Luca 11:37 - ꞌRe Ihâimana Uꞌâsi Mono Zadawa Wasuꞌu

³⁷ Tawamhã tame te te dama rowasu'u pari, ma tô aibâ hã tãma tinha, isõrõwa u morĩ da, isiré sa da. Aibâ hã, farizeu. Tahawa, ma tô Zezusi hã ãma saze. Tawamhã 'ri para u sébré wamhã, te nhamra, sa da.

Luca 11:37 ပူးပေါင်းရင်းမြစ်များ

Luca 11:36

Wa za duré aima ãma romnhimiré'é za'ra wa'wa, ãne: Rob'uiwẽzé hã te te aima 're rob'uiwẽ za'ra wa'aba mono wamhã, uburé aihâiba ma hã 're rowa'a za'ra wa'aba mono di za. Aiwi 're robra za'ra wa'aba mono õ di za. Tane, asimirosa'rata wẽ za'ra wa'aba wamhã, te za aiwasédé hã 're iwẽ'õ za'ra wa'aba mo, iwẽ si 're waihu'u za'ra wa'aba mono da.

Luca 11:38

Tane nherẽ, sai õ ré, simisõi õ di Zezusi hã, dahi'rada hã 're isimisõ za'ra mono zéb zarina hã. Tahawa, te farizeu hã tãma tinha, tipẽ'ẽ na, simisõi õ wa.

Luca 14:1

Zudeu norĩ te, romhuri zahârizém na ma tô Zezusi hã ãzé, aibâ nhorõwa u, isiré sa da. Aibâ hã, farizeu. Isiré farizeu norĩ ma, pire di, aibâ hã. Tawamhã tame 'ri para, isi'ubumro norĩ hã ma tô Zezusi hã 'madâ'â za'ra.

Luca 7:36

Tawamhã aibâ farizeu hã ma tô Zezusihi zô hâ, ime sa da. Tahawa, te Zezusi hã isõrõwa u mo. Tawamhã ma tô nhamra tame, sa da.