newa da te 're wapari ze za'ra, danhimirosa'rata nhib'uware na 're idahâimana za'ra mono norĩ hã. Mreme wapari zei wa, duré asa imreme hã da te dasima 're wẽ za'ra mono da, te taré timreme amo na te te dama 're rowasu'u za'ra, da'ãma 're wata za'ra mono sina. Tawamhã taha zarina, te za awa'awi imreme na da te 're saze za'ra.

2 Corĩtu 11:20

Ni'wam norĩ hã ma tô 're ihâimana za'ra mono zéb zarina, 're aihâimana za'ra wa'aba mono da, te te aima 're 'rui u'âsi za'ra wa'wa, ta norĩ zadawa para si, uburé marĩ hã 're 'manharĩ za'ra wa'aba mono da si. Tane nherẽ, asiwi 're wẽ'õ za'ra wa'aba mono õ di, ta norĩ hã. Sadawa nhipese na, aiwi 're sipsaihuri u'âsi za'ra wa'aba mono nherẽ, duré ta norĩ ma si, 're aihâimana za'ra wa'aba mono da, te te 're aiwaibui wa'aba mono nherẽ, e niha bâ bété, asiwi 're wẽ'õ za'ra wa'aba mono õ di. Ta norĩ si, aima pire na 're hâimana za'ra wa'aba mono newa, 'râwi 're si'madâ'â ze za'ra mono nherẽ, duré te te ai'ãma 're wasété za'ra wa'aba mono da, atob'rata wi te te 're aihâ za'ra wa'aba mono nherẽ, e asiwi hã 're wẽ'õ za'ra wa'aba mono ãna bété.

1 Tesalonita 5:7

Bara na si te danhimiza'rese ãna hã 're danhotõ za'ra. Bara na si te duré âzézei'wa norĩ hã 're si'rãiwamnarĩ za'ra.

2 Pedru 2:19

Dasi'uihâ na dahâimanazém na 're dahâimana wasété za'ra mono nherẽ, rowẽ na si za 're idanomro mono na, te ta norĩ hã te te dama 're rowasu'u za'ra, taré. Tane nherẽ, rowẽ na si 're nomro mono õ di, ta norĩ hã, tihâimana wasété hawi iwairébézéb da hã, tãma waihu'u za'ra õ wa. Marĩ hã da te 're sei hõsi za'ra mono wamhã, dasi'uihâ na da te 're rẽme waihu'u za'ra mono õ di za. Tane, senai'õ na rowasu'u'wa norĩ hã si'uihâ na tiwasédé hã te te sahâri waihu'u za'ra õ di.

Apocalipsi 16:6

'Re idanomro wasété mono norĩ hã ma tô asib'a'uwẽ norĩ, duré asadawa wasu'u'wa norĩ zama hã te te 're simro. Ma tô te te 're wapru pu'u za'ra. Tahawa, ma tô iwa'rãmi dawapru hã tãma i'anhomri mo, õhõ si da te 're âhuri mono da. Ibâre ma tô oto rowasédé hã sô tiwatobro za'ra tô.

Apocalipsi 18:24

Babilonia ãma iwa 're idahâimana wasété za'ra mono norĩ hã ma tô 'Re ihâimana u'âsi mono nhib'a'uwẽ te te 're simro, isadawa wasu'u'wa norĩ zama. Babilonia norĩ zadawa para, ma tô duré daro mono bâ dasiwazari da te 're danhimro. Tahawa, ma tô Babilonia hã daré uprosi ni.