Luca 12:20 - ꞌRe Ihâimana Uꞌâsi Mono Zadawa Wasuꞌu

²⁰ Tahawa, te 'Re ihâimana u'âsi mono hã tãma tinha, ãne: “A hã ma tô ãma i'upa za'ẽ, asimirosa'rata na. Ã bara na te za atâ. Atâ'â wamhã, e 'wa te hã za oto asimarĩ hã, asima si 're i'a'ubumroi pese mono hã.”

Luca 12:20 ပူးပေါင်းရင်းမြစ်များ

Salmu 78:30

Tane nherẽ, zahadu te te huri ré, te te 'mahâpãrĩ uptabi za'ra õ ré,

Provébiu 10:2

Senai õ na 're idahâimana za'ra mono zarina, 're idasisimarĩ pese za'ra mono hã taré uptabi, marĩ dai õ di. Tane nherẽ, sena na 're idahâimana za'ra mono na hã te za dadâ'âzé wi ãma 're dasisani za'ra.

Provébiu 11:4

'Re ihâimana u'âsi mono, niha na te te dama i'arowairébézé bâtâ 'remhã, danhimarĩ hã marĩ dai õ di. Tane nherẽ, i'uwaibaba na si 're idahâimana za'ra mono zép si te za 're idadâ'â za'ra mono zé wi te te 're da'azani.

Provébiu 13:7

Ni'wam norĩ hã sibro pese ne dama 're sihâi'ré za'ra mono zahã, te tô simarĩ ãna hã 're hâimana za'ra, i'uptabi na hã. Duré isiré norĩ hã simarĩ'õ ne dama 're sihâi'ré za'ra mono zahã, te duré tô sibro pese na 're hâimana za'ra, iwa'rãmi.

Provébiu 27:1

Asi'madâ'â ze zéb zarina, za awẽb da, asima irowa'õtõzé hã dama wasu'u tõ. E marĩ wa. Aima waihu'u õ wa, awẽm na za marĩ asô iwatobrozé hã.

Provébiu 28:8

Ni'wa hã rob'uiprazé te te dawi i'âri nhisiwi iwa'âbâ na isisiwi, sa'ẽtẽ na da te ãma tiwi 're hâimo mono zarina, 're idanhimarĩ pese za'ra mono te, rob'uiprazé hã te za isimarĩ'õ norĩ zawi'wai ma hã tãma tirẽ, siwaihu'u ãna.

Luca 11:40

E niha waihu'u za'ra wa'aba õ di bété. Uburé Dapoto'wa hã e wahâiba na si, ma tô te te 're wa'awaihu'u. Mare di. Wanhimirosa'rata na zama, ma tô te te 're wa'awaihu'u, 'Re ihâimana u'âsi mono hã.

1 Tesalonita 5:3

Sô 're danhimipari za'ra mono õ wa, te za isazei'õ'wa norĩ hã da te dasima 're rowasu'u za'ra, ãne: “Rowẽ na wa za oto 're wasi'ubumroi u'âsi, marĩ hã wazô 're wairébé mono ãna.” Ãne te za dasima da te 're rowasu'u za'ra, da te 're waihu'u za'ra mono õ wa. Ãne, da te dasima 're rowasu'u za'ra mono wapsi, awa'awi te za ropipa hã dazô 're wairébé, Wamama hã za te te dama irob'manharĩzém na hã. Tiwi dasimani waihu'u za'ra õ di za, pi'õi ma, i'ra tãma 're rere'e mono da, iwasã ãma 're sépu'u za'ra mono wa, ai'uté zépu'u wi tiwi 're isimani za'ra mono õ ne.

1 Timotiu 6:17

Ãne te za duré isibrob ahâ norĩ ma 're i'aroti mo, sibrob ahâ wẽ te, 'râwi sina 're wata tõ za'ra mono da. Danhibro hã dama 're hâimana u'âsi za'ra mono õ di za, dama ãma 're irowẽ za'ra mono zéb da hã. Tahawa, tinhibrop si te te 're 'madâ'â za'ra mono õ di za. 'Re ihâimana u'âsi mono zô si, te za 're simnhasi za'ra, taha si, marĩ wẽ na uburé wama 're sõpru mono wa, wama ãma 're irobze za'ra mono zéb da hã.

1 Timotiu 6:7

E rob'uiprazé ma tô wazababa 're wairébé, wana dub're hawi 're wapoto za'ra mono wamhã. Mare di. Wahâiba si marĩ ãna wa tô 're wapoto za'ra. Duré 're wadâ'â za'ra mono wamhã, e wanhimarĩ hã wa za wasiré wa te 're 'wasari. Mare di.