Sire norĩ hã bété. Ta norĩ hã te te sima 're robzuri za'ra mono õ di. Duré te te sima 're rob'rãihâri za'ra mono õ di. Robza'razéb ãma te te duré sisa hã 're robza'wari za'ra mono õ di, ãma 're isaihuri mono zéb da hã. Tane nherẽ, te Aimama 'wa hã hâiwa ãma 're isãmra mono hã isa hã te te tãma 're anhomri u'âsi. E tawamhã sire si te te 're azawi pese, 'Re ihâimana u'âsi mono hã. Mare di.
Luca 12:18 - ꞌRe Ihâimana Uꞌâsi Mono Zadawa Wasuꞌu18 Ãté ri wa za sãmra, te 'ri za'ẽtẽ da, buru nho za'warizéb da hã. Tamomo, wa za ubumro buru nho hã, 'ri za'ẽtẽ u. Ĩnhimarĩ zama, wa za sa'ra, buru nho zu hã. အခန်းကိုကြည့်ပါ။ |
Luca 12:18
11 ပူးပေါင်းရင်းမြစ်များ
Taha parip si, wa za ĩsima tinha, ãne: ‘Ãhã na ĩma rowẽ di. Marĩ hã ahâ na, te ĩza daba'wara, iwẽ hã. Ĩwi iropsi'utõrĩ da hã, mare di. Wahub ahâ na, te za ĩ'ãma tiwahu, ĩsa hã ĩma 're hâimana mono ré hã. Wa za oto 're ĩwa'utu u'âsi. Ãté, te 're romhuri mono õ di za oto. Ãté ãhã na si, wa za oto 're ĩsa. Wa za duré te 're zâsi u'âsi. Marĩ na, wa za 're ĩto, ĩtozém na.’ ” Ãne te aibâ hã sima rosa'rata.
Õhõta, si norĩ hã. Ma'ãpé, 'madâ'â za'ra wa'aba. Si norĩ hã te te sima 're robzuri mono õ di. Te te duré sima 're roptehâri za'ra mono õ di. Duré romnhimi'warazé hã 'ri õ di, isazéb za'ra nhimi'warazéb da hã. Tane nherẽ, te isa hã te te tãma 're anhomri u'âsi, 'Re ihâimana u'âsi mono hã. E si norĩ si, te te 're azawi pese. Mare di. Si hã tãma sawi pese za'ra nherẽ, si zawi nhipai u, tãma asawi uptabi za'ra wa'aba di.
— Tane nherẽ, duréi nherẽ, te te pawaptob õ di. Tawamhã itẽme 're neb u'âsi mono wa, te oto 'râwi sima tinha, da'ãma rowairébé'wa hã, ãne: “Wa hã 'Re ihâimana u'âsi mono nhimiroti, te 'madâ'â õ nherẽ, duré danhimiroti na ĩnhimiwazéb õ nherẽ, te te sina ĩwa'a wa, wa za oto tãma rowairébé, marĩ te te sima iwẽ na. Te tãma rowairébé õ wamhã, ĩtẽme 're neb u'âsi mono wamhã, te za te te 're ĩwasutu u'âsi, timreme na. Ãne õ'umnhasite, wa za oto pawapto.” Ãne te sima tinha, tipẽ'ẽ na.
Ma'ãpé ĩwapari pese za'ra wa'aba. Ãté ãne te za asisõwa wa'aba, dama 're asiwasu'u za'ra wa'aba mo: “Ãté ãhã na 'ri ahâ u wa za ai'aba'ré ni, niha wamhã awẽ. Tame te za misi wa'ãma tiwahu, rob'uiprazéb zô wa te romhuri za'ra ré, wa te wasima sa'ẽtẽ za'ra da, rob'uiprazé hã.” Ãté ãne te za dama 're asiwasu'u za'ra wa'aba mo. E awẽmhã niha ai'ãma iromhâimana za'ra wa'aba zé hã aima waihu'u pese za'ra wa'aba bâ, te za ãne dama 're asiwasu'u za'ra wa'aba mo. Aihâimana za'ra wa'aba zé hã aiwa romnhizédé ne. Romnhizé hã 're hâimana za'ra mono wamhã, te za awa'awi 're si'utõrĩ. Tane 're aihâimana za'ra wa'aba mono zé hã, aiwa romnhizédé ne te za aiwi 're si'utõrĩ su'u za'ra wa'wa.
ကြော်ငြာတွေ