Luca 12:24 - ꞌRe Ihâimana Uꞌâsi Mono Zadawa Wasuꞌu

²⁴ Õhõta, si norĩ hã. Ma'ãpé, 'madâ'â za'ra wa'aba. Si norĩ hã te te sima 're robzuri mono õ di. Te te duré sima 're roptehâri za'ra mono õ di. Duré romnhimi'warazé hã 'ri õ di, isazéb za'ra nhimi'warazéb da hã. Tane nherẽ, te isa hã te te tãma 're anhomri u'âsi, 'Re ihâimana u'âsi mono hã. E si norĩ si, te te 're azawi pese. Mare di. Si hã tãma sawi pese za'ra nherẽ, si zawi nhipai u, tãma asawi uptabi za'ra wa'aba di.

Luca 12:24 ပူးပေါင်းရင်းမြစ်များ

Mateu 10:31

Sire hã tãma sawi pese za'ra nherẽ, sire zawi nhipai u, tãma asawi uptabi za'ra wa'aba di, 'Re ihâimana u'âsi mono ma hã. Tahawa, asina 're aihâtâ'â za'ra wa'aba mono õ di za.

Mateu 3:12

Wei morĩ wapsi, te za da'ãma aipo'o. Amnho trigu, da te 're upõrĩ za'ra mono parimhã, te za da te 're sa'wari za'ra, isa'warizéb 're. Tawamhã itomhâ na te za da te ãma 're ro'o za'ra. Iro hã sa'ẽtẽ nherẽ, da te wĩrĩ waihu'u õ di za. Tane ĩma ipire hã wei morĩ wapsi, te za da'ãma aipo'o, trigu upõrĩ za'wari ne, duré itomhâ za'wari ne.

Mateu 6:26

Sire norĩ hã bété. Ta norĩ hã te te sima 're robzuri za'ra mono õ di. Duré te te sima 're rob'rãihâri za'ra mono õ di. Robza'razéb ãma te te duré sisa hã 're robza'wari za'ra mono õ di, ãma 're isaihuri mono zéb da hã. Tane nherẽ, te Aimama 'wa hã hâiwa ãma 're isãmra mono hã isa hã te te tãma 're anhomri u'âsi. E tawamhã sire si te te 're azawi pese, 'Re ihâimana u'âsi mono hã. Mare di.

Marcu 6:26

Tawamhã ma tô tiwi tirobzei'õ, apito Erodihi wi. Tane nherẽ, uburé sô idahârâ norĩ nho'a, te te azarutu ma ropisutu wa, ma tô tãma ãma uwaimra, te te tiwi iwaptẽrẽzéb uwaibaba.

Luca 12:18

Ãté ri wa za sãmra, te 'ri za'ẽtẽ da, buru nho za'warizéb da hã. Tamomo, wa za ubumro buru nho hã, 'ri za'ẽtẽ u. Ĩnhimarĩ zama, wa za sa'ra, buru nho zu hã.

Luca 12:23

Wasazém nhipai u pire uptabi di, wahâimanazé hã. Duré, wa'uzazém nhipai u pire uptabi di, wahâiba hã.