Luca 11:43 - ꞌRe Ihâimana Uꞌâsi Mono Zadawa Wasuꞌu

⁴³ — Farizeu norĩ, ai'ãma ĩpẽ'ẽzé za'ra wa'aba di. Aima 're ropipa uptabi za'ra wa'aba mono di za. Dama ipire norĩ simasisizém na, 're asimro zei wa'aba mono di, rowahutuzéb ãma. Duré 'ri nhi'riti wa, da te dasina 're i'ubumroi mono zéb ãma asisi pire na, da te 're asawi za'ra wa'aba mono wamhã, asina 're dawapari ze za'ra wa'aba mono di. Tahawa, niwapsi aima 're robze za'ra wa'aba mono õ di za.

Luca 11:43 ပူးပေါင်းရင်းမြစ်များ

Provébiu 16:18

'Râwi 're idasi'madâ'â ze za'ra mono zé hã, te za da'uprosizéb u te te 're da'ãwisi za'ra. Duré dasina 're idawata za'ra mono zé hã, te za dahâimanazém na 're idarere'e mono zé hã dama 're hâimana za'ra.

Mateu 11:16

— E 'wai ãma, wa za oto romnhimiré'é, ãhã na 're idahâimana za'ra mono norĩ ãma hã. Ai'uté norĩ ãma, wa za simiré'é. 'Ri nhi'riti wa, rowedezéb ãma si'ubumroi ré, te za ãne si'mahârâ za'ra, ai'uté norĩ hã: “Wa norĩ hã wa tô aima rowamreme za'ra wa'aba ni aré, dasina damro wa, rowamremezém na. Tane nherẽ, ãma ato za'ra wa'aba õ di. Duré da te dasina 're ti'a za'ra mono wa, rowamremezém na wa tô aré duré aima rowamreme za'ra wa'aba ni. Tane nherẽ, duré wame ai'ru'ru wa'aba õ di.” Ãne te za si'mahârâ za'ra. Ãne wa tô ai'uté norĩ ãma simiré'é, ãhã na 're idahâimana za'ra mono norĩ na hã.

Luca 20:46

— Ma'ãpé, rowahutu'wa norĩ hã waihu'u za'ra wa'aba, ihâimanazém na hã. Ta norĩ hã uza pa ré, 're nomro mono da si, tãma iwẽ za'ra hã. Duré 'ri nhi'riti wa, da te dasina 're i'ubumroi mono zéb ãma dama pire wa, da te 're wazéb za'ra mono da, ma tô te te sima 're wẽ za'ra. Duré dama ipire norĩ simasisizém na 're isi'ubumroi mono da si, tãma iwẽ za'ra hã, rowahutuzéb ãma duré 'ri para dasiré 're idasaihuri mono zéb ãma hã.

Roma 12:10

Dasisãnawãi uptabi 're idasisawi pese za'ra mono ne, te za a norĩ wa'wa hã 're asisawi pese za'ra wa'aba mo, Cristuhu ãma asisãnawã oto asiré 're aihâimana za'ra wa'aba mono wa. Te za duré 're asiwazé pese za'ra wa'aba mo.

Filipu 2:3

'Râwi asima si 're irosa'rata za'ra wa'aba mono zéb zarina, marĩ hã asima 're 'manharĩ za'ra wa'aba mono õ di za. Duré aipire na dama 're aihâimana za'ra wa'aba mono newa, taré asina 're aiwata za'ra wa'aba mono da, marĩ hã asima 're 'manharĩ za'ra wa'aba mono õ di za. Duré dama aipire na 're asi'madâ'â ze za'ra wa'aba mono õ di za. Taha wa'rãmi te za iwẽ na si 're idahâimana wazéb za'ra wa'aba mo, aima dapire na da'ãma 're irosa'rata za'ra wa'aba mono zéb zarina.

3 Zuwã 1:9

Ãne wa za duré ãma aima waihu'u. Ĩnhimi'ui'éré hã tamomo wa tô ãma tisõ isurure hã, isazei'wa norĩ hã asiré 're isi'rã'õtõ mono norĩ ma. Tane nherẽ, te ni'wa hã tame 're sãmra, ĩwẽ'õ'wa hã, Diutrefesi na isisi hã. Ta hã uburé asiré isazei'wa norĩ ma, si'apito da si te te sina 're rob'ruiwapari u'âsi mono wa, ĩnhimiroti hã te te 're wapari mono õ di, isipai u da'madâ'â'wa na 're ĩhâimana mono 'ru te.