Luca 12:14 - ꞌRe Ihâimana Uꞌâsi Mono Zadawa Wasuꞌu

¹⁴ Tahawa, te Zezusi hã asa tãma tinha, ãne: — Mare di. E 'wa hã ma tô ĩpisutu, te ai'ãma wada'uri da, te te aima po'o da hã. Ni'wa te te ĩpisutu õ di.

Luca 12:14 ပူးပေါင်းရင်းမြစ်များ

Ezodu 2:14

Tawamhã te tãma tinha asa ãne: — E 'wa hã ma tô wanhib'apito da hã wa'ãma 're i'arowairebé mono da hã aipisutu. Duré e ma tô asima iwẽ, ĩwĩrĩ da, ezipsiu iwĩrĩ ne. Tawamhã Mozési ma tô tipahi. Tahawa te tipẽ'ẽ na 'râwi sima tinha ãne: “Ma tô oto dasiwi ĩ'upsibi me ni, te i'manharĩ wasété zém na hã.”

Luca 12:13

Tawamhã aibâ hã dawa'wa isa hã te Zezusihi ma tinha, ãne: — Rowahutu'wa, ĩdub'rada hã ma'ãpé ĩ'ãma wada'uri, te te ĩma po'o da, wamama hã wawi dâ'â õ ré, te te wama ipisudu hã.

Luca 22:58

Tawamhã ãma ronomro pari, te duré aibâ hã Pedru 'madâ, sãmra ré. Tahawa, te duré Pedruhu ma ta hã tinha, ãne: — A zama, te dasiré 're aimo. Tazahã, Pedru te asa tãma tinha, ãne: — Mare di. Wa hã, õ norĩ siré hãi õ di.

Luca 5:20

Zezusi hã simiwaihu'u pese wa, ma tô ãma saze za'ra. Tahawa, ma tô siwi ti'â, te te pese da. Zezusi ma tô sina waihu'u siro, te te ãma isaze za'ra zém na. Tahawa, te ihi'ré ma tinha, ãne: — Ĩsiwadi, aiwasédé hã 're i'ab'manharĩ wasété mono zé hã te ai'ãma 're ab'madâ'â mono õ di za oto.

Zuwã 6:15

Tawamhã Zezusi, damreme hã ma tô sina waihu'u. Tahawa, te siwaprosi sa'a nhisi u mo apâ, danhiti.

Zuwã 8:11

Tawamhã te pi'õ hã asa tãma tinha, ãne: — Maze di. Ni'wa hã sab õ di, te te dama ĩ'ru da, da te dasiwi ĩwĩrĩ da hã. Tahawa, Zezusi te duré asa tãma tinha, ãne: — Tane tô. Wa hã te duré dama ai'rui õ di za, da te dasiwi aiwĩrĩ da hã. Mo oto aimorĩ. Aiwasédé hã 're 'manharĩ zahu mono õ di za.

Roma 2:1

A norĩ wa'wa hã, dapo're'õ na 're idanomro mono norĩ ãma, iwasédé hã ãma 're sa'ra za'ra wa'aba mono wamhã, te za 're aiwasété za'ra wa'aba mo. E marĩ wa. Dasine aiwasédé hã 're 'manharĩ za'ra wa'aba mono wa, aiwa. Tahawa, dasine 're aihâimana za'ra wa'aba mono nherẽ, dawasédé hã da'ãma 're sa'ra za'ra wa'aba mono wamhã, te za 'Re ihâimana u'âsi mono hã te te 're aiwẽ'õ pese za'ra wa'wa dasiré. Tahawa, aiwasété ãna 're aihâimana za'ra wa'aba mono zém na 're asi'madâ'â waihu'u za'ra wa'aba mono õ di za.

Roma 2:3

Tane nherẽ, a norĩ wa'wa hã dawasédé hã da'ãma 're isa'ra za'ra wa'aba mono na, te aiwasédé hã 're i'manharĩ za'ra wa'aba mo. E 'Re ihâimana u'âsi mono nhimihâzé wi, 'râwi 're asisõ'reptu za'ra wa'aba mono da bâ, te ãne 're i'manharĩ za'ra wa'aba mo.

Roma 9:20

E a norĩ wa'wa hã 'Re ihâimana u'âsi mono ma, aipire za'ra wa'aba bâ, te za ãne na ĩma 're inharĩ za'ra wa'aba mo. Piza na zé 'manharĩ hã, e ti'manharĩ'wa te za sina sadanharĩ za'ra, ãne: “E marĩ da, ma tô ãne iwa'ab'manha.” Ãne na te te sina sadanharĩ waihu'u za'ra õ di za.