Luca 11:39 - ꞌRe Ihâimana Uꞌâsi Mono Zadawa Wasuꞌu

³⁹ Tawamhã ma tô Wanhib'apito hã tãma tinha, Zezusi hã: — Farizeu norĩ, wa za aima ãma romnhimiré'é za'ra wa'wa, ãne: Hâsizé hã duré pratu hã imana wawip si, da te 're upsõ za'ra mono wamhã, iwa'wamhã wasété di, zahadu upto wa. Tane, a norĩ wa'wa hã 're anomro wẽ wa'aba mono newa, da te 're ai'madâ'â wẽ za'ra wa'aba mono da, te 'Re ihâimana u'âsi mono nhimiroti ipire prã norĩ si 're i'madâ'â pese za'ra wa'aba mo, danho'a. Tane nherẽ, aipẽ'ẽ 'remhã asimirosa'rata wasété na te zahadu iré 're aihâimana u'âsi za'ra wa'aba mo. Danhibrob na si te duré 're ida'ruiwapari za'ra wa'aba mo. Aihâimana nhipese zarina, te duré marĩ na dawi 're asipsaihuri za'ra wa'aba mo.

Luca 11:39 ပူးပေါင်းရင်းမြစ်များ

Zenezi 6:5

Tawamhã Uburé Danhib'apito, 're idawasété pese uptabi za'ra mono zé ma tô te te 're ab'madâ'â, õne u'â dawasété si da te 're 'manharĩ za'ra mono da, da te dasima ãma 're irosa'rata za'ra mono zé hã.

Salmu 22:13

Hu'u zérépa, wairõ sina, tizadawa te te 're po'o za'ra mono wa, te te oto 're idanhiwazu za'ra mono ne, ma tô ĩzada hã tihâimana za'ra.

Provébiu 26:23

Damreme hã iwẽ newa te romana wawimhã 're hâimana, dapẽ'ẽ 'remhã wasété uptabi nherẽ, zé'a na ub'rẽ hã waipo da, da te 're i'ma'wamarĩ mono ne.

Provébiu 26:25

Ta hã dama 're mreme wẽ mono nherẽ, te te inharĩzém na hã ãma 're sazei mono õ di za. E marĩ wa. Ipẽ'ẽ 'remhã isimirosa'rada hã wasété uptabi wa.

Provébiu 30:12

Ni'wam norĩ hã te tiwẽ na 're ihâimana za'ra mono na te te sina 're rosa'rata za'ra. Tane nherẽ, zahadu 're isi'uptob za'ra mono pari zé hã tãma 're hâimana za'ra mono õ di, ipẽ'ẽ 'remhã.

Mateu 15:19

Dapẽ'ẽ 're, danhimirosa'rata wasété hawim na si, te za dawasédé hã uburé da te ãma 're 'manharĩ za'ra, dasipãrĩ na hã, duré dasina danhimisaihuri na hã, duré marĩ na danhimisaihuri na hã, duré dazadawa nhipese na hã, duré da te da'ãma 're iwasété za'ra mono na hã.

Mateu 7:15

— Duré, 'Re ihâimana u'âsi mono zadawa wasu'u uptabi õ 'wa norĩ wi, te za 're asi'madâ'â pese za'ra wa'aba mo. Ta norĩ hã tô sena dasiré 're hâimana wẽ za'ra mono newa, te za te te dama 're roti za'ra taré. Ta norĩ hã te abaze zahi ne 're hâimana u'âsi za'ra, isazei'wa norĩ zada hã.

Luca 16:15

Tahawa, te Zezusi hã tãma nharĩ za'ra, ãne: — A norĩ wa'wa hã aiwẽ newa, te ai'ãma 're dawata za'ra wa'wa. Tazahã asimirosa'rata 'wa hã, 'Re ihâimana u'âsi mono ma, waihu'u pese di. Ãté, marĩ na te za dasima ãma 're dawata za'ra, iwẽ newa. Tazahã tãma wẽ õ wamhã, te za te te 're awẽ'õ, 'Re ihâimana u'âsi mono hã.

Luca 7:13

Tawamhã imrotõ te te 'madâ'â wamhã, ma tô ãma tipẽ'ẽzé, Zezusi hã. Tawamhã ma tô tãma tinha, wawa tõ da.

Zuwã 12:6

E marĩ wa. E isibrob'õ norĩ hã te te pawaptob zei wa. Mare di. Te te pawaptob ze za'ra wab õ di. Ta hã sipsaihuri di. Rob'uiprazé hã te te wama 're i'madâ'â mono hã, te pi'uriwi te te sima 're 'mazani.

Zuwã 13:2

Tawamhã tisa, te te huri da hã, ma tô asimro bara na, Zezusihi siré 're inomro mono norĩ hã. Tisa hã te te huri õ ré, ma tô Zuda Icarioti hã rosa'rata, Zezusihi zô te te danhimroi mono da, te te dama hâiba nhomri da. Wa'uburé nhimirosa'rata hawim na, te ãne sima ãma rosa'rata. Simahã 'ra, Zuda hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:3

Taha wamhã, te Pedru tãma tinha, ãne: — Anania, e marĩ da, ma tô Satanasihi nhimiwada'uri zarina i'manha. Tahawa, ma tô 'Re ihâimana u'âsi mono pẽ'ẽzani ma, asadawa nhipe. Asipti'ai wa'â hã pi'uriwi ma tô asima ipo'o 'wa, aimro me.

2 Timotiu 3:5

'Re ihâimana u'âsi mono nhimiroti na 're dahâimana wẽ za'ra mono da, da te dasima 're wẽ pese za'ra mono newa, te za 're dasiwasu'u za'ra. Tazahã, i'uptabi na hã da te dasima 're wẽ za'ra mono õ di za, tiwaihu'u pese na te te 're da'apawapto mono wa, ãma 're idahâimana wẽ za'ra mono zéb da hã. Tahawa, te za ta norĩ nhiti romhâ na 're aihâimana mo.

Titu 1:15

Danhimirosa'rata wẽ u'âsi 're danomro mono wamhã, uburé marĩ iwẽ na 'râwi ãma 're dasiwasété za'ra mono õ di za. Tane nherẽ, danhimirosa'rata wasété u'âsi 're danomro mono wamhã, marĩ wẽ nherẽ, da te ãma 're rosa'rata wasété za'ra mono wamhã, te za 'râwi ãma 're dasiwasété za'ra, isazei'õ'wa na 're idahâimana za'ra mono norĩ hã. Tane nherẽ, dawasété na 'râwi 're dasiwaihu'u za'ra mono ãna, te za 're dahâimana za'ra.

Tiagu 4:8

Ma'ãpé Wamama u asimirosa'rata na 're aihutu aba mono. Tawamhã õ hã te za duré 'râwi atẽme 're simasisi 'wa. Ipo're'õ norĩ, asib'rata u're wa, 're asimisõ za'ra wa'aba mono ne, te za 'râwi aipẽ'ẽ na aiwasété na 're asiwẽ'õ za'ra wa'aba mo, aiwẽ na 're anomro aba mono da oto. Wamama ãma tô sena 're aihâimana za'ra wa'aba mono newa, tazahã tô sena ãma 're aihâimana za'ra wa'aba mono õ di. Tahawa, ma'ãpé aihâimana wasété wi 're aipizari za'ra wa'aba mono, aihâimana wẽ na ãma 're aihâimana za'ra wa'aba mono da.